Joel 2:30 - Labrador Inuttitut Heritage Bible

³⁰ Tatamnadlartuniglo saᴋᴋijârtitsijomârpunga ᴋilangmelo nunamelo, aungmik, ikomamiglo, isserlungniglo napajunik.

Joel 2:30 Iomraidhean Croise

Genesis 19:28

Sodomab Gomorrablo nunangak takosarpâ, nunablo tamattoma erᴋâ ilûnât. Takosarmallo, sunaubva, isserluksoaᴋ nunamit ᴋangatarpoᴋ, sorlo kiaksautiâlub isserluksoanga.

Imgerusersoak 3:6

Kinauva tâmna (arnak) majorartok sunaᴋajuitomit, isserluktut ᴋongmualuatsiartotut, isserluktut Mirrinit Weirauchemillo âniasiusiortiblo serᴋallijanginnit sunatuinarnit pijotut?

Jeremia 4:28

Tamannale pivlugo nuna kiksaromârpoᴋ, ᴋilaillo takpâne ᴋernersijomârput; oᴋautigisimagapko, kajusijûtigigapko, ᴋaᴋialilungilangalo uteromanangalônêt tamattomangat.

Saggaria 14:6

Pijoᴋalârporlo uvlorme tâpsomane ᴋaumanek tikiniangimat ᴋaumavlunelo tâksilunelo;

Mattêuse 24:29

Uvlulle taipkoa kappianartut kingorngatigut seᴋinerlo takᴋerlo ᴋaumajungnairomârpuk, uvloritjallo katagomârput ᴋilangmit, Kilaublo pitsartuningit aulataujomârput.

Lukase 21:11

Nunallo sunatuinarne angijomik sajukpilugomârput, Kângnartoksoaᴋarlarmelo nusilingnartoᴋaromârpok; erᴋsinartuniglo nalunaikutaksoarnik sakᴋertoᴋaromârpok ᴋilangmit.

Josua 8:20

Angutillo Aiemiut keviarput, takkosarlutiglo uttimut, takkolutiglo iglugasaksuit isserlunganik kôngmuartomik ᴋillangmut, kemâviksakangilello ikkungalonêt tagvungalonêt. Innuillo sunnakajuitomut kemâjut tunnulerput udlatorlugit.

Takotitaunermik 18:18

Nipliadlarlutiglo, ikomangata isserlunga takogamitsuk, oᴋarpullo: Iglugasaksuit angijut ukkua ane adseᴋarᴋât?

Takotitaunermik 18:9

Atanîllo nuname tâpsominga arnarnialauktut ikligudlarvigilugo, ᴋeaniarpât kappiaktoadlarutigivlugolo, ikomangata iserlunga takogamitsuk.

Takotitaunermik 8:7

Engelillo sivorlingat tiptulausijarpok. Nettaᴋonalerpok tagva, ikomamiglo aungmiglo akusimajungnik nunamut kataktoᴋarpok. Kataktoᴋarpok. Napârtullo pingasuilivlugit pingajuingit ikitauvut nungudlugit, (nunablo) nutaijoktungit ilûnatik nungutauvut.

Idluarsaijut 20:38

Nallunaikuteᴋartigêlaukpulle Israelib angutingit, terliarsivingmêtullo, saviksoarmut opaklugit, isserluk iglugasaksoarnit ᴋongmuarajarpat.

Idluarsaijut 20:40

Tagva isserluk pikunga ᴋongmualerpok iglugasaksoarnit, Benjaminekullo ᴋeviarput tunnumut; ahâglo, tagva ikkomaub ikkoalaninga ᴋongmuarpok iglugasaksoarnit.