Joel 2:2 - Labrador Inuttitut Heritage Bible

² Uvloᴋ tâᴋtoᴋ niptaidlartorlo, uvloᴋ nuvujalik ᴋaujuitorlo, sorlo uvlub tâvliganga issivisimajoᴋ ᴋaᴋᴋane; inôᴋatigêksuit sôngojut aᴋtornartullo, sivorngane taimaitoᴋalauᴋsimangilaᴋ, kingornganelo taimaitoᴋaromângilaᴋ kinguvârêt unuktut jâringinut aglât.

Joel 2:2 Iomraidhean Croise

Imgerut 10:6

Omamigut oᴋarpok: Aulaniatsengilanga; ᴋanoêtoᴋarniatsengimarikpok.

Imgerut 97:2

Nuvujat, târniublo illumavât idluarnerlo idluarsainerlo iksivautavît aulajuijutigivak.

Exodus 10:14

Piglertaujallo majoarput Egiptenib nunanganut tamânut, mipullo Egiptenib erᴋânginut tamainut; sugaluluadlarput; sivorngatigut taipkutitunak piglertaujaᴋalulaungilak, kingorngatigullo pijoᴋartuksaungilarlônêt.

Exodus 10:6

Tataijuksauvullo iglungnik, kivgavillo ilûnnatik iglunginik, Egiptenemiullo ilûnnatik iglunginik, sorlo atâtatit atâtavillônêt atâtangit takolauksimangimata, uvlormit nunamêvigilauktanginit uvlok tamanna tikidlugo. Tunuvlunelo anivok Faraub sânganit.

Exodus 20:21

Inuillo alivasiktome nangerput, Moseselo ᴋaglilerpok tâktoksoarmut isortamut Gûdib inigijanganut.

Jesaiase 5:30

Nalliutomelo tamattomane iktullijâdlaromârput (Israêlitinut), sôrlo imarbiksoaᴋ iktullijârmat. Nuna ullernaigijaulerpat, ahâk tâᴋtoᴋ kappianartoᴋ, ᴋaumajorlo takpânẽtoᴋ ᴋaumajungnairpoᴋ nuvujanut.

Jesaiase 8:22

Arlorput takpaunga takkunârlutiglo nunamut, kappianartoᴋarpoᴋ tagvane tâᴋtomiglo tâᴋsoarmiglo ᴋoaᴋsârnartomik; tâᴋtoᴋsoarmut pititaumavut.

Jeremia 13:16

Opigijaunermik tunidjileritse Nâlakamut Gudipsingnut, Gude tâᴋsititsiᴋonago, itikaselo aporᴋonagit ᴋaᴋᴋane tâᴋsilertune; ᴋaumajoᴋsêtiluselo tâmna ablatsângortitsiᴋonago tamattominga toᴋub taggalininganut, tâᴋtoᴋsoangortilugolo.

Jeremia 13:6

Uvlullo unuktut nâsimangmatta Nâlakab oᴋautivânga: Makilerit, Farâtemullo ailerit, tapserullo, ijertauᴋolauᴋtara ilingnut, tigulermiuk tagvangat.

Jeremiab Ogguarutigijangit 1:12

Sunaungilâk ilipsingnut apᴋosârapse tamaunâ? Takosaritse ulernairtuiluselo kapiasungneᴋarmangât kapiasungnerijaptut, uvamnut tikisimajotut, Nâlekab kapiasuktitsiningatut uvamnik ningaumajârnersoangata uvlungane.

Hesekiel 32:7

Kamikupkillo ᴋilak uligomârpara, uvloriangillo tâᴋtungorlugit; seᴋineᴋ uligomârpara nuvujanut, taᴋᴋiublo ᴋaumanine saᴋᴋijârtiniangilâ.

Hesekiel 34:12

Sorlo mianersijub saukane akornganêtub saukane ᴋenermagit uvlorme siamangavigijangine, taimak saugakka ᴋeneromârivakka, piulijomârpakkalo nunanit tamainit siamangavigilauᴋtanginit uvlorme nuvujalingme tâᴋtolingmelo.

Hesekiel 38:9

Igvillo takpaungalârpotit, aᴋᴋunaᴋsoatut tikiaᴋilutit, nuvujatut ilingajomârpotit nuna mattujomavlugo, igvit siaktitatillo ilûnatik, inôᴋatigêksuillo unuktut ilagilutit.

Daniel 12:1

Naliutomilo tâpsomani Migaili, angajoᴋâᴋsoaᴋ imna inôᴋativît ᴋitorngangita singnigijingat, nikovidlaromârpoᴋ; kapianartoviᴋaromârparlo naliᴋalauᴋsimangitomik inôᴋatigêksoaᴋatainarninganit naliuniᴋ tâmna tikidlugo; naliutomilo tâpsomani inôᴋatitit piulijaujomârput, ilûnatik aglangni aglaᴋsimajut.

Daniel 9:12

Nalautsitipaillo oᴋausini uvaptingnut idluarsaijiptingnullo uvaptingnik idluarsaijuksanut, oᴋautigijani, tikitauᴋongmatigut idluitomut angijomut; ᴋilaub ilûnarsoangata atâni piniarutaujoᴋalaungimat sorlo Jerusalimut piniarutaungmat.

Joel 1:6

Inôᴋatigêksuit majorarsimangmatta nunamnut, sôngodlartut, kitiksaungitullo; kiguteᴋarput loevib kigutingititut, erᴋlerpaᴋarpullo loevetut sôngojotut.

Joel 2:25

Nâmaksititsomavakkalo ilipsingnut jârit ᴋopergut piglertâraillo piglertallo piglertaujallo sorᴋsuktokatigêksoama ilipsingnut tililauᴋtama nerrijangit.

Joel 2:31

Seᴋineᴋ ablatsangoromârpoᴋ tâᴋtomut, taᴋᴋerlo aungmut, Nâlekab uvloᴋsoanga sivôranartoᴋ neliutiᴋârtinago.

Joel 2:5

Kamutit unatautit aksaloalit pervalungningititut ᴋaᴋᴋat ᴋângine misiktarput, sorlo ivît kippakungita ikoalâdlarningatut, sorlo inugiartoᴋsoatitut sôngojutitut sorᴋsungnermut siaktutitut.

Joel 3:4

Ilipselo Tiruse, Zidonelo, Filisterillo erᴋât, suksauvisê uvamnût? Akkiniaromavisê uvamnîk? Akkiniaraloarupsingalo uteromalerivunga tuavidlunga erinesuklungalo akkiniarniselo utertitsomavlugo niaᴋupsingnut.

Amos 4:13

Tagva ahâk, tâmna ᴋakᴋanik sanajok, anoremik pingortitsijok, inungnullo nalonaijaijok issumagijanginik, uvlâmik tâktungortitsijok, nunablo poktoningine tullerajarijok: ate ᴋarpok Nâlekamik Gûdemik Zebaotemik.

Sefania 1:7

Nâlekab Gudib najorningane nipangerit, Nâlekab uvlunga ᴋaglilermat: Nâlekab tunergutiksak toᴋotaksak atuinarungmago, ᴋaiᴋojanelo ivsornaitipait.

Saggaria 14:6

Pijoᴋalârporlo uvlorme tâpsomane ᴋaumanek tikiniangimat ᴋaumavlunelo tâksilunelo;

Mattêuse 24:21

Uvlunele taipkonane kappiasugviksaᴋaromârpok nelleᴋangitomik, silaksûb pigiarninganit tamanna tikidlugo taimaitoᴋalaungilak, kingornganalo taimaitoᴋarnianginivok.

Markuse 13:19

Uvlune taipkonane kappianartoᴋaromârmat naleᴋangitomik; silab pigiarninganit, taimangat Gûdib inuit pingortilaungmagit, tamanna tikidlugo taimaitoᴋalaungilaᴋ, kingornganelo taimâk angitigijomik kappianartoᴋarnianginivoᴋ.

Deuteronomy 32:7

Uvlut itsarnitat erᴋaumalersigik; kinguvârêt tuglerêt unuktut inôvigijangit issumaksarsiorutigisigik; atâtait apertsoruk, tâpsoma nelonaijaiviginiarpâtit; angajoᴋâtillo, tâpkoa oᴋautiniarpâtit.

Ebrêerinut 12:18

Kaᴋᴋamut aktortaujungnartomut ikomamut ikoalajomut tikinginapse, tâvligâtalingmullônêt, tâᴋsoaktalingmullônêt, silarnerluksoaᴋtalingmullônêt;

Jûdasib 1:13

Imarbiub malliksoangititut idlutik ᴋappoalijokut anitsijutitut kangusûtigijaksamingnik; uvloritjat maungatuinaᴋ pijut, taipkonunga tâᴋtoᴋsoaᴋ ᴋaumaneᴋangimariktoᴋ ᴋumergutauvoᴋ issoᴋangitomut.

Takotitaunermik 9:2

Netteᴋangitok mattuêrmago, iserluksoak netteᴋangitomit anivok, sorlo iserluk kiaksautesoarmit, seᴋinerlo silalo tâᴋtoksôlerpuk netteᴋangitub iserlunganut.