Joel 3:1 - Labrador Inuttitut Heritage Bible

¹ Ahâk, uvlune tâpkonane, neliutomelo tâpsomane, Jûdab Jerusalemiblo aularutijaujungit utertikupkit,

Joel 3:1 Iomraidhean Croise

Imgerut 14:7

ᴋannoktôk ikajortiksamik tikkitoᴋarle Zionemit Israelitinnut, Nâlekablo innuᴋotine parngnanairsortat piuliligit! Tagva Jako ᴋuviasugajarpok, Israelelo serridlarajarpok.

Imgerut 85:1

Nalegak nunaᴋotit saimarvigilaukpet, parngnanairsortaumajullo Jakokut piulilaukpâttit.

Salomob Okâl 1:23

Sâtitse âkᴋiksoinimnut. Ahâk Annernera kovijomavara illipsingnut, oᴋausimnik ᴋaujititsomavapse.

Jesaiase 44:3

Imermik kovisijomârama imeruktomut kôngniglo pannertomut; anernera kovijomârpara ᴋitorngarnut saimarsautigalo kinguvângnut.

Jeremia 16:15

Imâgle: Sorlo Nâlagaᴋ inôngmat, tikiutjilauᴋtoᴋ Israêlib ᴋitornganginik nunamit taggânêtomit, nunanillo tamainit ᴋemâviotitaminit tâpkonunga; tikiutitsomârivakkalo nunamingnut tunilauᴋtamnut atâtagijanginut.

Jeremia 29:14

Nagvârtaujomârpungalo ilipsingnut, oᴋarpoᴋ Nâlagaᴋ, aularutjauniselo sorairtitsomârpara, katersoromârpapselo inôᴋatigêksuit akornganit, nunanillo tamainit âtauviotilauᴋtamnit ilipsingnik, oᴋarpoᴋ Nâlagaᴋ, utertitsomârpapselo nunamut aulartitauvigilauᴋtapsingnut uvamnut.

Jeremia 30:18

Imâk oᴋarpoᴋ Nâlagaᴋ: Ahâk, Jâkob tuppingit aularutijaujut utertitsomârpakka, innigijangillo nâpkigijomârpakka; iglugasaksuillo ᴋarmaᴋalârput ᴋaᴋᴋârulangmingne, igloᴋsoarlo takojaujomârpok innigilauᴋtamine.

Jeremia 30:3

Ahâk, uvlut naliutsomârmatta, oᴋarpoᴋ Nâlagaᴋ, inuᴋotima Israêlikut Judakullo aularutijauningat sorairtitsomârapko, oᴋarpoᴋ Nâlagaᴋ; utertitsomârpakkalo nunamut tunilauᴋtamnut atâtanginut, pigilârpâllo.

Hesekiel 16:53

Uvangale tâpkoa aularutijauningit utertitsomârpakka, Sodomab paningitalo aularutijauningit, Samariablo paningitalo aularutijauningit, aularutijaujoᴋotivillo aularutijauningit tâpkoa ilagilugit:

Hesekiel 39:25

Tamanna pivlugo imâk oᴋarpoᴋ Nâlegaᴋ Nâlegaujoᴋ: Mâna Jâkob aularutijauninga utertitsomârpara, Israêliblo ᴋitorngangit ilûnaita nâpkigijomarpakka; ateralo ivsornaitoᴋ ilungertûtigijomârpara.

Daniel 12:1

Naliutomilo tâpsomani Migaili, angajoᴋâᴋsoaᴋ imna inôᴋativît ᴋitorngangita singnigijingat, nikovidlaromârpoᴋ; kapianartoviᴋaromârparlo naliᴋalauᴋsimangitomik inôᴋatigêksoaᴋatainarninganit naliuniᴋ tâmna tikidlugo; naliutomilo tâpsomani inôᴋatitit piulijaujomârput, ilûnatik aglangni aglaᴋsimajut.

Joel 2:29

Uvlunelo tâpkonane anernera kovijomârpara kivganut angutinut kivganullo arnanut.

Amos 9:14

Inuᴋotimalo Israêlikut aularutijaujungit utertitsomârpakka, iglolioromârpullo iglugasaksoarnik asserortaumajunik, inigilugillo; perorsêvilioromârpullo vaineliksatalingnik, vainingalo imerlugo; perorsêvilioromârpullo, paungangillo nerrilugit.

Numbers 11:29

Mosesiblo oᴋautivâ: Pivlunga nâmaksijungnaikêt? Nâlekab inuᴋotingita ilûnatik nelautaijôgiangit tusunadlarpoᴋ, Nâlekab anernine pitinajarmago tâpkonunga.

Numbers 12:6

Tâmnalo oᴋarpoᴋ: Oᴋausikka tusarsigik; nelautaijoᴋarpat akunapsingne, uvanga Nâlegaujunga nelonaijaromavunga uvamnik tâpsomunga takotitjutikut, oᴋarvigijomavara sinnartomanekut.

Deuteronomy 30:3

Tagva Nâlekab Gûdivît aularutijaunît issumagijomârîva, nâpkigijomârpâtillo, uterlunelo katersoromârpâtit inôᴋatigêksoarnit tamainit, Nâlekab Gûdivît apsimaviotitanginit ilingnik.