Joel 2:29 - Labrador Inuttitut Heritage Bible

²⁹ Uvlunelo tâpkonane anernera kovijomârpara kivganut angutinut kivganullo arnanut.

Joel 2:29 Iomraidhean Croise

Hesekiel 36:27

Anerneralo pititsomârpara ilupsingnut, arvertartiluselo ilusioᴋojamne, idluarijakkalo malilârpase piniarlugillo.

Hesekiel 37:14

Anerneralo pititsomârpara ilipsingnut, ômaromârposelo, pititsomârpapselo nunaᴋotipsingnut: ᴋaujijomârposelo uvanga Nâlegaᴋ tamanna oᴋautigigapko piniarapkolo, oᴋarpoᴋ Nâlegaᴋ.

Saggaria 12:10

Dâvidiblo kinguvânginut Jerusalemiunullo kovijomârpara anernek saimanartitsijok ᴋenutitsijorlo; takojomârpullo kapilauktamingnik; ᴋeagijomârpâllo sorlo ernetuak ᴋeagijaungmat, ogguarutigijomârpâllo sorlo ᴋitorngak angajuklek oggorijaungmat.

I Korintemiunut 12:13

Tamapta Anernermut atautsemut baptisimagapta, atautsemik timeolerᴋovluta Jûdiongmangâptalônêt, Grîᴋiongmangâptalônêt, kivgaungmangâptalônêt, kivgaungimangâptalônêt; ilûnatalo imitauvogut Anernermut atautsemut.

Galâtsiamiunut 3:28

Tagvane Jûdillônêt Grîᴋillônêt, tagvane kivgallônêt kivgaungitullônêt, tagvane angutillônêt arnallônêt adsigêngitoᴋangilat; ilûnase atausiogapse Kristuse Jêsuseme.

Kolossamiunut 3:11

Tamattomane pitsangilat Grîᴋillo, Jûdillo, kipimajullo, kipimangitullo, Grîᴋiungitullo, Skitillo, kivgallo, kivgaungitullo: Kristûsele tamaitaksoarnik tamaine pitôvok.