Jesaiase 5:2 - Labrador Inuttitut Heritage Bible

² Poagijarpâlo ujaraijarlugolo illijivigivlugolo vaineᴋutiarsungnik ânanaudlartunik. Nuvugusersoaliorporlo illuane iptêjaivingmiglo sanavoᴋ tagvane nerriukporlo paungaᴋarniksanganik; kissianele paungalukaᴋarpoᴋ.

Jesaiase 5:2 Iomraidhean Croise

II Samuel 7:10

Uvangalo innuᴋotikka Israelitit inneᴋartitsomavakka, illijomavakkalo, tagvane nunaᴋarᴋovlugit, tamarnartovingmelo agvertarungnaiᴋovlugit, kassênerublo ᴋittorngangit tetjarungnaiᴋovlugit tapkoninga sivurnganetut.

Nehemia 13:15

Nalliutome taipsomane Judame takᴋovunga Weineliksat iptêjaivinganik tullertunik Sabbatib uvlungane ᴋeppitaniglo kakkojaksanik ittertitsingmatta, siutekoktôjuniglo nangmalingnik Weinemik, Weineliksallo paunganginik, Feigeniglo, nangmaniglo pittalingnik sunatuinarnik ittertitsingmatta Jerusalemut Sabbatib uvlungane. Tennersarpakkalo uvlorme taipsomane nerᴋiksanik niorvgusingmatta.

Imgerut 80:8

Nappârtok Weineliksak ailaukpat Egiptenemit, nallojut aulartilaukpâttit, tâmnalo illilaukpat.

Imgerut 80:9

Sângane inniksaᴋartitsilaukpotit amângillo siamasariarᴋolaukpâttit; nunamik nâjimangmat.

Exodus 33:16

Sunakulle ᴋaujijauniarᴋâ uvanga inuᴋotitillo saimaneᴋsigapta ijîkpit sângangne? Tamattomûnaulungilâᴋ, igvit ilagigaptigut? Taimâk aptersimaniarpogut, uvanga inuᴋotitillo, inungnit tamainit nunab ᴋânganêtunit.

Jesaiase 1:8

Zioniblo pannia amiakôvoᴋ igloarsuktut perorsêvingmẽtotut vaineliksatalingme, udjertorteojub innigijangatut perorsêvingme, iglugasaksoatitut illujaumajutitut.

Jesaiase 5:7

Imaiporle: Kilangmiugasaksuit Nâlegangata perorsêvia vaineliksatalik tagva Israêlikkut, Jûdablo angutingit tagva illijivigijanga (perortuksanik) ᴋuviagijanga. Idluartullinermik nerriugame, aksorûtjineᴋ takkovâ; idluarnermik nerriugame, ogguarneᴋ tussarpâ.

Jeremia 11:17

Nâlagaᴋ Zebaot ilijilauᴋtoᴋ ilingnik siluksimavoᴋ idluitomik ilingnôrtuksamik, Israêlib ᴋitorngangita Judablo ᴋitorngangita idluiningit pivlugit, idluitulinerijangita ningarsârmanga Baale tunerguservigivlugo isserluanerutinik.

Jeremia 2:21

Uvangale ililauᴋpagit napârtôᴋovlutit vaineliksaᴋ idluartoᴋ, karngasûteoᴋovlutit nâmamariktoᴋ; ᴋanoᴋ tagva ablatsângorsimanerᴋêt, perornerluktungorlutit vaineliksamik takorngartamik uvamnût?

Hosea 10:1

Israele napârtôvoᴋ vaineliksaᴋ siamangatsiartoᴋ, paungatârpaktoᴋ: paungangita unurningititut taimak tunerguservine unuksitipait; nuname piloringninga maliklugo taimak napajoliorpoᴋ.

Migga 4:8

Igvillo, katimgajut nuvugusingat, Zionib paningata ᴋaᴋanga, ilingnut tikilârpoᴋ, ilâ, nâlegauneᴋ sivorleᴋ tikilârpoᴋ, Jerusalemib paningata nâlegauvinga.

Numbers 23:9

ᴋairtut ᴋânganit takogapkit, ᴋaᴋᴋanillo ulernairtorpakka; ahâk, inugiartoᴋsôvut aptersimajut, inôᴋatigêksoarnullo kitiᴋatauniangilat.

Mattêuse 21:19

Napârtomiglo paungatannaᴋarpaktomik apᴋosiniub saniane takkogame, nelipsarpâ; merᴋutuinalik takkogamiuk, oᴋautivâ: Mattoma kingorngane ilingne perortoᴋarniarungnaimarigle paunganik. Napârtorlo paungatannaᴋarpaktok panersârpok tagvainak.

Mattêuse 21:33

Adsiujomik assianik tussaritse: Angajoᴋaᴋalaukpok perorsêviliortomik, vaineliksanik ilijivlune, avatâlo avaluliudlarlugo; paungallo iptêjartauviksanganik sanalaurivok, nuvuguseᴋsoaliorivorlo; perorsêvilerijunullo pimajauᴋogamiuk, nuname assianut aularpok.

Mattêuse 21:34

Paungalle inilerviat naliutilermat, kivgane tilivait perorsêvilerijunut, paunganginik pilerᴋovlugit.

Markuse 11:13

Napârtomiglo paungatannaᴋarpaktomik merᴋolingmik takogame alivasiktomit, nelipsarpâ, paungaᴋangimangât. Tikinamiugle, merᴋutuinarnik takovoᴋ, paungaᴋalervinga sulle neliutingimat.

Markuse 12:1

Adsiujuniglo oᴋarvigilerpait: Anguteᴋalauᴋpoᴋ perorsêviliortomik, vainiliksanik ilijivlune, avatâlo avaluliudlarlugo; paungallo iptêjartauviksanganik sanalaurivoᴋ, nuvuguseᴋsoaliorivorlo; perorsêvilerijunullo pimajauᴋogamiuk, nuname asianut aularpoᴋ.

Markuse 12:2

Paungallo inilervait naliutingmat, kivgame ilangat tilivâ perorsêvilerijunut, perorsêviub paunganginik pijartorᴋolugo.

Rômiunut 9:4

Tâpkoa Israêlemit kinguvângovut, ᴋitorngaunermiglo, ânanaunermiglo, angeᴋatigêngnermiglo, perᴋojaniglo, kivgartornermiglo Gûdemut, angersimanermiglo pitaᴋarput;

I Korintemiunut 9:7

Kina sorsugiartorlune kivgartorᴋâ, atorniartane nangminek pisiarilugît? Kina vainiliksamik perorsêviliorᴋâ, perorsiangita ilanginik nerrinanê? Kinalônêt nergjutinik pairsivâ, êsinanelo nergjutit tâpkoa immunginîk?

Deuteronomy 32:6

Nâlegak taimak akkiniarᴋisiûk, ilipse inôjose silaitose ilisimaneᴋangitoselô? Tâmna atâtagingipisiûk pisiarijît? Pingortipâtit tungatilutillo.

Idluarsaijut 16:4

Kingorngane arnak ungagilerpa, kôngme Sorekeme, Delilamik atelik.