Joel 2:23 - Labrador Inuttitut Heritage Bible

²³ Taimaimat ᴋuviasudlaritse, ilipse Zionib ᴋitorngangit, serigitselo Nâlekame Gudipsingne; tâpsoma tunitjivigingmase silalungmik sivorliojomik nâmaktomik, pivluse silaluk kovivâ, silaluk sivorleᴋ silaluglo kingorleᴋ, taᴋᴋerme sivorlerpaujome.

Joel 2:23 Iomraidhean Croise

I Atannit 8:36

Tagva igvit tusalaurit ᴋillangme, isumagijungnailugillo kivgavit inuᴋotivillo Israelitit ajorningit, apᴋosinermik ajungitomik agvertarvigijaksarijanganik unnertutilaukârlugit, tunnijilutillo sillalungnermik nunakotingnut, tunnilauktarnut inuᴋotingnut, innigijauᴋovlugo tapᴋonunga.

Hiobe 33:23

Engelit illangat tagva akkisartuijib, atautsib tausendinit illilertorpago, inuk tâmna nellojungnaitilugo, ᴋanok idluartullijuksaungmat:

Hiobe 37:13

“Pitlartaunermut, nunaminullônêt, nâpkigosungnermullônêt tikkerᴋova.

Imgerut 104:34

Oᴋautigijakka ᴋuviagilerligit tâpsoma. Nâlegak ᴋuviasutigivara.

Imgerut 147:8

ᴋillangmik ulliksijok nuvujanut, sillalungmiglo âᴋiksoijok nunamut; iviksukannik perorsatitsijok ᴋakᴋane.

Imgerut 149:2

Israelitit sannajigilauktatik ᴋuviagilitsuk; Zionib ᴋittorngangita attannitik serrigilitsuk.

Imgerut 28:7

Nâlegak pitsartutigivara, sappulutarilugolo; ômattima tâmna tattigiva, ikajortaumalungalo; ômattigalo ᴋuviasukpok; kutsaservigijomavaralo imgerumut.

Imgerut 32:11

Idluartose Nâlegak ᴋuviasutigissiuk, serridlarluselo; nertordleritselo illunase idluitailijose.

Imgerut 84:6

Naksakôrtut ᴋugvinelikut, puailaveᴋartipât unnuktunnik; sillalungnerublo okkiaksanitab pitsornartipâ.

Salomob Okâl 16:15

Atanniub kênanga ilannârnarpat tamânna inôgutauvok, saimaveᴋarningalo silaluktut unnulerningane-ipok.

Jesaiase 30:21

Siutîkiglo tussaromârpuk oᴋauseᴋartomik tunnungnit imâk: Apᴋutiksaᴋ tagga; tâmna attorsiuk! — tallerpiata tungânut saumiatalõnêt tungânut pilerangapse.

Jesaiase 30:23

Tagva sillalungmik pititsijomârpoᴋ karngasûtinut karngasortarnut perorsêvingmut nerᴋiksaᴋartitsivlunelo perorsêviub perortunginik nekoᴋsinartunik ânanâniglo; taipsomane nergjuteᴋotitit nerrinasugomârput iviksukatalingme angidlartome.

Jesaiase 41:16

Siamartitsomârpattit, anoremullo tiktaujomârput aᴋunamullo pêrtauvlutik. Igville Nâlegaᴋ iggiaᴋomijarvigijomârpat, ivlernartitorlo Israêlikkune nertôtigijomârpat.

Jesaiase 61:10

Nâlekame ᴋuviasukpunga, tarnigalo serrivoᴋ Gûdimne, annorârmanga piulijaunermik, attitingmangalo idluarsinermik ulliksoatut, sôrlo uiksaᴋ (illingangmat) ânanâmik niaᴋôsertoᴋ ajoᴋertuijotut, sôrlo nulliaksaᴋ (illingangmat) ânanausijutiksaminik attimajoᴋ.

Jeremia 3:3

Tamanna pivlugo silaluk operngâme noᴋᴋarᴋojauvoᴋ, silaluglo kingorliojoᴋ tikiᴋojaungilaᴋ; igville ᴋauᴋarpotit assiniarpaktûb ᴋaungatut, kangusugungnangilatillo.

Jeremia 5:24

Oᴋangilallônêt ômatimingne: Sivôragilaulavut Nâlagaᴋ Gudivut, tunidjijoᴋ silalungmik sivorliojomik kingorliojomiglo, naliunîgingne; ᴋomiojorlo uvaptingnut vôgenik katersivingmut ilingatitaujunik.

Jeremiab Ogguarutigijangit 4:2

Zionib erningit pivianartut, goldetut ilaᴋangitotut ivlernartigivut, issumagijauvut imektautiktitut maggaujûtitut, maggaliortib aggangita sanamajangititut!

Hesekiel 34:26

Saimauseromârpakkalo tâpkoalo ᴋaᴋᴋamalo avatânêtut; silaluᴋojijomârpungalo neliuningine; suarutseraromârpok saimanartolingnik.

Hosea 6:3

Nâlegarlo ilitarilerlavut, ilâ, ilitariganerlugo; tâpsoma anininga uvlub ᴋaulerningatut nelonangitigivoᴋ; tikilârpâtigullo silaluktut, silaluktut kingorliojotut koveraijotut nunamik.

Leviticus 26:4

Silaluᴋojijomavunga naliuningane, nunalo sakᴋêjuksauvok perortuminik, napârtullo perorsêvingmêtut sakᴋertitsilârput paungamingnik.

Amos 4:7

Taimaktauk silaluk tikitailitipara ilipsingnut, takᴋeᴋaraloartilugo pingasunik sulle katersoivik tikidlugo: silaluᴋartitsilaukpunga iglugasaksuit ilanginut, silaluᴋartailititsilungalo iglugasaksuit assinginut; ingmiᴋôrtartut ilangat silaluktauvok, silaluktaujorlo panertailivok.

Saggaria 10:1

Nalegak silalungmik ᴋenuvigisiuk silalûb kingorliojûb naliuningane, ilâ, Nâlegak ᴋaumalaliortok; tâpsomalo silalungmik nâmaktomik tunitjivigilârpait, iviksukaniglo naternarme ilûnainut.

Saggaria 10:7

Efraimemullo ilingajut pitsartujoksoatitut îtsomârput, ômatingillo ᴋuviasudlaromârput sorlo vainemut; ilâ, ᴋitorngangita takojomârpât, ᴋuviasugomârpullo; ômatingit ᴋuviasugomârput Nâlekame.

Saggaria 9:13

Juda ᴋelugapko pitiksitut, Efraimelo noᴋaktigilugo; ernitillo, Zione, aulajârtitsomârpakka akkerartorᴋovlugit ernernik, Grîkenlande, pitsartujûblo saviksoangatut îtitsomârpagit.

Saggaria 9:9

ᴋuviasudlarit, Zionib pania; ᴋaggudlarit, Jerusalemib pania; Ahâk, atanît ᴋaivok ilingnut: idluarpok ajugauvlunelo; sinaungaidlune, siuterᴋortojome iksivavlune, siuterᴋortojûblo nangmarpaktûb noggangata ᴋânganêdlune.

Apostelit Piniarningit 14:17

Taimaigalloarmat, ingminik nalonartilaungilak, unuktunik ajungitulivigigamitigut: silaloᴋojivlune ᴋilangmit, perorsiallo perorᴋovlugit, tunitjivigivlutalo nerᴋiksaptingnik, ᴋuviasungnermiglo ômatiptingne.

Deuteronomy 11:14

Tagva nunapse silaluksanga tunijomavara neliuningane, silaluk sivorlek silaluglo kingorlek, katersoijungnarᴋovluse senaugaksapsingnik, vainiksapsingniglo, orᴋsuksapsingniglo.

Deuteronomy 28:12

Nâlekab ilingnut makperomârpâ ᴋematuliviᴋotine ajungitok, ᴋilak, nunavît silaluksanga tunijomavlugo neliuningane; attartortitsilârpotillo inôᴋatigêksoarnut unuktunut, attarsilulângilatille.

Deuteronomy 32:2

Ajuᴋertusera kussiniarpok silaluktut, oᴋausikka siamalârput misuksoatut; minitut iviksukane nutaijortune, suarutaᴋtullo perortune;

Filippimiunut 3:1

Amatauk ᴋatangutikka, ᴋuviasugitse Nâlekame! Aglakka ilipsingnut adsigêtsainarmatta, ᴋunutigingilakka, ilipselo nakimarnitailijutigiluarivase.

Filippimiunut 3:3

Uvagut kipimaniogapta, Gûdemik kivgartortogut anernerme, nertôtivlutalo Kristuse Jêsusemik, uvinik tatiginago.

Filippimiunut 4:4

Kuviasutsainaritse Nâlekame, amalo oᴋarpunga: ᴋuviasugitse.