Joel 2:3 - Labrador Inuttitut Heritage Bible

³ Sivuningine ikoma nungûtsivoᴋ, kinguninginelo ikoâlaneᴋ ikitsivoᴋ; nuna perorsêviktut Edeneme ipoᴋ sivuningine, kinguninginele sunaᴋajuitotut asserortaumariktoᴋ; ilâ, ᴋemaktaujoᴋangimarikpoᴋ tâpkonunga.

Joel 2:3 Iomraidhean Croise

Genesis 13:10

Lotiblo ârlorlune Jordanib erᴋâ ilûnât ullernaigivâ, ilûnâne imilik (Sodomalo Gomorralo asserortaulerᴋârtinagik Nâlekamut) sorlo Nâlekab perorsêvinga, sorlo Egiptene, Zoare tikkidlugo.

Genesis 2:8

Gudelo Nâlegaᴋ perorsêviliorpoᴋ Edeneme kangilerme, tagvungalo illivâ inuk sanajane.

Imgerut 50:3

Gûdivut aggerpok nippangertaililunelo; ikkoma nerridlartok sivurlerivâ, sillarnerluksublo ᴋaivalarpâ.

Imgerut 97:3

Ikkomab sivurlerivâ ikkitsilunelo avatâne ômigijinginik.

Exodus 10:15

Nunablo ᴋânga tamât mattuvât, nuna tâᴋtungorlugo; nunablo perorsiangit tamaita nerrivait, napârtullo paungangit tamaita nattarᴋonâluit nungungitangit; amiakoᴋarungnairporlo tungujoᴋtamik sumiglônêt napârtune, perorsêvillônêt perorsianginik, Egiptenib nunangane ilûnâne.

Exodus 10:5

Tâpkoalo nunab ᴋânga mattuniarpât, takojungnartoᴋarungnairtilugo nunamik; nerrijuksauvullo nungutaungitut amiakunginik, amiakôjut ilipsingnut nattarᴋonâlungnit, nerrijuksauvullo napârtunik tamainik ilipsingnut perortunik perorsêvingne:

Jesaiase 14:17

Nunaᴋsoarmik inuᴋarungnaititsijoᴋ, iglugasaksoanginiglo asserorsaijoᴋ, parngnanairsortaminiglo annerᴋojingitoᴋ iglunginut?

Jesaiase 15:6

Nimrib puilavingit imeᴋarungnairput, ivît pannilerput, iviksukallo ᴋunorlerput, tungujoᴋtaᴋarungnairpoᴋ.

Jesaiase 33:4

Aᴋsârnigarijase nungutaujomârput, sôrlo piglertaujârtut nungutsivangmatta, piglertatitut pangaliktutitut (akkerartortise) pangaligomârput tagvane.

Jesaiase 51:3

Nâlekab Zione manigormago, nunangit asserorsimajut tamaita âᴋiklugit, perortoᴋangitoᴋ Edenetut illingatillugo naternarlo Gûdib perorsêviatut; tagvane serrijoᴋaromârpoᴋ ᴋuviasuktuniglo, ᴋujalitiksaniglo nertordlerutiksaniglo imgertunik.

Jesaiase 9:18

Idluitullineᴋ ikkomatut ikkoalangmat ukpiganik perornerdluktuniglo kakkilautilingnik nungutsivlune ikkitsivlunelo ukpiganik napârtoliksoarmẽtunik, iserluksoarmik ᴋongmuartitsivlune.

Jesaiase 9:19

Kilangmiugasaksuit Nâlegangata ningausinga pivlugo nuna ikkitaumavoᴋ, nunaᴋatigêllo ikkomamut nungutaksaujutitut-iput; ᴋattangutiminik nâpkiniktoᴋangilaᴋ.

Jeremia 5:17

Nerrijomârpullo katersortarnik perorsêvingnit, niaᴋôjarniglo, ernivît panivîllo nerᴋiksanginik; nerrijomârput saugaᴋotingnik nergjutiᴋotingniglo; nerrijomârput vaineliksaᴋotivit paunganginik paungatannaᴋotingniglo, asseroijomârpullo iglugasaksoaᴋotingnik avaluliorsimajunik tatigijarnik, saviksoarmut.

Hesekiel 36:35

Oᴋaromârpullo: Nuna tâmna ᴋemaktaumajovineᴋ perorsêviktut Edenetut ipoᴋ; iglugasaksuillo inuᴋarungnaitovinit ᴋemaktavinillo serᴋomitavinillo avalutârput inuktaᴋarlutiglo.

Amos 7:4

Imaitomik Nâlekab Nâlegaujub takotilaukpânga: ahâglo, Nâlekab Nâlegaujub ikoma ᴋaiᴋovâ pidlautigijomavlugo; tâpsomalo itinersoak angijok nungupâ, nunalo nungunajalaukpâ.

Habakûb 1:6

Tagva, âhâk, Kaldêamiut, inôᴋatigêksuit erᴋsinartut kajusidlartullo, makititsomârpakka; nunaᴋsûb silingningagut ingeraromârtut, nunat pigilungitatik pijomavlugit.

Saggaria 7:14

Siamartitsomârpakkale ulajujoksoarmut inôᴋatigêksuit ilitarilaungitangita ilûnatik akornganut. Taimaglo tâpkoa kingorngane nuna ᴋemagauvok, tamaunârtoᴋangilaᴋ utertoᴋangilarlônêt: nuna kajungernartok inuᴋajuitungortingmatsuk.