Joel 2:31 - Labrador Inuttitut Heritage Bible

³¹ Seᴋineᴋ ablatsangoromârpoᴋ tâᴋtomut, taᴋᴋerlo aungmut, Nâlekab uvloᴋsoanga sivôranartoᴋ neliutiᴋârtinago.

Joel 2:31 Iomraidhean Croise

Jeremia 4:28

Tamannale pivlugo nuna kiksaromârpoᴋ, ᴋilaillo takpâne ᴋernersijomârput; oᴋautigisimagapko, kajusijûtigigapko, ᴋaᴋialilungilangalo uteromanangalônêt tamattomangat.

Hesekiel 32:7

Kamikupkillo ᴋilak uligomârpara, uvloriangillo tâᴋtungorlugit; seᴋineᴋ uligomârpara nuvujanut, taᴋᴋiublo ᴋaumanine saᴋᴋijârtiniangilâ.

Joel 2:1

Tiptulausijaritse Zioneme, kamasârileritse ᴋaᴋᴋamne ivsornaitome; nunab inungit ilûnatik sajudlarlit; Nâlekab uvlunga tikilermat, ᴋaniporlo;

Joel 2:10

Nuna sajukpilukpoᴋ sângine; ᴋilait sajukput; seᴋineᴋ taᴋᴋerlo tâᴋsipuk, uvloriallo ᴋaumanitik saᴋᴋijârtailitipait;

Joel 2:11

Nâlekablo nippine anitipâ sorᴋsuktoᴋatigêksoarme sivurâne; tangmârvinga angijoᴋsôdlarmat; oᴋausinganiglo nâmaksititsijoᴋ pitsartudlarpoᴋ; Nâlekab uvlunga angijôdlarmat sivôranartoᴋsôlarmelo; kia sapingikaûk?

Joel 2:2

Uvloᴋ tâᴋtoᴋ niptaidlartorlo, uvloᴋ nuvujalik ᴋaujuitorlo, sorlo uvlub tâvliganga issivisimajoᴋ ᴋaᴋᴋane; inôᴋatigêksuit sôngojut aᴋtornartullo, sivorngane taimaitoᴋalauᴋsimangilaᴋ, kingornganelo taimaitoᴋaromângilaᴋ kinguvârêt unuktut jâringinut aglât.

Joel 3:1

Ahâk, uvlune tâpkonane, neliutomelo tâpsomane, Jûdab Jerusalemiblo aularutijaujungit utertikupkit,

Joel 3:15

Seᴋineᴋ taᴋᴋerlo tâᴋsilerpuk, uvloritjallo ᴋaumanitik saᴋᴋijârtailititsomârpât.

Saggaria 14:6

Pijoᴋalârporlo uvlorme tâpsomane ᴋaumanek tikiniangimat ᴋaumavlunelo tâksilunelo;

Mâlaki 4:1

Ahâk, uvloᴋ neliutijomârpoᴋ, kiaksautitut ikoalâvoᴋ; piojorijullo ilûnatik idluitulijullo ilûnatik igvît kipakungititut îtsomârput; uvlûblo neliutijomârtûb ikitsomârpait, oᴋarpoᴋ Nâlegaᴋ Zebaot, amiakoᴋartitsomângilaillo amârmiglônêt akkeromiglônêt.

Mâlaki 4:5

Ahâk, tiliklervigijomârpapse Eliasemik nelautaijomik Nâlekab uvlunga angijoᴋ sivôranartorlo tikerᴋârtinago.

Mattêuse 24:29

Uvlulle taipkoa kappianartut kingorngatigut seᴋinerlo takᴋerlo ᴋaumajungnairomârpuk, uvloritjallo katagomârput ᴋilangmit, Kilaublo pitsartuningit aulataujomârput.

Mattêuse 27:45

Stundillo 6 inganit nuname ilûnâne tâᴋtoksôlerpok, stundit 9 ingat tikidlugo.

Lukase 21:25

Seᴋinerlo, takᴋerlo, uvloritjallo nelunaikutaᴋaromârput; inuillo nunamêtut erᴋsinermut sivôradlaromârput; imarbiksoarlo malliksuavaksuillo iktulijâromârput.

Apostelit Piniarningit 2:20

Seᴋinek ablatsaujomârpok tâksoarmut, takᴋerlo auktunitsomârpok, Nâlekab uvloᴋsoanga naliuterᴋârtinago.

Takotitaunermik 8:12

Engelillo sitamangat tiptulausijarivok. Seᴋinek tagva pingasuililugo pingajuat, takᴋerlo pingasuililugo pingajuat, uvloritjallo pingasuililugit pingajuingit tâᴋtoksôlerput, uvlub ᴋaumaninga pingasuililugo pingajuat pêrlugo, unnuarlo taimainivok.