Joel 2:11 - Labrador Inuttitut Heritage Bible

¹¹ Nâlekablo nippine anitipâ sorᴋsuktoᴋatigêksoarme sivurâne; tangmârvinga angijoᴋsôdlarmat; oᴋausinganiglo nâmaksititsijoᴋ pitsartudlarpoᴋ; Nâlekab uvlunga angijôdlarmat sivôranartoᴋsôlarmelo; kia sapingikaûk?

Joel 2:11 Iomraidhean Croise

Imgerut 18:14

Karᴋjoᴋotinelo pittiksautilaukpait, siamartilaitalo, ᴋaumalaktitsilaukporlo, ᴋoaksârtipaillo (Gudeᴋangitut).

Imgerut 46:6

Nallojut perajalukput, attaniovîllo aulavut; nuna auksilerpok tâpsoma nippine tussaktauᴋoguniuk.

Imgerut 68:18

Igvit ᴋongmuarsimavotit, parngnanairsimavik parngnanairsortautilaukpat, tunnergusiannik pilaukpotit innungnut illingajuksanik, ᴋemaimajunnuttauk, Gûde Nâlegak tagvane inneᴋarᴋovlugo.

Jesaiase 13:4

Unudlartut ᴋuᴋudlarningit tussaksauvut ᴋaᴋᴋane sôrlo nunaᴋatigêksoarnit pijut; pervaluktoᴋarpoᴋ nallojut attaniovingita inunginit kattisimajunit pijomik sôrlo. Kilangmiugasaksuit Nâlegangat sorsuktuksaᴋsoaᴋotiminik parngnailerᴋojivoᴋ.

Jesaiase 42:13

Nâlegaᴋ annijomârpoᴋ sangijoᴋsoatut, sorsuktuksatut illungertoromârpoᴋ, nipleromârpoᴋ nipperᴋortojomik, ajugaujomârpoᴋ akkerartortiminut.

Jesaiase 7:18

Nalliutome taipsomane Nâlegaᴋ kôkoviaromârpoᴋ, niviuvait Egiptenib kôksoangata issuanẽtut igupsaujârtullo Assiriab nunanganẽtut ᴋairᴋovlugit.

Jeremia 25:30

Taimaimat oᴋautsit tamakkoa tamaita nalautaitigikit tâpkonunga, oᴋarvigikillo: Nâlagaᴋ ᴋotsiktomit ᴋallingoaromârpoᴋ, inniminillo ivlernartomit nippine anititsomârpâ; ᴋallingoadlaromârpoᴋ sôngojomik nerrinasugviminut; ᴋuggudlaromârpoᴋ vaineliksab paunganginik tullerajartutitut silaᴋsoarmiunut tamainut.

Jeremia 30:7

Kappê! Uvloᴋ taimna angijôvoᴋ, adseᴋangilaᴋ; Jakob siorniorvigivâ; piulijaujomârporlo tamattomangat.

Jeremia 50:34

Piulijingalle sôngodlarpoᴋ; atteᴋarpoᴋ Nâlakamik Zebaotemik; tâpsoma iliortauningat idluarsaijutigijomârpâ, nuna ulapitaujungnaititsomavlugo, Babilonib inungit inilangavêrutilugit.

Hesekiel 22:14

Omatise sapingilârᴋât, aggaselônêt sangijolârᴋât uvlorme piniarvigijomârtamne ilipsingnîk? Uvanga Nâlegaujunga oᴋautigivara, taimailioromavungalo.

Joel 1:15

Kapianarmêk uvloᴋ tâmna, Nâlekab uvlunga ᴋanidlarmat, tikilârporlo asserorsaijotut Ajugaᴋangitomit.

Joel 1:6

Inôᴋatigêksuit majorarsimangmatta nunamnut, sôngodlartut, kitiksaungitullo; kiguteᴋarput loevib kigutingititut, erᴋlerpaᴋarpullo loevetut sôngojotut.

Joel 2:1

Tiptulausijaritse Zioneme, kamasârileritse ᴋaᴋᴋamne ivsornaitome; nunab inungit ilûnatik sajudlarlit; Nâlekab uvlunga tikilermat, ᴋaniporlo;

Joel 2:2

Uvloᴋ tâᴋtoᴋ niptaidlartorlo, uvloᴋ nuvujalik ᴋaujuitorlo, sorlo uvlub tâvliganga issivisimajoᴋ ᴋaᴋᴋane; inôᴋatigêksuit sôngojut aᴋtornartullo, sivorngane taimaitoᴋalauᴋsimangilaᴋ, kingornganelo taimaitoᴋaromângilaᴋ kinguvârêt unuktut jâringinut aglât.

Joel 2:25

Nâmaksititsomavakkalo ilipsingnut jârit ᴋopergut piglertâraillo piglertallo piglertaujallo sorᴋsuktokatigêksoama ilipsingnut tililauᴋtama nerrijangit.

Joel 2:31

Seᴋineᴋ ablatsangoromârpoᴋ tâᴋtomut, taᴋᴋerlo aungmut, Nâlekab uvloᴋsoanga sivôranartoᴋ neliutiᴋârtinago.

Joel 3:14

Inugiartoᴋsuit, inugiartoᴋsuit naᴋsarme erᴋartuivingme! Nâlekab uvlunga ᴋaglimat naᴋsarme erᴋartuivingme.

Joel 3:16

Nâlegarlo ᴋalingoaromârpoᴋ Zionemit, nippinelo anitilugo Jerusalemit; ᴋillaillo nunalo sajugomârput: Nâlegarle ᴋemâviksaujomârpoᴋ inuᴋotiminut, saputjauviksauvlunelo Israêlib ᴋitornganginut.

Amos 1:2

Oᴋarporlo: Nâlegak kalingoalârpok Zionemit, nippinelo anitilârpâ Jerusalemit; mianersijullo nerrinasugvingit ogguaromârput, Karmeliblo ᴋânga ᴋunoleromârpok.

Amos 5:18

Kapianarmêk ilipse, Nâlekab uvlunganik ᴋilanârtose! Nâlekab uvlunga suksarivisiûk? Tâkpok, ᴋaumaniolungilak.

Amos 5:20

Nâlekab uvlunga tâktuksaungilâk, ᴋaumaluganelô? Ilâ, tâktoᴋsôvlune akkisuteᴋaranelô?

Obadia 1:15

Nâlekab uvlunga ᴋaglimat inôᴋatigêksoarnut tamainut; sôrlo igvit piniaravit, taimâk piniarviolârpôtit; piniarnît utilârpoᴋ niaᴋungnut.

Nahum 1:6

Kina nangerungnarᴋâ tâpsoma ningarningata sânganê? Kina sapilungilâk ᴋaningaumajârninga katsungailerpât? Kaningaumajârninga ikoâlavok ikomatut, ᴋairtullo ᴋoplortauvut tâpsomunga.

Mâlaki 3:2

Kiale uvloᴋ tikiviksanga sapingilârᴋaûk? Kinalo nangerungnalârᴋâ tâmna saᴋᴋijârpât? Goldemik auksititsijûb ikomangatut ipoᴋ, ergortuijûblo ubvautingatut;

Numbers 24:23

Imgerutinelo isuᴋsingmilugo oᴋarpoᴋ: Kapianarmêk, kina inôjungnarᴋâ Gûde taimailiorpât?

I Tessalônikamiunut 4:16

Nangmineᴋ Nâlegaᴋ ᴋilangmit aᴋᴋaromârmat nippersoarmut kajungersarnartomut, Engelit ataningata nippinganut, Gûdiblo tiptulautinganut, Kristûsemelo toᴋungajut makerᴋâromârput.

Takotitaunermik 18:8

Tamanna pivlugo kappiagijangita uvluksame atautseme tikidlaromârpât, toᴋublo, kappianartublo, kângnartublo; otaudlarlunelo ikomamut nungutaujomârpok. Pitsartudlarmat Nâlegaᴋ Gûde tâpsominga erᴋartuiniartok.

Takotitaunermik 6:17

Uvloᴋsoak ningaumavinga neliutingmat, kinalo nâmagijaujungnarniarᴋâ?