Jesaiase 6:2 - Labrador Inuttitut Heritage Bible

² Sêrafit ᴋollânẽput attunit pingasôjortunik esarolît; maggungnut kênatik mattuvait, maggungnut ittigatik mattuvait, maggungnut tingilerput.

Jesaiase 6:2 Iomraidhean Croise

Genesis 17:3

Tagva Abra pâmakterpok. Gûdiblo sulle oᴋarvigivâ oᴋarlune:

I Atannit 19:13

Eliab tamânna tusaramiuk, tagva kênane ullikpa ulliksoarminut, annilunelo, nangeriartorlarmelo ᴋairosub pânganut. Ahâglo, nippib tikkipa, oᴋarlunelo: Sunamik sullijaksaᴋarᴋît mâne Elia?

I Atannit 22:19

Tamnalo oᴋarpok: Tamânna pivlugo tusarᴋit mânna Nâlekab oᴋausingit: Nâlegak takkolaukpara iksivatillugo iksivautaksoarmine, ᴋillangmiugaseksuillo ilûnnamasiatik nangertillugit saniane, tallerpiane, saumianelo.

I Atannit 6:24

Kerubingoaglo esarungit attunît tallitut tallimatut takᴋitigijolaukput, taimâk tallitut tallimaujortutitut îlaungmat tapsoma esarungata nuvuanit igluata nuvunganut.

I Atannit 6:27

Kerubingoaglo pitipak kamunga iglub illuanut. Kerubingoaglo esarungit isivijauvut Kerubingoak aipangata esarunga aktualermat iglub saniranganut, aipatalo êsarunga aktuavok iglub saniranganut akkianêtomut; igluble ᴋerᴋane esarkuk aktuatigêkpuk.

I Atannit 8:7

Kerubingoâk esarotik issivingmagit inniub iklerviub makkitavigijangata ᴋollâne, ullikpâlo iklervik akkerautingillo ᴋollânit.

Nehemia 9:6

Nâlegak igvitôvotit, igvit ᴋilak pingortilaukpat, ᴋilaillo tamaita ᴋilangit, katimgajoksoangit illaliudlugit, nuna tamaitalo tapsomanêtut, immarbiksuit, tamaitalo tapᴋoa ilûanêtut. Igvillo tamaita pairivattit; ᴋilangmiugaseksuillo tuksiarvigivâtit.

Hiobe 1:6

Pijoᴋalaukporle uvlut illangane, Gûdib ᴋittorngangit tikkimatta nangeriartorlutiglo Nâlekab sânganut, Sâtanasibtauk tikkiᴋattigivait.

Hiobe 15:15

Ahâk, ivsornaitokotine tettigijungnangilait, ᴋilaillo ivsornailungilet sângane.

Hiobe 4:18

Ahâk kivgane tattigijungnangilait, tillijaminelo sillainersivok.

Imgerut 103:20

Nâlegak nertorsiuk, illipse Engeleᴋotingit, sôngojoksôjose, perᴋojanginnik pinniartose, oᴋausingita nippingat tussartauᴋovlugo.

Imgerut 104:4

Engeleᴋotingnik annoringortitsijotit, kivgakotingniglo ikkoalajungortitsijotit.

Imgerut 18:10

Kêrubib ᴋângane ablângavok, tingilunelo tagvunga; ikkiaᴋilaukporlo annorib esarungine.

Imgerut 89:7

Gûde sivôranadlarpok ivsornaitut kattimaniksangine, opinadlarlunelo illunainut illumajiminut.

Exodus 25:20

Kerubîglo isivitsijuksauvuk esarᴋumingnik ᴋollâgut, iksivavik saimarvigijauvik uliklugo esarᴋumingnut, kênâgik sângautijuksauvuk: iksivavik saimarvigijauvik sâvigivlugo kênâgik pijuksauvuk.

Exodus 3:6

Amma oᴋarpok: Uvangauvunga atâtavit Gûdigijanga, Abrahab Gûdigijanga, Isaablo Gûdigijanga, Jakoblo Gûdigijanga. Tagva Mosesib kênane mattuvâ; Gûde takonârlugo sivôragame.

Exodus 37:9

Kerubîglo esarᴋutik isivipait ᴋollâgut, iksivaviglo saimarvigijauvik ulliklugo esarᴋumingnut, sângautilutik; iksivavingmut saimarvigijauvingmut kerubîk kênâgik sângavuk.

Jesaiase 6:6

Tagva Sêrafit illangat tingilerpoᴋ uvamnut, auma tigumiarlugo tigujane kingmautîkkut tunerguservingmit.

Hesekiel 1:11

Taimailingavut kênangit; isarungillo issivimavut ᴋongmut; isarûk maggûk ingmingnut aktoagutivuk; isarungnullo maggungnut ingmingnik ulikput.

Hesekiel 1:24

Ingerarmattalo tusarpunga isarungita suluksungninginik sorlo imaᴋsuit imarpalungninginik, Ajugaᴋangitub nippingatut, perajaluktut pervalungningititut sorᴋsuktoᴋatigêksuit pervalungningititut: noᴋangamattalo isarungit imuvait.

Hesekiel 1:4

Takosarpungalo, ahâglo, aᴋᴋunaᴋsoaᴋ sôngojoᴋ saᴋᴋerpoᴋ avangat, nuvujaᴋsôvlune, ikomaliksoaᴋ ingminut ᴋaivitsainartoᴋ ilagilugo, ᴋebleridlartoᴋ avatâne ilûnâne, ᴋerᴋânillo sorlo ᴋaᴋorleᴋ ᴋingarnartoᴋ ikomab ᴋerᴋânit.

Hesekiel 1:6

Ilûnatiglo atunit kênaᴋarput sittamanik, ilûnatiglo atunit isaroᴋarput sittamanik.

Hesekiel 1:9

Isarungit ilûnatik ingmingnut aktoagutivut, pisugamiglo sangulungilat: ilûnatiglo pisugamik tukkimuatsiarput.

Hesekiel 10:16

Kerubillo ingerarangata, aksaloat ingerarput seningine; kerubillo isarotik issivijarangamigit nunamit ᴋangataromavlutik, aksaloat sangungilat seninginit.

Hesekiel 10:21

Ilûnatik atunit kênaᴋarput sittamanik, ilûnatiglo isaroᴋarput sittamanik; isarungitalo atâne pitaᴋarput sorlo inûb aggangititut.

Daniel 7:10

Sânganit aularluni kôk ikomainaujoᴋ kôkpoᴋ; tausendit tausenditorlugit kivgartorpât, 10tausendillo 10tausenditorlugit nangiput sângani; iᴋartuivik pigiarpoᴋ, aglaillo makpitauvut.

Daniel 9:21

Ilâ, tuksiarnimi oᴋâlatilunga, angut imna Gabrieli, takotitjutimni takojara pigiarnimi, tingisaraititauvluni, aktorpânga, tunigutit unnuksiutit tunijauningita tungâni.

Saggaria 3:4

Tapsomalo kiovlune sâmine nangertut oᴋautivait: Annorât ipektudlartut pêrsigik tâpsomangat. Tâpsomungalo oᴋarpok: Ahâk, idluitulinitit pêjarpakka ilingnit, annorâromavagillo pinnarnadlartunik.

Lukase 1:10

Inugasaksuillo ilûnatik silatânêput tuksiarlutik isserluanititsitilugo.

Ebrêerinut 1:7

Engelit pivlugit oᴋaralloarpoᴋ: Engeline anoringortipait, kivganelo ikoâlajungortilugit.

Takotitaunermik 14:6

Engelemiglo takogivunga ᴋilaub ᴋerᴋagut tingijomik, oᴋautsinik tussarnertunik soraingitunik pilingmik, oᴋautigijaksanik nuname nunaᴋartunut, nelojunullo, ingmigôlingajuniglo oᴋauselingnut, inungnullo tamainut;

Takotitaunermik 4:8

Omajullo tâpkoa sitamat atunit isaroᴋarput pingasujortunik, ilumikullo ilûnâne ijilit, inilangajungnangerput uvlôtilugo unnuamelo, oᴋarlutik: Hailig, Hailig, Hailigeovok Gûde Nâlegak, ajugaᴋangitovitôjok, ilauktok, tamattomanêtorlo, ᴋaijomârtorlo.

Takotitaunermik 7:11

Engelillo ilûnatik nangerput iksivautaᴋsoak ilumavlugo angajoᴋaunerôjullo ilumavlugit, ômajullo sitamat ilumavlugit, pâmakterlutiglo iksivautaksûb sânganut, Gûde tuksiarvigivât,

Takotitaunermik 8:13

Engelemiglo takovunga tussarlungalo ᴋilaub ᴋerᴋagut tingijomik, nippersoarmut oᴋartomik: Kappianarmêk, kappianarmêk, kappianarmêk nunamêtut, tiptulautit assingita nippingit pivlugit, Engelit pingasut sulle tiptulausijartuksat neliutilârningine!