Joel 2:16 - Labrador Inuttitut Heritage Bible

¹⁶ Inuit katersorsigik, ilagêt ivsornaitisigik, angajoᴋaujut katimaᴋosigik, sorutsit, amâmaktullo katersorsigik; uiksaᴋ anile iniminit, nuliaksarlo sinigvingminit.

Joel 2:16 Iomraidhean Croise

II Kronika 20:13

Judakullo illuêngarlutik nangerput Nalekab sângane, ᴋittorngatik, nulliatiglo, ernitiglo illagilugit.

II Kronika 29:5

Oᴋautivaillo: Nalaksinga Leviteôjose: Manna ivsornaitileritse, Nalekablo atâtagijapse Gudingata iglunga ivsornaitilugo pititse, ivsornartut annitisigik ivsornaitovingmit.

II Kronika 30:17

Unnuktolaungmatta illagêktune ivsornaitilaungitut ingminik, tamanna pivlugo Levitit saugarsuit passasiorutiksat toᴋᴋopait, illunaita sujungaitilungitut akkisartorlugit, ivsornaitilaitalo Nalekamut.

II Kronika 30:19

Omattimingnik torartitsilauktut Gude Nalegak, atâtagijamik Gudingat ᴋennerlugo, unêt ivsornaimarilungigalloarlutik.

II Kronika 35:6

Toᴋᴋotsiluselo Passamik, ivsornaitiluselo, ᴋattangutiselo opalungaijarsigik, pinniarᴋovlugit Nalekab oᴋausingit Mosesekut malliklugit.

Hiobe 1:5

Nerrimârnerublo uvlungit sorailaukpatta, Hiobe tilliklilaukpok tagvunga ivsornaitipaillo, makkilunelo uvlarârsukut, tunnijilunelo tunnergutinnik otaksanik, unnurningit malliklugit. Hiobe isumagame: Ernikka idluitullijungnarajarput, Gûdelo allarungnarajarlugo ômattimingne. Taimailiulaukpok Hiobe uvlut tamaita.

Imgerut 19:5

Tâmnalo annivok uiksatut inniminit, ᴋuviasuklunelo sâlaᴋartotut, apᴋosinek akpangervigilugolo.

Exodus 19:10

Nâlekablo Mosese oᴋautivâ: Inuit aivigikit, ivsornaitilugillo uvlome ᴋaupallo, ergortuilillo annorâmingnik,

Exodus 19:15

Inuillo oᴋautivait: Opalungaijaritse uvlut pingajuanut, arnaselo aktorniarasigik.

Exodus 19:22

Ajoᴋertuijullo, Nâlekamut ᴋaglilertut, ivsornaitilit nangminermingnik, Nâlegak kibliguterᴋonago tâpkonunga.

Joel 1:14

Nerritailiviksamik âᴋiksoileritse, katimaniksamik opinartomik katimaᴋojileritse, angajoᴋaujut nunablo inungit ilûnatik katimalit Nâlekab Gudipse iglungane, Nâlekamullo ᴋaigarsugitse.

Mattêuse 21:16

Oᴋautivlugolo: Tussarpigîlle, ukkua oᴋautigijangît? Jêsusib oᴋautivait? Âhailâ. Atuarsilaungilasê: Sorusiârsuit amâmaktullo ᴋaningitigut nertordlerneᴋ ilingnik âᴋikpat?

Mattêuse 9:15

Jêsusib oᴋautivait: Nulianiktomut tikitut ᴋanok kiksartuksauvât, uiksak illagigamitsûk? Naliutsomârporle uiksamik aᴋsârtauvingat; tagva nerritailivangniarput.

I Korintemiunut 7:5

Avisârtoᴋarniarane aiparminit; kissiane tamaptik sivikitomik pijomavlutik issumaᴋaᴋatigêkuptik, nerritailinermut tuksiarnermullo piviksaᴋarᴋovlutik; ama katingmigitik, Sâtanasemut ôktorluktaukonatik, ikliguktailinek ajorapsiuk.

Josua 7:13

Makkitit innugasaksuillo ivsornaitikit, oᴋarlutillo: Ivsornaititse ᴋaupamut. Nalegak Israelib Gudinga imak oᴋarmat: Ominautiksaᴋarpok akkonapsingne Israelitiojose; taimaimat nangerungnangilase omigijipse sanginne ominautiksak pejartauᴋârtinago illipsingnit.

Josua 8:35

Oᴋauseᴋalaungilak attautsemiglonêt perᴋojaulauktomik Mosesemut, Josuab ᴋaigarsuktauᴋolaungitanganik illagektut Israelitit illunatik takkoane arnallo sorrutsillo tujormijallo, agvertartut tapkoa akkorngane takkoane.

I Samuel 16:5

Tamna oᴋarpok: Ahaila, tikkipunga Nalegak tunnergutiksamik tunnitsivigijomavlugo; ivsornaititse illipsingnik, ᴋailuselo illagilunga tunnijivingmut tunnergutiksamik. Isailo erningillo ivsornaitipait ᴋaiᴋolugillo tunnijivingmut tunnergutiksamik.