Joel 2:32 - Labrador Inuttitut Heritage Bible

³² Imaitsomârporlo, neliaᴋ Nâlekab attinganut ᴋiagarsuktoᴋ piulijaujomârpoᴋ: ᴋaᴋᴋame Zioneme Jerusalememelo piulijauviksaᴋaromârpoᴋ, sorlo Nâlegaᴋ oᴋarsimangmat, amiakôjunelo Nâlekab ᴋaiᴋojangine.

Joel 2:32 Iomraidhean Croise

Genesis 4:26

Setelotauᴋ ernertârpoᴋ atteᴋartilugolo Enosemik. Taipsomane Nâlekab attinga tuksiarvigilerpât.

Imgerut 50:15

ᴋannoêtoᴋarnerublo uvlungane nipliaviginga, tagva piulijomavagit, igvillo nakorijaksarivarma.

Jesaiase 10:22

Inuᴋotitit, Israêle, unuktôgalloarpatta siorᴋatitut imab sikjanganẽtutitut, amiakôjut tâpkonangat (kissimik) sâgiaromârput. Nungutaksauningat kajusimajutauvoᴋ, erᴋartuijoᴋ ᴋaglilerpoᴋ,

Jesaiase 11:11

Nâlekablo nalliutome taipsomane amma aggane issagomârpait, inuᴋotime amiaᴋungit pissiarijomavlugit, amiaᴋôjut Assiriamit Egiptenemillo Patrosemillo Etiopiamillo Elamimillo Sinearemillo Hamatemillo ᴋikkertanillo imarbingmẽtunit.

Jesaiase 11:16

Apᴋosinersoaᴋaromârporlo inuᴋotingita amiakunginut, amiakôjunut Assiriamit, sôrlo Israêlitinut pijoᴋalaungmat taipsomane, Egiptenemit aularmatta.

Jesaiase 4:2

Tamanna nalliutikpat, Nâlekab nuilertitanga ivlernautauvlunelo nertornautaujomârpoᴋ, nunablo (Kânaanib) perortunga annernautauvlunelo inerᴋonautaujomârpoᴋ Israêlitinut amiakôjunut.

Jesaiase 46:13

Idluarsaiviksara ᴋannitomut pitipara, ungasigungnairpoᴋ; piuliklerviksara mullutsangilaᴋ. Piuliklerteojomârpunga Zioneme Israêlelo ânanausilerlugo.

Jeremia 31:7

Imâk oᴋarmat Nâlagaᴋ: ᴋuviasungnermut imgeritse Jâko pivlugo, nipliatsiaritselo inôᴋatigêksuit pinerpângat pivlugo; nipliaritse, nertordleritse, oᴋarluse: Nâlagaᴋ, piulilaukit inuᴋotitit, Israêlib amiakungit.

Jeremia 33:3

Kaigarsugviginga akkijomavagillo, unertutjivigijomavagillo angijunik inornartuniglo, ᴋaujimangitarnik.

Amos 9:8

Ahâk, Nâlekab Nâlegaujûb ijingita nâlegauvik ajortolik takonârpât, pêjaromavaralo nunab ᴋânganit; Jâkob kinguvângit kissimik nungumarigomângituinarpakka, oᴋarpok Nâlegak.

Obadia 1:17

ᴋaᴋᴋamele Zioneme ᴋemâsimajoᴋaromârpoᴋ, ivsornaijomârporlo tâmna; Jâkoblo ᴋitorngangita perᴋutigilârpait perᴋutigilauᴋtatik.

Obadia 1:21

Piuliklertuksallo majuaromârput Zionib ᴋaᴋᴋanganut idluarsaromavlugit Esauib ᴋaᴋᴋanganêtut, nâlegauviglo Nâlekab pigilârpâ.

Migga 5:3

Taimaimat tâpsoma tunijomârpait ernisuktoᴋ erniᴋârtinago; taipsomane ᴋatangutime amiakungit utilârput Israêlib ᴋitornganginut.

Saggaria 13:9

Pingajuingillo ikomakôrtitsomârpakka, sujungaititsomârpakkalo, sorlo silbere sujungaititaungmat, nautsertoromârpakkalo, sorlo golde nautsertortaungmat: atera ᴋaigarsugvigijomârpât, tusaromârpakkalo; oᴋaromârpunga: Tamadja inuᴋotigijakka; tâpkoalo oᴋaromârput: Nâlegak Gudigivara.

Johannese 10:16

Sule asinginik saugaᴋuteᴋarpunga iglomit tamattomangat pingitunik. Tâpkoalo tamaunga pititsariaᴋarpakka, nipigalo tusaromârpât, atautsimêlutiglo katimgajomârput, atautsemiglo mianerijeᴋarlutik.

Johannese 4:22

Tuksiarvigijase nelovase; uvagulle tuksiarvigijavut nelungilavut; piulijiksak Jûdinit pingmat.

Apostelit Piniarningit 15:17

Inuit amiakut Nâlekamik aperᴋuteᴋarᴋovlugit, nalojut ilûnatik atimnik taisiviojut; Nâlegak oᴋarpok, tamakkoninga tamainik piniartok.

Apostelit Piniarningit 2:39

Ilipsingnulle ᴋitorngapsingnullo oᴋautsit ukua ilingavut, ungasiktomêtunullo tamainut, Nâlekab Gûdipta ᴋaiᴋojomârtanginut tamaunga.

Rômiunut 11:26

Taimaglo Israêlitit ilûnaita piulijauᴋovlugit; sorlo aglaksimangmat: Zionemulle piuliklerte tikitsomârpoᴋ sâgiartunullo tapatonermit Jâkokune;

Rômiunut 11:5

Taimaktauᴋ naliutome tamattomane amiakoᴋarivoᴋ saimanermut (nâpkiningnermut) anerijaujunik.

Rômiunut 11:7

Kanoᴋ tagvâ? Israêlib ᴋenertane pilaungilâ; anerimajulle pivât, assingit mangaitisimavut.

Rômiunut 9:24

Taimaitogut uvaguttauᴋ ᴋaiᴋovâtigut, Jûdinit kissiani-ungitoᴋ, nalojunittauᴋ.

Rômiunut 9:27

Jesaiasele nipliavoᴋ Israêlib kinguvângit pivlugit: Inuᴋotitit, Israêle, unuktôgalloarpatta siorᴋatitut imab sidjanganêtutitut, amiakôjut tâpkonangat (kissimik) sâgiaromârput.

I Korintemiunut 1:2

(Aglakpoguk) Gûdib ilagêktoᴋotinginut Korintemêtunut, ivjornaititaumajunut Kristûse Jêsuseme, ᴋaiᴋojaumajunut ivjornaitunit, tamainullo ilûnâne tuksiartunut Nâlegapta Kristûsib atingane, tâpkoa Nâlegangata uvagullo Nâlegapta (atingane).

Ebrêerinut 12:22

Ilipsele Zionib ᴋaᴋᴋanganut tikisimavose, Gûdiblo ômajub iglugasaksoanginut, Jerusalemut ᴋilangmêtomut, Engelillo tausendeoᴋattartut unuktoᴋsôninginut,