Jesaiase 53:3 - Labrador Inuttitut Heritage Bible

³ Nachogijaujôvoᴋ, inungnut ᴋemaktaumajoᴋ, angut ãnialik, ᴋanimainartoᴋ, nachonaluartoᴋ, illũnatik kênatik tâpsomangat allarmagit; tamanna pivlugo suksaunasugingilavut.

Jesaiase 53:3 Iomraidhean Croise

Imgerut 69:29

Uvangale pattangavunga, âniadlarlungalo. Gûde ikajornivît sapputilinga!

Imgerut 88:4

Taipᴋotitunak înasugijauvunga ittersamut ijuᴋartutitut; angutitut îpunga nukkeᴋangitotut.

Jesaiase 49:7

Nâlegaᴋ, Israêlib piulijinga ivlernartitoᴋ oᴋarpoᴋ imâk tarnilît nachogijangannut, inuit maᴋojugijangannut, attaniâluit kivgangannut: Attanersuit takonâromârput nikkovilutiglo, attanerillo pâmakteromarput Nâlegaᴋ nertornartoᴋ pivlugo, ivlernartitoᴋ Israêlikkune pivlugo illingnik anerosuktoᴋ.

Jesaiase 50:6

Tunnuga manivara annaulerniktunut, ulluâkkalo umingnik nussuksijunut, kênara ijertorlungilara mittautautillunga ᴋetserartautillungalo.

Jesaiase 52:14

Unuktut (mãna) maᴋojugigalloarmatsuk, — tautua asserrorsimangmat, inuktut itsungnairtillugo, kênangalo itsungnairtillugo inûb ᴋitorngangita kênangititut —

Jesaiase 53:10

Kissianele Nâlekab idluarivâ, nerᴋerᴋsudlartitsomavlugo ãniatitsomavlugolo. Tarninga (nangminerminik) tunergutiksatut sattûtiksatut tunikpat, kinguvâksaminik takojomârpoᴋ, uvluksane unuksitillugit, Nâlekablo idluarijanga pivalliatitaujomârpok aggangitigut.

Jesaiase 53:4

Sunaubvâ! tâpsoma ᴋanimanivut nangmarpait, ãnilakteradlarnivullo ingminut pitipait. Uvagulle sugiartaunasugivavut, Gûdemut annaujaunasugivlugo ãniatitaunasugivlugolo.

Migga 5:1

Mana katititaksatit katitikit, katititaksat paningat; tâpsoma ilumavâtigut; Israêlib idluarsaijunga issaᴋajomârpât ulloangagut issaᴋautemut.

Saggaria 11:8

Mianersijullo pingasut kipipakka takᴋerme atauserme; ariulaurapkit, tâpkoalo tarningita ᴋuinagivânga.

Mattêuse 26:67

Tagva kênanga ᴋetserarpât, tigluklugolo. Ilangitale kênangagut tiglukpât,

Mattêuse 27:63

Oᴋarlutiglo: Atanek, erᴋaivogut, uivêtok imna oᴋalaungmat sulle inôvlune: Uvluk pingajuangne makilârpunga.

Markuse 10:33

Ahâk, takpaunga Jerusalemut aivogut, Inûblo Erninga pititaulârpoᴋ ajoᴋertuijoᴋsoarnut aglangniglo illisimajunut; taipkoa toᴋotaksautilârpât, nelojunullo unertujutigilârpât.

Markuse 10:34

Taipkoalo mitautigilârpât, issaᴋavlugolo ᴋetserarlugolo toᴋolârpât, uvluglo pingajuangne makilârivoᴋ.

Markuse 14:34

Oᴋautivaillo: Tarniga kiksarpoᴋ toᴋo tikidlugo; tagvanêtitse pigârluse.

Markuse 15:19

Niaᴋoagullo anaudlarpât ajaupiamut suvlulingmut, ᴋetserarlugo, sêrᴋortorvigilugolo tuksiarvigivât.

Markuse 9:12

Kiovaillo oᴋautivlugit: Ahaila, Elîase tikerᴋartuksaugalloarpoᴋ, tamaitalo idluarsitilugit; taimaktauᴋ Inûb Erninga angijomik kappiasuktitaujariaᴋarpoᴋ nachogijaulunelo, sorlo aglaksimangmat.

Lukase 16:14

Tamakkoa tamaita Farisêerit pijomatudlartut tussaramigit, mitautigivât.

Lukase 19:41

Iglugasaksoarnullo ᴋaglilerame, takunârpait ᴋugviorutigilaitalo.

Lukase 8:53

Ijoridlarpâllo toᴋojomik nalungikalloaramik.

Lukase 9:22

Oᴋarporlo: Inûb Erninga âniatitaujariaᴋarpok sulle unuktunik, angajoᴋânullo ajoᴋertuijoksoarnullo aglangniglo ilisimajunut ajaktortaujariaᴋarpok, toᴋotauvlunelo, uvlullo pingajuangne makitsomârivok.

Johannese 11:35

Jêsusiblo ijîgik ᴋugviolerpuk.

Johannese 8:48

Tagva Jûdit kiovât oᴋautivlugolo: Nelâgut oᴋangilagût, Samâriamiogavit, Sâtanaseᴋarlarpillô?

Deuteronomy 32:15

Israêlele ᴋoinivok, tukarniklunelo; ᴋoinivotit, siliksivotit, uvineᴋadlarpotit; Gûdelo pingortitine ᴋemakpâ, ᴋairtorlo piulijauviksane naggogivâ.

Ebrêerinut 4:15

Ajoᴋertuinerôjoᴋanginapta ilapsugosugungnangitomik ajulerniptingnik, ilûnânele ôktortaumajomik uvaptitut, ajorneᴋaranele.

Ebrêerinut 5:7

Tâmna uviningme inôtilugo tuksiarnermiglo ᴋenunermiglo tunerguserpoᴋ angijomik nipliadlarlune ᴋugviudlarlarmelo tâpsomunga piulijungnartiminut toᴋomit; tussâjaugivorlo, Gûde nâlekamiuk.