Joel 2:13 - Labrador Inuttitut Heritage Bible

¹³ Omatiselo aliksigik annorâse pinagit, sâgiaritselo Nâlekamut Gudipsingnut; tâmna saimarosudlarmat, ilapsugosuktoᴋsôvlunelo, ningarsarailungitoᴋ, nâpkiniktoᴋsôvlunelo, ajortomiglo anusingorsarpoᴋ.

Joel 2:13 Iomraidhean Croise

Genesis 37:29

Rubenele itersaliamut tikkiname, sunaubva, Josefeᴋangilaᴋ itersaliame, tagva annorâne alikpait.

Genesis 37:34

Jakoblo annorâne alikpait pôksajaniglo tapserusêvlune sibviamigut ernine oggurivâ uvlunik unuktunik.

II Samuel 1:11

Tagva Davidib annorâne tiguvait, alliklaitalo, angutillo tapsomanêlauktut illunatik taimailiorput.

I Atannit 21:27

Ahabible oᴋautsit taimaitut tusaramigit, annorane allikpait, pôngmiglo tapserusêvok timiminut, nerritaililunelo, sinnilarmelo pôngme, sukᴋailisarlunelo pisukpok.

II Atannit 22:11

Atanniuble aglait perkojaktaggit oᴋausertangit tussaramigit, annorane allikpait.

II Atannit 22:19

Tamanna pivlugo, omattit auksititaulaungmat oᴋautsinut tussarlauktarnut, nikkanarsarlauravillo illingnik Nâlekab sângane, tussarlauravit oᴋauserilauktamnik, iglugasaksuit tamakkoa innungillo pitjutigillugit, asserortaujuksaungmatta, ominarsijaujuksaungmattalo, annoraᴋotitillo allilaurangne, kugviorlauravillo sâmne; tagva uvanga tussarlaurivara, Nâlegak oᴋarpok.

II Atannit 5:7

Israelitillo atanningata aglait tamakkoa attuaramigit, annoraᴋotine allikpait, oᴋarlunelo: Gûdeovîk, toᴋotsijungnarajarlunga omartitsijungnarajarlungalo, tilliklervigingmanga, angut tamna kallangêjarlugo piᴋovlunga? Kamatsiaritse ᴋanok pitjutiksarsiormat uvamne.

II Atannit 6:30

Atanniub arnab oma oᴋausingit tussaramigit, annorane allikpait ailune avalunut. Tagva innugiartoksuit ilunnatik takkovât pôlijarmat timimine.

II Kronika 6:27

Tagva igvit tussalaurit ᴋillangme, issumagijungnailugillo kivgaᴋotivit innuᴋotivillo Israelitit ajorningit, ajochertorlauᴋârdlugit apᴋosinermik ajungitomik, agvertarvigijaksarijanganik; tunnijilutillo sillalungnermik nunaᴋotingnut, tunnilauktarnut innuᴋotingnut, innigijauᴋovlugo tapᴋonunga.

Nehemia 9:17

ᴋunulaukpullo tussarnermik, tattamnartullinitillo pinniarlauktattit erᴋarlaungilait, tettitosarlaukput angajoᴋâᴋartitsivullo ingmingnut utteromamut kivgaunermingnut keppeserlutik. Igville Gûdiga issumagijungnainilaukpotit, saimarviᴋalaukpotit, napkigosuklutillo, ᴋenuêdlalarpillo, napᴋoartoksôlaukpotit, ᴋemalaungilaillo.

Hiobe 1:20

Tagva Hiobe nikkovipok, annorânelo allikpâ, Niaᴋunelo sallivâ, pâmakterlunelo nunamut, opigosuklunelo.

Imgerut 103:8

Nâlegak nâpkigosukpok, saimarveᴋarosuklunelo, ᴋenuêpok pitsiartoksôlarmelo.

Imgerut 106:45

Erᴋaumalaukporlo pivlugit angersimanerminik, ᴋaᴋᴋialerporlo pitsiartoksônine malliklugo.

Imgerut 34:18

Nâlegak ᴋannipok serᴋomisimajunnik ômattelingnut, ikajorpaillo issumamikut kappiasuktut.

Imgerut 51:17

Tunnergutit Gûdib ᴋuviagijangit, annerniôvut serᴋomisimajok; ômamik kappiasuktomik serᴋomisimajomiglo igvit Gûde nachoniangilatit.

Imgerut 86:15

Igville Nâlegak Gûd, nâpkigosukpotit, saimarvekarosuklutillo, ᴋennuêlutillo takopsoajoksôlutillo nertornartoksôlarpillo.

Imgerut 86:5

Igvit Nâlegak ajunginavit illanaksârlutillo; saimarveᴋarlutit angijomik, illûnainut nipliavigijingnut.

Jesaiase 57:15

Kotsiktomẽtoᴋ Nâlegaviksôjorlo, soᴋosijuitomik inneᴋartoᴋ, atteᴋartorlo ivsornaitoᴋsôjomik imâk oᴋarmat: Kotsiktome ivsornaitovingmelo inneᴋarpunga, taimaktauᴋ õmateᴋartune serᴋomisimajunik nallopᴋotijuniglo, nallopᴋotijut anerningat nakoᴋsititsomavlugo serᴋomisimajullo ômatingat nakoᴋsititsomavlugo.

Jesaiase 58:5

Tamannauvâ nerritailineᴋ anerijara, uvloᴋ inûb piojorijungnairtitsivia tarniminik, okkungajoᴋarpat iviksoatut, pititsijoᴋarpat pôksajanik argjaniglo attiminut? Tamanna taijomaviûk nerritailinermik uvlormiglo Nâlekab ᴋuviagijanganik?

Jesaiase 66:2

Aggama tamakkoa tamaita sanavait, taimaglo tamakkoa illũnatik pingulerput, oᴋarpoᴋ Nâlegaᴋ. Imaitoᴋ takunârpara: ajulertoᴋ, serᴋomisimajomik anernilik, oᴋausimnik sivorajoᴋ.

Jeremia 36:7

Imaka manijijomalârput ᴋenunermingnik Nâlakamut, sâgiaromalârlutiglo ilûnatik atunit apᴋotigijamingnit idluitomit; ningarneᴋ ᴋaningajârnerlo angijôngmat Nâlakab oᴋautigijanga inuit tâpkoa pivlugit.

Jeremia 41:5

Angutit 80 tikiput Sikememit, Silomillo, Samariamillo, kipimajunik umilit, aliktorsimajuniglo annorâlit, killersimalutiglo, tunergutigilutik nerᴋiksanik, tipigiksautigilutiglo, Gudib iglunganut âtsomavlugit.

Jeremia 42:10

Nuname tamattomanêgomagupse tamattomanêtuinaritse inersititsomârpapse igupteromanaselo, ilijomârpapselo nusugomanaselo; ajortoᴋ piniarnerisimajara ilipsingnut ᴋaᴋialerutigigapko.

Hesekiel 9:4

Nâlekablo oᴋautivâ: Iglugasaksoatigôrit Jerusalemekut, ᴋaungitigullo nelunaikuserkit inuit anersaumijut ogguartullo maᴋojungnartut tamaita tagvane piniarutaujut pivlugit.

Hosea 14:1

Israele, utilaurit Nâlekamut Gudingnut, oggosimagavit idluinitit pivlugit.

Jona 3:9

Kina ᴋaujijungnarᴋâ Gude sanguniangimangât ᴋaᴋialerlunelo, allailunelo ningarnersoaminik, asserortauᴋonatâ?

Jona 4:2

Tuksiarporlo Nâlekamut, oᴋarlune: Atso ilâ, Nâlegaᴋ, nelautsingilâᴋ oᴋauserilauᴋtara nunamêtilunga sullê? Tamanna pivlugo erinesuavlunga ᴋemâlauᴋpunga Tarsisimut; ᴋaujimagama Gudeogavit saimarsaijoᴋ ilapsudlartorlo, ningarsaraingitoᴋ nâpkigosudlartorlo, idluitorlo ᴋaᴋialerutigisârangne.

Migga 7:18

Kina iliktut Gudeovâ, issumagijungnainiktoᴋ idluitunik, kingormgutijamelo amiakungita idluitulininginik anigoijôᴋ? Soraijuitomik ningarnine tigumianginalungilâ, nâpkiningneᴋ ᴋuviagigamiuk.

Nahum 1:3

Nâlegak ᴋenuesârpok pitsartuneliksôvlunelo, pidlartailitsingitorle ᴋaᴋialerneᴋangitunik: Nâlegak ineᴋarpok ullajujarme akᴋunaksoarme, itigangitalo nuvujat pujoragivait.

Numbers 14:18

Nâlegaᴋ ᴋenuêdlarpoᴋ nâpkiniktoᴋsôvlunelo, issumagijungnainikpoᴋ ajornernik tapatonerniglo, pidlartailitsingitorle ᴋaᴋialerneᴋangitunik; atâtat idluitulininginik pidlarnikpoᴋ ᴋitorngane, ernerêt kingorlerêt pingajungit sitamangillo tikidlugit.

Rômiunut 2:4

Ubvalo akluininga pitsiarnermik ᴋenuersârnermiglo kamangitsertornermiglo nachogiviûk? ᴋaujimangilatît, Gûdib pitsiarningata tassiormatit ᴋaᴋialernermût?

Efêsusemiunut 2:4

Gûdible nâpkininingnermik akluitub naglingnersoarminut nagligilauramitigut,

I Timôteusemut 4:8

Timib pinginik sungiutigannernek atornarniᴋingmat; Gûdemigle nâlengnek atornarpok tamainut, angerviomajoktauk inôtsemik mânêtomik neliutuksamiglo.