Jesaiase 7:2 - Labrador Inuttitut Heritage Bible

² Dâvidiblo kinguvângit oᴋautjauvut imâk: Siriamiut Efraimeme tangmârput. Tagva attaniub õmatinga inuᴋotingitalo õmatingit sajukput napârtutitut aulataujutitut anoremut napârtoliksoarme.

Jesaiase 7:2 Iomraidhean Croise

II Samuel 7:16

Igluille, attanniovîllo soᴋᴋosijuituksauvuk issoᴋangitomut sângne, iksivautallo soraijuituksauvok issoᴋangitomut.

I Atannit 11:32

Kinguvarêt atautsit pigênaraksarivait kivgara Davide pivlugo, iglugasaksuillo Jerusalem pivlugit, annerilauktakka Israelib kinguvarênginit ilûnnainit.

I Atannit 12:16

Israelitille ilûnnamasiangit takkogamik atanniub tusaromangimagit, inugasaksuit atannek kiovât oᴋarlutiglo: Sunamik illangiutiviᴋarᴋita Davidemik? Isaiblo erninga pigingilavut, Israelitiôjose aileritse tuppeᴋotipsingnut! Taimâk mânna igvit Davideᴋotivît iglunga takkonâruk. Taimâk Israelitit aivut tupperᴋotimingnut,

I Atannit 13:2

Nipliarporlo Altaremut Nâlekab oᴋausingagut, oᴋarlunelo: Altare, Altare! Nâlegak imâk oᴋarpok: Ahâk, ernermik, erniangojoᴋaromârpok, Davidib iglunganut, Josiamik ateᴋaromârtomik, tamna tunnijijomârpok ᴋângne pôktojub ajuᴋertuijoᴋotinginik, isserluanititsijunik ᴋângne, inuillo sauningit ikkitsomârpait ᴋângne.

II Kronika 25:10

Tagva Amaziab sorsuktuksat tapᴋoa Efraimekunit tikkilauktut tapsomunga apterpait, aularᴋovlugit nunamingnut. Tagva ningarningita Judakut illungertutigilerpait, aularlutiglo nunamingnut, ningarnermut illungertorlutik.

II Kronika 28:12

Tagva Efraimib ᴋittorngangita angajoᴋaunerôjungita illangit: Asarja, Johananib erninga, Berechjalo, Mesillemotib erninga, Jehiskialo Sallumib erninga, Amasalo, Haldaib erninga, nikkoviput, tapᴋoa unatadlarnermit tikkitut kiglornilugit.

Imgerut 11:1

Nalegak tattigivara; ᴋannok tagva tarnimnut oᴋarᴋisê; ᴋemâleritse tingmiatut ᴋaᴋᴋapsingnut?

Salomob Okâl 28:1

Gûdeᴋangitok ᴋemâvok unangmiklertoᴋanginingane; idluartorle sivôrajuipok, Loeveârsutut.

Jesaiase 11:13

Sorairomârpoᴋ tagva Efraimib anerudsininga, sinaungasaijullo Jûdamẽtut nungutaujomârput; Efraimib Jûda anerutijungnairomârpâ, Jûdablo sinaungasarungnairomârpâ Efraime.

Jesaiase 22:22

Dâvidiblo iglungata pêrutânik illijijomârpunga tâpsoma tuîgingnut, pallangairutjârsijomârporlo nalliata pallangairungnangitanganik, pallangairsijomârporlo nalliata pallangairutjârungnangitanganik.

Jesaiase 37:27

Inungillo nukkingerutivut mungungavlutiglo kangusuklutiglo, iviksukatitut-ilerput naternamẽtutitut, perorsijatitullo tungujortatitut, iviksukatitullo iglut ᴋanginẽtutitut, iviksoatitullo ᴋunorlerêrtutitut innilerᴋârtinagit.

Jesaiase 37:35

Iglugasaksuit tamakkoa serngnigijomagapkit piulijomavlugillo pivlunga kivgaralo Dâvide pivlugo.

Jesaiase 6:13

Inuille unurningita tallimaujortungit tagvanẽtsomârput sulle; taipkoa pititaujariaᴋaromârivut ikkomamut, kissianele — sôrlo terebintemut aigemullo kippaᴋarmat (kippijaukpanik) — taimak taipkoa kippangat kinguvâksauvoᴋ ivsornaitoᴋ.

Jesaiase 7:13

Tagva oᴋarpoᴋ: Attê, tussaleritse illipse Dâvidib iglunganẽtose! Nãmaksingilase inuit pagvisârlugit; Gûdigatauᴋ pagvisâromavisiûk?

Jesaiase 7:17

Nâlekable Assiriab attaningagut igvit nunaᴋatitillo atâtavillo inuᴋotingit tikkitaurᴋojomârpâse uvlunut nalleᴋangitunut Efraimib aviningata Jûdamit kingorngane.

Jesaiase 7:5

Siriamiut Efraimekkullo Remaliablo erninga idluitomik kajusimangmatta pivlutit, oᴋauseᴋarlutik imâk:

Jesaiase 8:12

Pikkablartônerainiarase nunaᴋatigêt ukkoa pikkablartônerarpaktanginik, erᴋsigijangit erᴋsiginiarasigik sivoraginagillo.

Jesaiase 9:9

Tukkisileromârpâllo Efraimib inuᴋotingita illũnatik Samâriamiullo, pimmariuterlutik piojoridlarlutiglo imâk oᴋauseᴋartut:

Jeremia 21:12

Ilipse, Dâvidib kinguvângit, imâk oᴋarpoᴋ Nâlagaᴋ, Idluarsaileritse uvlângoningane, oᴋumaiksartitaujorlo piulisiuk oᴋumaiksartitsijub agganginit, ᴋaningaumajârnera aniᴋonago ikomatut, ikoâlaniarlune ᴋamitaujungnarungnailune, piniarnerijase idluitut pivlugit.

Hosea 12:1

Efraimib anore aᴋᴋeartorutigivâ, unangârlo udlapâ; saglonerit asserornartullo unuksitipait ᴋaut tamât; Assirialo angiᴋatigivât, orᴋsorlo âtauvoᴋ Egiptenemut.

Mattêuse 2:3

Ataniub Herôdesib tamanna tussaramiuk ᴋoaksârpok, Jerusalemiullo ilûnatik;