Biblia Todo Logo
Bìoball air-loidhne

- Sanasan -




Jesaiase 9:3 - Labrador Inuttitut Heritage Bible

3 Nunaᴋatigêt unuksivalliatipattit, ᴋuviasungningat angijôtipat. Sângne ᴋuviasukput, sôrlo kattersoiviub nalliuningane ᴋuviasuktoᴋarpangmat, sôrlo igiaᴋomijartoᴋarpangmat perᴋutinik aitortuivingme,

Faic an caibideil Dèan lethbhreac




Jesaiase 9:3
38 Iomraidhean Croise  

ᴋitorngangillo unnuksivalliatilaukpattit uvloritsetitut ᴋilangmêtutitut, âlaukpattillo nunamut atâtagijanginut oᴋarutigilauktarnut, ittervigilugo nangmineliutilugolo pijuksaungmatta.


Tâpsoma inuᴋattigêksuit unnuksivalliatipait inôseᴋarungnaitilaitalo; inuᴋattigêksuit siamartipait aulartinivaillo.


Pitsartutipaillo unnuksivalliadlarᴋovlugit, nergjutingillo ikkitôtilungilait;


Oᴋautsitit ᴋuviasutigivakka, kinatut perᴋutevaksoasijotut.


Igvit ômattiga ᴋuviasuktipet, ipkoa Weineᴋadlaralloarmatta, ᴋaᴋᴋôjaksaᴋadlaralloarlutiglo.


Kilangmiugasaksuillo Nâlegangata issaᴋautik kivigomârpâ taipsomunga, sôrlo Midiane sugiaramiuk Orib ᴋairtungane, ajaupiaᴋotinelo imarbingmut issautijomârpâ sôrlo Egipteneme.


Taipsomane oᴋaromârpotit imâk: Nâlegaᴋ, ᴋujagivagit, ningaumavigigamga ningaumnajârnillo sorairmat manigoramgalo.


Nâlekab idluitut issaᴋautingat navikpâ, aulatsijut ajaupiangat,


Taipsomane oᴋartoᴋaromârpoᴋ: Ahâk, tâmna Gûdigivavut, tâmna nerriugivavut, tâpsomalo piulivâtigut; tamnauvoᴋ Nâlegaᴋ nerriugijavut; kuviasukluta iggiaᴋomijarta piuliklerninga pivlugo!


Inuᴋotitille unuksitipattit, Nâlegaᴋ, inuᴋotitit unuksitipattit nâlengnarsivlutit, nunab issungit tamaita aglisitipattit.


Nâlekab uttertitangit uttileromârput, Zionemullo tikkitsomârput iggiaᴋomijarlutik; ᴋuviasungnerub nâksaungitub ᴋollangiaromârpait, ᴋuviasungnerub serrinerublo tikkitsomârpait; kiksarnerlo anersauminerlo ᴋemâjomârpuk.


Ananausivlune serrijomârpoᴋ ᴋuviasuklunelo iggiaᴋomijarlunelo. Libanonib ânanauninganik tunidsiviojomârpoᴋ, Karmelib Sâroniblo pinarnarningangnik. Nâlekab ânanauninga takkojomârpât, Gûdipta pinarnarninga.


Kitorngisuitotit, ernisuitotit opigosugit, singaingitotit erᴋiertorlutit iggiaᴋomijarit! Aipaᴋarungnairtoᴋ ᴋitorngaᴋarnersaungmat aipaᴋartomit, oᴋarpoᴋ Nâlegaᴋ.


Kuviasukluse aularomârapse, ullapirsauteᴋarluselo ingergatitaujomârapse. Kaᴋᴋat ᴋaᴋᴋârulaillo sivunipsingne iggiaᴋomijaromârput, napârtullo naternamẽtut illũnatik pattaktoromârput.


Nâlekame ᴋuviasukpunga, tarnigalo serrivoᴋ Gûdimne, annorârmanga piulijaunermik, attitingmangalo idluarsinermik ulliksoatut, sôrlo uiksaᴋ (illingangmat) ânanâmik niaᴋôsertoᴋ ajoᴋertuijotut, sôrlo nulliaksaᴋ (illingangmat) ânanausijutiksaminik attimajoᴋ.


Kangusuktitaunise pivlugo maggolimajomik pijomârpose; mittautigijaujungnairlutiglo ᴋuviasugomârput pigijatik pivlugo, maggoertorlutik piksaᴋarᴋojaugamik nunamingne, ᴋuviasungnermik nâksaungitomik pijomârput.


Ahâk, kivgakka iggiaᴋomijartuksauvut erᴋiertornermut, illipsele kiksadlarnermut ᴋeajuksauvose ogguartuksauvluselo kappiasumut.


Illâle! ᴋuviasugitse iggiaᴋomijarluselo sorairase pingortitakka pitjutigivlugit; Jerusaleme allianartungortitsomârapko inungillo ᴋuvianartungortillugit.


Jerusaleme illagivlugo ᴋuviasugitse, ᴋuviagisiuk illũnase tamattominga nagliktose, iggiaᴋomijaᴋatigisiuk illũnase, tamattominga kiksaruteᴋartose,


Imâk oᴋarmat Nâlagaᴋ: ᴋuviasungnermut imgeritse Jâko pivlugo, nipliatsiaritselo inôᴋatigêksuit pinerpângat pivlugo; nipliaritse, nertordleritse, oᴋarluse: Nâlagaᴋ, piulilaukit inuᴋotitit, Israêlib amiakungit.


Angijororpalianingit maliklugit, idluitulivaliavigivânga; nertornautigijangat mumiklugo naggonautiksangortitsomavara.


Uvangauvunga Nâlegak Gûdise tikiutitise nunamit Egiptenemit kipaloᴋonase tâpkonunga; nangmautapsele ᴋejuktangit navilauᴋpakka, makitatsiarluse arvertarungnarᴋovluse.


Uvingiartoromârpakka, katersorlugillo; piuligapkit; unuksivaliajomârpullo sorlo unuksilaungmatta.


Inôᴋatigêksuillo unuktut ilaulârput Nâlekamut uvlorme tâpsomane, inuᴋotigijomârpakkalo; ilingnelo ineᴋalârpunga, ᴋaujijuksaulârpotillo Nâlekab Zebaotib tilingmanga ilingnut.


Imâk oᴋarpok Nâlegak Zebaot: Uvlune tâpkonane angutit 10 inôᴋatigêksoarnit adsigêngitunik oᴋauselingnit Jûdiojûb annorânga tigumiaromârpât, oᴋarlutik: Ilagijomavapse, tusaumagapta Gudib ilagingmase.


Sanginersable tikikuniuk, sâlagiguniuglo, sakkunginik tatigijanginik aᴋsâdlarpâ, aᴋsârnigavinîllo aitûtigivait.


Iglugasaksoarnelo tâpkonane ᴋuviasuvaksoadlarput.


Kuviasutsainaritse Nâlekame, amalo oᴋarpunga: ᴋuviasugitse.


Tâmna takolaungigalloartase nagligivase, mânalo takungigalloardlugo okpervigigapsiuk, tagva erᴋiêrtorpose ᴋuviasungnermut oᴋautaujungnangitomut alianartoᴋsoarmullo.


Nalagitse ataniojose, kamatsiarluselo angajoᴋaksoangôjose! Uvanga, illa uvanga Nâlegak imgervigijomavara, Nâlegak Israelib Gûdingat imgervigijomavara nertordlerutiksanik.


Angutillo 300 dit tiptulausijartillugit, Nâlegak pititsivok katimgajune ilûnaine attunît illangata saviksoanga torartitaungmat illaminut. Katimgajoksuillo ᴋemâvut Beth-Sitta-Zeratamut tikkilutik, Abel-Meholablo Tabathemetub kiglilervia tikkilugo.


Sebalo Zalmunalo ᴋemâvuk; Gideonible udlapait, angulugiglo Midianiterit atanigik Seba Zalmunalo, katimgajullo ilûnaita siamartipait.


Tassiorpaillo ununga. Ahâglo, siamarsimalaukput nuname illunâne, nerrilutiglo immerlarmiglo, okigêserlutiglo aksarnigaujut unnuktovaksuit aksarnigarilauktatik Filisterit Judablo nunanginit pivlugit.


Lean sinn:

Sanasan


Sanasan