Joel 2:14 - Labrador Inuttitut Heritage Bible

¹⁴ Kina ᴋaujimavâ anusingorniangimangât issumatârlunelo, ᴋemainiangimangâllo saimanartomik kingunermine, tunergutiksamik nerᴋiksamik tunergutiksamiglo imiksamik Nâlekamut Gudipsingnût?

Joel 2:14 Iomraidhean Croise

II Samuel 12:22

Tamna oᴋarpok: Nutarak nerritailijutigilaukpara, ᴋêagilugolo innôtillugo; issumaᴋalaurama: Imakkâ Gudib saimarviginiangimangângma nutarak innôᴋojauᴋovlugo.

II Samuel 16:12

Imakkâ Nalekab ajulernera takkonârniarpa, pitsiarnermullo akkinniarlunga tapsoma oᴋarnerlotjininga uvlomênitak pivlugo.

II Atannit 19:4

Imakkâ Nâlekab Gûdivit tussaromangmangagit Rabsakib oᴋausingit ilunnaita, tillijaumajub angajoᴋaminut Assiriamiut attaninganut, Gûde omatsainartok mittautigilugo, suarlugolo oᴋautsinut, Nâlekab Gûdivit tussarlauktanginut. Tagva igvit amiakojut sulle innugiartoksoarnit tuksiarutigilaukit.

Exodus 32:30

ᴋaungmallo Mosesib inuit oᴋarvigivait: Idluitulisimavose angijomik; mânnalo majoraromavunga Nâlekamut; imaᴋâ ulapᴋosêjutiksarsinajarpunga ajornise pivlugo.

Jesaiase 65:8

Nâlegaᴋ oᴋarpoᴋ imâk: Sôrlo vainiksatalik nagvârtaungmat paungalukat akkornganne oᴋartoᴋarlunelo: asserorniarnagit, attorungnartunik illaᴋarmatta, — taimailioromârpungatauᴋ kivgakka pivlugit, illũnainiungitoᴋ asseroivlunga.

Jeremia 18:8

Inôᴋatigêksuit tâpkoa oᴋautigijakka, sâgiarpatta idluitulinermingnit, ᴋaᴋialerutigijomavara idluitoᴋ kajusijutigilauᴋtara piniaromavlugo tâpkonunga.

Jeremia 26:13

Taimaimat mâna arvertarnise piniarniselo âᴋiksorsigik, Nâlakablo Gudipse nippinga nâlaksiuk; Nâlakablo ᴋaᴋᴋialerutigijomavait idluinerit oᴋautigilauᴋtane pivluse.

Jeremia 26:3

Imaᴋa tusaromalârput sâgiarlutiglo ilûnatik apᴋotigijamingnit idluitunit, idluitoᴋ piniarnilungnerijomalauᴋtara tâpkonunga piniarnerijamik idluiningat pivlugo ᴋaᴋᴋialerutigivlugo pijungnarᴋovlunga.

Joel 1:13

Kaigitse, poksajanik atisileritse, ogguarluselo, ilipse ajoᴋertuijose; ᴋeadlaritse, ilipse kivgartortose tunerguservingme; ᴋaigitse, poksajanik atisimavluse, inangagitse unnuaᴋ nâvlugo, ilipse kivgartortose Gudimnik; senaugaᴋ tunergutiksaᴋ, tunergutiksarlo imiksaᴋ ᴋaitaujungnairmatta Gudipse iglunganut.

Joel 1:16

Nerᴋiksaᴋ pêrtaungilâᴋ ijipta sânganit, ilâ, ᴋuviasungneᴋ erᴋiertornerlo Gudipta iglunganît?

Joel 1:9

Tunergutiksaᴋ nerᴋiksaᴋ tunergutiksarlo imiksaᴋ noᴋartitauvuk Nâlekab iglunganit; ajoᴋertuijut, Nâlekab kivgangit, ogguarput.

Amos 5:15

Ajortok ômigisiuk, ajungitok ungagilugo, idluarsainerlo atortautisiuk itertarvingme; immaᴋâ Nâlekab, Gudib Zebaotib, Josefib amiakoa saimarsaivigijomârpait.

Jona 1:6

Umiaᴋsûb angajoᴋângata aivigivâ tagva, oᴋautilugolo: Suvêt, siniktotît? Makigit, Gudîllo ᴋaigarsugvigilugo, imaᴋa Gudivît issumagilârpâtigut assioᴋonata.

Jona 3:9

Kina ᴋaujijungnarᴋâ Gude sanguniangimangât ᴋaᴋialerlunelo, allailunelo ningarnersoaminik, asserortauᴋonatâ?

Sefania 2:3

Nâlegak ᴋenersiuk, ilûnnase sinaungaitose nuname, tâpsoma perᴋojanganik nâlektose; idluarniksak ᴋenersiuk, sinaungainek ᴋenersiuk; ijertortauniangimangâpse Nâlekab ningarningata uvlungane.

Haggai 2:19

Kimatulivingmi sulli kangasûtiksaᴋakᴋâ? Ilâ, vainiliksalit, paungatannalillo, kimminaujatsoalillo, orᴋsuksalillo paungaᴋalauᴋsimalungilat; uvlorli manna kigligilugo saimarsaromavapsi.

II Timôteusemut 2:25

Tapatojullo inerterungnarlugit, (neriuklune,) Gûdib taipkua sukutsiane tunitsiviginiarmangâgit ᴋaᴋialernermik, mikseᴋârnek illitarijungnarlugo;

Josua 14:12

Tagva tunnitsivigilaunga manna ᴋaᴋᴋanik ukkuninga, Nalekab oᴋautigilauktanginik uvlorme taipsomane; igvit tussarlaurangne uvlorme taipsomane. Enakimit nunaᴋarmatta takpâne, iglugasaksoaᴋarlutiglo angijunik songojuniglo; Nalekab illaginiarmangangma, aulartitsiᴋovlunga tapkoninga, sorlo Nalegak oᴋalaungmat.

I Samuel 6:5

Taimak manna nullopse adsinginik, nunivakapselo nunapsingnik asseroijut adsinginik sannajariaᴋarpose, nertordlerᴋovluse Israelib Gudinganik; imakkâ aggangit oᴋᴋinersauniangimangatta illipsingnut, Gudipsingnullo, nunapsingnullo.