Joel 2:18 - Labrador Inuttitut Heritage Bible

¹⁸ Nâlegak tagva ilungertulerpoᴋ nunane pivlugo, inuᴋotinelo naiperᴋutigivait.

Joel 2:18 Iomraidhean Croise

II Atannit 19:31

Jerusalemit anniniarmatta amiakut, piulijaumajullo Zionib ᴋakᴋanganit. Nâlekab Zebaothib ilunngertorninga tamattominga pinniarpok.

Imgerut 103:13

Sorlo atatab ᴋittorngat nâpkigingmagit, taimak Nâlekab sivôragijine nâpkigivait.

Imgerut 103:17

Nâlekable saimaveᴋarninga soraijuipok issoᴋangitomit issoᴋangutomut, sivôragijinginnut; idluarningallo ᴋittorngat ᴋittornganginut;

Jesaiase 37:32

Amiakôjut Jerusalemit annijomârmatta piulijaumajullo Zionib ᴋaᴋᴋanganit. Nâlekab ᴋilangmiugasaksuit Nâlegangata illungertorninga tamattominga piniaromârpoᴋ.

Jesaiase 42:13

Nâlegaᴋ annijomârpoᴋ sangijoᴋsoatut, sorsuktuksatut illungertoromârpoᴋ, nipleromârpoᴋ nipperᴋortojomik, ajugaujomârpoᴋ akkerartortiminut.

Jesaiase 60:10

Takorngartat avaluᴋsoaᴋotitit sanajomârpait, attanersoangitalo kivgartoromârpâtit, ningaumajâdlarlunga sugiarapkit, saimarlungale nâpkigingmigapkit.

Jesaiase 63:15

Takosâlaurittôᴋ mãna ᴋilangmit, takonâlaurittôᴋ iglungnit ivsornaitoᴋsoarmit pinarnartomillo! Illungertornit pitsartunillo nanẽᴋâk? Illuvit illapsugosungninga nâpkigosungnillo saᴋᴋijâlungilak uvamnut.

Jesaiase 63:9

Kappiasûtigijangit tamaita kappiasûtigivaittauᴋ, kênangatalo engelingata piulivait. Nagligigamigit nâpkigivlugillo, ᴋelluvait. Kiviklugillo erᴋsukpait uvlut tamaita itsaᴋsoarnit.

Jeremia 31:20

Efraim ernerivigo erdlingnartôᴋ? Kitorngauvâ ᴋuvianartôᴋ? Suadlarlugo oᴋarvigijarangapko, sulle nagligilugo erᴋaumavara; tamanna pivlugo iluga aulavoᴋ tâmna pivlugo; nâpkigijomadlarpara ila, oᴋarpoᴋ Nâlagaᴋ.

Jeremiab Ogguarutigijangit 3:22

Nâlekab nâpkiningningit pingmatta keta nungutaumarilungilagut, ilapsugosungningit sorairlungimatta.

Saggaria 1:14

Taimaimat engelib oᴋaᴋatigijima oᴋautivânga: Niplialerit, oᴋarlutit, Imâk oᴋarpok Nâlegak Zebaot: Jerusalem Zionelo ilungertûtigivâka ilungertornermut angijomut.

Saggaria 8:2

Imâk oᴋarpok Nâlegak Zebaot: Zione ilungertûtigidlaluarpara, unganermut angijomut ilungertûtigidlarpara.

Lukase 15:20

Aulalerporlo atâtaminullo tikilune. Sullele ungasiktomêtilugo, atâtangata takovâ, nâpkuarivlugolo, aᴋpangerdlunelo ᴋongasingagut erᴋipâ kuniklâlo.

Deuteronomy 32:16

Gûdenut takorngartanut ilungertortipât, maᴋojungnartulinermut ningarsarpât.

Deuteronomy 32:36

Nâlekab inuᴋotine erᴋartoromârmagit kivgaᴋotinelo nâpkigilugit; takogame pitsartuerutingmatta, simnikoᴋarungnairmat ᴋomergutaujomiglônêt atuinaujomiglônêt.

Deuteronomy 32:43

Erᴋiertoritse, inôᴋatigêngojose, inuᴋotigijangit; kivgame aungat akkiniarutigijomârmago, ômigijinelo akkiniaromârpait, nunanelo, inuᴋotigijane, ulapirᴋsaromârpait.

Jâkobusib 5:11

Ahâk piloringnerarpavut ᴋenuersârtut, kappiasuktitaugamik. Hiobib ᴋenuersârninga tussarpase, Nâlekablo sorairtitsininga (ânianinginik) takolaurivase; Nâlegak takupsoadlarlune nâpkigosuktotôngmat.

Idluarsaijut 10:16

Ipperarpaillo Gûdit takorngartat, Nâlegarlo kivgartorpât. Illapsugosutigilaukpalo, Israelitit taimak kappiasuktitaulaungmatta.