Joel 2:12 - Labrador Inuttitut Heritage Bible

¹² Sullele, sulle, oᴋarpoᴋ Nâlegaᴋ, sâgiaritse uvamnut ômamut tamânut, nerritailivluse, ᴋeavluselo, kiksarluselo;

Joel 2:12 Iomraidhean Croise

II Samuel 24:10

Davidiblo omattinga tiglilerpok innugatsuit kittitaulauᴋârtillugit. Davidelo Nalekamut oᴋarpok: Angijoksoarmik idluitullilaukpunga, tamattominga pinnialaurama; mannalo Nalegak kivgavit idluitullininga pêjalauruk, sillaidlartomik pinniarlaurama.

II Kronika 30:6

Tagva akpangertut aivut, aglait attanniub angajoᴋaᴋotingitalo agganginit pijut, naksarlugit, Israelitit, Judakullo illunatik akkorngattigut, attanniublo perᴋojanga malliklugo oᴋarput: ᴋittorngaujose Israelemut, sâleritse Nalekamut, Abrahab, Isaakiblo Israeliblo Gudinganut; tagva tamna sâlerniarivok amiakojunut illipsingnit, ᴋemâlauktunut Assiriamiut attanningata agganginit;

II Kronika 6:27

Tagva igvit tussalaurit ᴋillangme, issumagijungnailugillo kivgaᴋotivit innuᴋotivillo Israelitit ajorningit, ajochertorlauᴋârdlugit apᴋosinermik ajungitomik, agvertarvigijaksarijanganik; tunnijilutillo sillalungnermik nunaᴋotingnut, tunnilauktarnut innuᴋotingnut, innigijauᴋovlugo tapᴋonunga.

Ester 4:16

Ailerit Jûdillo Susanemêtut ilûnaita katterᴋokit nerritailijutigissingalo, nerriᴋonase immerᴋonaselo uvlune pingasune, uvlotillugolonêt unnuarmelonêt; uvanga uigasukotikkalo, nerritailijomavoguttauk taimâk. Taimâglo atannermut itteromavunga, perᴋojak akkerartorlugo; tokᴋotauniaruma, tagva tokᴋotauvunga.

Exodus 33:5

Nâlegak oᴋarsimalaungmat Mosesemut: Israêlikut oᴋarvigikit: Tapatojoksôvose: Tikikadlaromavunga akorngangnut sikungilarnerme, nungulutillo: taimaimat pinnarnarsautitit pêrkit ilingnit, ᴋaujimarᴋovlunga ᴋanok piniarvigijaksarimangâpkit.

Jesaiase 22:12

Nalliutomelo taipsomane Nâlegaᴋ, ᴋilangmiugasaksuit Nâlegangat ᴋearᴋojijomârpoᴋ ogguarᴋojivlunelo, sallimajoᴋarᴋojijomârpoᴋ pôksajaniglo annorâᴋartoᴋarᴋojivlune.

Jesaiase 58:4

Ahâk, akkerartôtivluse ningautivluselo nerritailivakpose, tigluktigêkluselo idluiluktomik. Taimak nerritailivaktilluse nippise tamattomane tussartaujungnangilak ᴋotsiktome.

Jeremia 3:22

Uteritsetôᴋ, ᴋitorngaujose kingupiartorsimajose, kingupiartornise inûlijomavakka. Ahâk, ᴋaivogut ilingnut, tagva igvit Nâlagauvotit Gudigivaptigillo.

Jeremia 36:7

Imaka manijijomalârput ᴋenunermingnik Nâlakamut, sâgiaromalârlutiglo ilûnatik atunit apᴋotigijamingnit idluitomit; ningarneᴋ ᴋaningajârnerlo angijôngmat Nâlakab oᴋautigijanga inuit tâpkoa pivlugit.

Jeremia 4:1

Uteromaguvit, Israêle, Nâlagaᴋ oᴋarpoᴋ, utertuksauvotit uvamnut; maᴋojungnartulinitillo pêjaromagungne kênama sânganit, pêrniangilagit;

Jeremia 4:2

Soᴋoserungnangitomiglo angermariktuksauvotit: Sorlo Nâlagaᴋ inôngmat, mikseᴋârnerme, erᴋartuinermelo, idluarnermelo; inôᴋatigêksuit tagva saimartitaujutigijomârpât, nertornautigijomârlâllo.

Hesekiel 33:11

Oᴋautikit: Sorlo mikseᴋârtomik inôgama, oᴋarpoᴋ Nâlegaᴋ Nâlegaujoᴋ, idluitulijub toᴋunga ᴋuviagingilara; idluitulijorle sâgiangârune apᴋotigijaminit inôvlunelo: sâgiaritse, sâgiaritse apᴋotigijapsingnit idluitunit: sôᴋ toᴋojomavisê, ilipse Israelib ᴋitorngangît?

Daniel 9:3

Tagva kênara sâtipara Nâlekamut Gudemut, tuksiarlunga ᴋinuvlungalo, nirritailivlunga, pôᴋsajamik attisivlunga, argjanullo sauvlunga.

Hosea 12:6

Tamanna pivlugo sâgiarit Gudingnut; nâpkiningneᴋ idluarsainerlo aulartailitikik, sorairnaglo Gudît nerriugvigiuk.

Hosea 12:7

Niuverniarteovoᴋ, kittitautit uiveriklernartut aggangmiutarivait: uiveriklerneᴋ ᴋuviagivâ.

Hosea 14:1

Israele, utilaurit Nâlekamut Gudingnut, oggosimagavit idluinitit pivlugit.

Hosea 6:1

Kaileritse, Nâlekamut utilerta; tâpsoma aliktulauᴋpâtigut, tâpsomalo inûlilârpâtigut; tâpsoma annaulauᴋpâtigut, tâpsomalo mangipsertulârpâtigut.

Joel 1:13

Kaigitse, poksajanik atisileritse, ogguarluselo, ilipse ajoᴋertuijose; ᴋeadlaritse, ilipse kivgartortose tunerguservingme; ᴋaigitse, poksajanik atisimavluse, inangagitse unnuaᴋ nâvlugo, ilipse kivgartortose Gudimnik; senaugaᴋ tunergutiksaᴋ, tunergutiksarlo imiksaᴋ ᴋaitaujungnairmatta Gudipse iglunganut.

Saggaria 7:3

Oᴋarᴋovlugillo ajoᴋertuijunut Gudib Zebaotib iglunganêtunut nâlautaijunullo oᴋarlutik: ᴋeajuksauvêk sulle takᴋit tallimangane, ingmigolingatilungalo uvamnik, sorlo pinialaurama jârit makoa sutaijartut nâvlugît?

Saggaria 7:5

Nunab inungit tamaita ajoᴋertuijullo oᴋarvigikit, oᴋarlutit: Jârit makkoa 70 nâvlugit, nerritaililaurapse kiksarluselo takᴋit tallimangane 7-inganelo, uvanga pivlunga nerritaililaukisê?

Mâlaki 1:9

Taimaimat mâna Gude ᴋenuvigisiuk nâpkiniᴋovlugo uvaptingnik; tamanna ilipsingnit pisimangmat; tâpsoma nelisê ilaliorniarᴋaûk? Oᴋarpoᴋ Nâlegaᴋ Zebaot.

Apostelit Piniarningit 26:20

Oᴋâlavlungale sivorlermik Damaskusemêtunut Jerusalemêtunullo, ilûnainullo nuname Jûdêamêtunut, taimaktauk nalojunut, ᴋakialerᴋovlugit sâgiarᴋovlugillo Gûdemut ᴋaᴋialernerublo piniarᴋojanginik idluartunik piniarᴋovlugit.

Idluarsaijut 2:4

Nâlekablo Engelinga taimaitunik oᴋautsinik oᴋarêrlaungmat Israelib ᴋitornganginut ilûnainut, inugasaksuit nippitik kagvarpait ᴋêalutiglo.

Idluarsaijut 20:26

Tagva Israelib ᴋitorngangit ilûnatik, inugasaksuillo ilûnatik takpaungarput, ᴋailutiglo Gûdib iglunganut, kugviorlutiglo, uvlilutiglo tagvane Nâlekab sângane, nerrinatiglo uvlorme taipsomane, unnuk tikkilugo, tunnijilutiglo tunnergutinik ikkoalajaksanik, tunnergutiniglo ᴋujalijutiksanik Nâlekab sângane.

I Samuel 7:3

Samuele Israelib iglomiokotinginut illunamasianginut oᴋarpok: Omamut illunânut sâlerupse Nalekamut, tagva Gudingoat takkorngartat Astarotelo pêjarsigik illipsingnit, omattiselo torartisigik Nalekamut, kivgartortuarisiuglo; tagva piuliniarpâse Filisterit agganginit.

I Samuel 7:6

Tikkilutiglo kattimalerput Mizpame, immermiglo ᴋallusivut, kovilâllo Nalekab sânganut, nerritaililutiglo uvlorme taipsomane, oᴋarlutiglo: Nalegak idluitullivigilaukpavut. Taimak Samuelib Israelib ᴋittorngangit idluarsarpait Mizpame.