Joel 2:26 - Labrador Inuttitut Heritage Bible

²⁶ Amigangitomiglo nerrilârpose aᴋᴋeartorniarluselo, Nâlekablo Gudipse, tatamnadlartomik piniarvigijipse, attinga nakorilârpase; inuᴋotikkalo kangusujuidlalârput.

Joel 2:26 Iomraidhean Croise

Genesis 33:11

Piliutikka, illingnut ᴋaitaujut tigulaukittôᴋ; Gûdib pilingmanga, tamainik peᴋatsiarpunga. Sâlagingmagolo, tiguvait.

Nehemia 9:25

Iglugasaksuillo sôngojut aksarnigarivait, nunalo pitsornartok, iglullo perᴋutitaggit sunatuinarnik nangmineliutilerpait, immektarvillo ullimarsimajut, perorsêvillo Weineliksat, perorsêvillo orksugit, nappârtullo nerᴋiksagit unnuktut, nerrilaukpullo aᴋeartorlutiglo, kuinilerlarmiglo, inoseᴋalutiglo allianartomik, pitsiarnersoarnut.

Imgerut 103:5

Kanernik namaksititsijok ajungitomik, inuosungormerᴋovlutit nektoraliktut.

Imgerut 116:7

Manna saimalermît tarnîk, Nâlekab, ajungitullivigingmattit.

Imgerut 22:26

Pattangajut nerrijuksauvut, ᴋâgungnaituksaulutiglo; Nâlekamiglo apperᴋuteᴋartut nakorijomârpât; ômattise innôjuksauvut issoᴋangitomut.

Imgerut 37:19

Kangusuktitauniangilat nalliunerlungme, ᴋâviksoaᴋartillugolo pearniarput namaktomik.

Imgerut 67:5

Gûde, innuᴋattigêksuit ᴋujagivâtit, innuᴋattigêksuit illunatik ᴋujagivâtit.

Imgerut 72:18

Nertortaule Gûde Nâlegak Israelib Gûdinga, tattamnartullitotôjok!

Salomob Okâl 13:25

Idluartok nerrivok tarnine nâmaksitilugo, Gûdeᴋangitulle nângit nâmaksijuiput.

Imgerusersoak 5:1

ᴋaivunga najâk nulliaksâklo, perorsêviᴋotimnut. Mirreᴋotikka, tauvluᴋutiksaᴋotikka illagallugit nappilaukpakka; orksuᴋotimalo ingninga, igupsaujârtunit orksuᴋotiga illagallugo nerrilaukpara, Weineᴋotigalo immuᴋotiga illagallugo immilaukpara. Nerrileritse nagligijakka, immerluselo illanârijakka nâmaksilerluselo.

Jesaiase 25:1

Nalegak, Gudigivagit, nakorivagit; attit nertorpara, tattamnartulligavit, kajusimanitit itsaᴋsoarnit nallâgôrmatta mikseᴋârtôvlutiglo.

Jesaiase 29:22

Taimaimat Nâlegaᴋ, Abrahab piulijinga, oᴋarpoᴋ Jâkokkunut imâk: Jâko kangusuktuksaungilaᴋ mãna, kênangalo mãna ᴋattaktuksaunginivoᴋ.

Jesaiase 45:17

Israêlele piulijaujomârpoᴋ Nâlekamut, piulijauviksaᴋartitauvlune issoᴋarniangitomik. Kangusuktitauniatsangilase mittautauniatsanaselo nâksaungitomut aglât.

Jesaiase 49:23

Attanersuillo pairijigijomârpattit, attaniojullo nulliangit amâmaktitigijomârpattit. Pûtsomârput nunamut sângne, ittikavillo sanningit alluktoromârpait. Tagva missigijomârpotit, uvanga Nâlegaugama, tâpsomingalo nerriuktut kangusuktitautsangimatta.

Jesaiase 54:4

Sivoraniarnak, kangusuktitauniatsanginavit; illerasungniarnak, kangusungniatsanginavit; uigasûnivit kangusûtigijanga puigoromârpat uigarnionivillo kangunarninga erᴋaumajungnairomârpat.

Jesaiase 55:2

Sôᴋ kênaujanik kittitsivisê nerᴋiksaungitomut, kivgartornipselo akkingit tunivlugit aᴋᴋeartorutiksaungitomut? Tussalersingatôk, ajungitomik nerrijomârapse tagva, tarniselo nakoᴋsijaujomârmatta orᴋsumut.

Leviticus 25:19

Nunablo perutsiane sakᴋilârpait, akᴋeartorluselo nerrilârpose, inôvluselo tagvane terlikluse.

Leviticus 26:26

Niaᴋôjaksase amigartikupko, arnat tenit niaᴋôjioromârput niaᴋôjiorvingme atautseme, ᴋaitsivigilârpâselo niaᴋôjapsingnik ôktortautilugo kiktitautingnut; nerrijomârposelo akᴋeartorasele.

Leviticus 26:5

Sanaugaksapselo pêjartauvinga angutiniarpok vaineliksat paungangita katersortauvianik, paungallo katersortauvia angutiniarpok karngasoivingmik; niaᴋôjartolârposelo akᴋeartorluse, inôlârposelo nunapsingne terlikluse.

Migga 6:14

Nerrijomârpotit kâgungnainiatsangilatille; ilumiᴋarungnainîllo ilingnêtsainalârpoᴋ; torᴋoijomârpotit, torᴋortatille anigoiniatsangilat; anigoijatillo tunijomârpakka saviksoarmut.

Sefania 3:11

Uvlorme tâpsomane kangusûtiginiangilatit piniarnitit tamaita, idluitulinerijatit uvamnut: taipsomane ilupsingnit pêjaromârapkit piojorinerit pingijaitoksônerillo, kingornganelo pingijaijungnairomârpotit ᴋaᴋaᴋotimne ivsornaitome.

Saggaria 9:15

Nâlekab Zebaotib serngnigijomârpait; nerrilârpullo tuplerlutiglo iloereutinik; imilârpullo, pervaluklutiglo vainetorsimajutitut; ulipkilârpullo pôgutatut serparsaiviktut, tunerguserviub terreᴋungatut.

Saggaria 9:17

Ajunginingat angijôdlarmat, takoranidlarningit inerᴋonadlarput! Sanaugaksat nukappait nakojksijutigilârpait, vainiksallo iptingata niviarsiat nakoksitilârpait.

Rômiunut 10:11

Aglait imaingmatta: Naliat okpertoᴋ ᴋemâjariaᴋaromângilaᴋ.

Rômiunut 5:5

Nerriungnerle kangusuktitsiniangilaᴋ. Gûdib naglingninga kovimangmat ômatiptingnut, Anernermut ajunginermut tunergusiarijaptingnut.

Rômiunut 9:33

Sorlo aglaksimangmat: Ahâk tagga ujarᴋamik tunganartovingmik ilijivunga Zioneme, ôktutiksaujomik, naliallo okpertoᴋ ᴋemâjariaᴋaromângilaᴋ.

Deuteronomy 11:15

Iviksukaniglo nergjuteᴋotipse piksanginik tunitjijomavunga perorsêvipsingne, igvillo nerrivlutit aᴋeartolârpotit.

Deuteronomy 12:12

ᴋuviasudlartuksauvoselo Nâlekab Gûdipse sângane, ilipse, erniselo, paniselo, kivgaselo angutit, kivgaselo arnat, Levikullo itertarvipsingnêtut, tâpkoa avigaksarsiᴋatigilungimase kingormgutijaksarsiᴋatigingimaselônêt.

Deuteronomy 12:18

Nerrijaksarivatille tamakkoa Nâlekab Gûdivît sângane inime Nâlekab Gûdivît annerimajangane, igvit, ernivîllo, panivîllo, kivgablo angutib, kivgablo arnaub, Levitiojûblo itertarvingnêtûb: ᴋuviasudlartuksauvotillo Nâlekab Gûdivît sângane aggakpît isarutigijangit tamaita pivlugit.

Deuteronomy 12:7

Tagvanelo nerrijuksauvose Nâlekab Gûdipse sângane, ilipselo inuᴋotiselo ᴋuviasudlartuksauvose aggapse isarutigijangit tamaita Nâlekab Gûdivît saimartitaujutiksautitangit ilipsingnut pivlugit.

Deuteronomy 8:10

Nerrilutillo aᴋeartulârpotit, Nâlegarlo Gûdît nakoridlalârpat tunitjivigisimangmatit nunamik piodlartomik.

I Timôteusemut 6:17

Akluitut silaksoarme tamattomane oᴋautikit pimariuterᴋonagit, perᴋutimingniglônêt ᴋolarnartunik tatteᴋarᴋonagit, Gûdemigle ômajomik; tâpsoma tamainik angijomik tunitsivigingmatigut atoraksaptingnik;

I Johannesib 2:28

Mâna tagva, ᴋitorngârsuit, tâpsomanêtsainaritsi, saᴋᴋijâlipat, ᴋuviasûtiᴋarᴋovluta kangusugatalo tâpsoma sângani tikiviani.