Jesaiase 4:3 - Labrador Inuttitut Heritage Bible

³ Ivsornaituniglo taijaujomârput amiakôjut Zioneme inôjullo sulle Jerusaleme — illũnatik aglaksimajut inôrᴋojauvlutik Jerusaleme,

Jesaiase 4:3 Iomraidhean Croise

Imgerut 69:28

Pêjartaulit inôjut aglanginnit makpertanit, idluartullo aglaᴋassiutitauᴋoniarnagit.

Imgerut 87:6

Nâlekab nippisiorutinne innuᴋattigêksuit taijomârpait: Tâpkoa erniangomavut tagvane, Sêla.

Jesaiase 1:27

Zione erkartuijomut piulijaujomârpoᴋ utertitaumajoᴋotingillo idluarsaijomut.

Jesaiase 28:5

Taipsomane ᴋilangmiugasaksuit Nâlegangat niaᴋôtitut pinarnartoᴋsôjotut ᴋaurutitullo ânanaudlartotut illingajomârpoᴋ inuᴋotime amiakunginut.

Jesaiase 35:8

Tagvanelo apᴋosineᴋaromârpoᴋ apᴋutiksamik. Apᴋomik ivsornaitomik taijaujomârpoᴋ taimna. Ivsornartomut pissugviksaungilaᴋ, taipkonungale attoraksaujomârpoᴋ. Ingergajut tagvûna, sillaitut aglât tammaromângilat.

Jesaiase 46:3

Jâkokkut illipse, tussalersinga, illipselo Israêlitit amiakungit! erᴋsuktaujose uvamnut anânapse timingata illuanẽnipsingnit, nangmartaujoselo uvamnut nutaraunipsingnit.

Jesaiase 52:1

Tupalerit, tupalerit, pitsartunit attileruk, Zione! Annorâlerit uvloᴋsiorutinik, Jerusaleme, iglugasaksoangojotit ivsornaitotit! Mattoma kingorngagut kippisimangitomik ivsornartomiglõnêt ittertoᴋaromângimat illingnut.

Jesaiase 6:13

Inuille unurningita tallimaujortungit tagvanẽtsomârput sulle; taipkoa pititaujariaᴋaromârivut ikkomamut, kissianele — sôrlo terebintemut aigemullo kippaᴋarmat (kippijaukpanik) — taimak taipkoa kippangat kinguvâksauvoᴋ ivsornaitoᴋ.

Jesaiase 60:21

Inuᴋotitit illũnatik idluartôjomârput, nunaᴋsoarlo kingormgutijomârpât issoᴋangitomut, perorsiangongmatta nangmineᴋ illijakka, aggangmalo sanangmagit nertornautiksamnut.

Jesaiase 62:12

Taijaujomârpullo inûᴋatigêksoarnik ivsornaitunik Nâlekab piulijanginik, igvillo taijaujomârpotit iglugasaksoarnik takojartortauvaktunik, ᴋemaktauniangitunik.

Hesekiel 13:9

Aggamnullo tiglulârpakka nelautaijut uivêrinartunik oᴋâlajut saglonerniglo nelautaijut; inuᴋotikka ᴋaggimiolerpatta najûtijuksaungilat, aglaktaujuksaungilallônêt Israêlib ᴋitorngangita aglaksimaviane, aijuksaungilallônêt Israêlib nunanganut; ᴋaujijuksauvoselo uvangaugama Nâlegaᴋ Nâlegaujoᴋ.

Hesekiel 43:12

Tamanna tagva perᴋojaᴋ iglo pivlugo: Kaᴋᴋab ᴋânga avatâ ilûnane ivsornaitoᴋsôdlartuksauvoᴋ. Ahâk tagga, tamanna perᴋojauvoᴋ iglo pivlugo.

Joel 3:17

Taimak ᴋaujilârpose uvangaugama Nâlegaᴋ Gudise, Zioneme ᴋaᴋᴋamne ivsornaitome ineᴋartunga: Jerusalem tagva ivsornaijomârpoᴋ, takorngartallo apᴋutigijungnairomârpât.

Obadia 1:17

ᴋaᴋᴋamele Zioneme ᴋemâsimajoᴋaromârpoᴋ, ivsornaijomârporlo tâmna; Jâkoblo ᴋitorngangita perᴋutigilârpait perᴋutigilauᴋtatik.

Saggaria 14:2

Inôᴋatigêksuit tamaita Jerusalemut katersoromârapkit sorᴋsungnermut; iglugasaksuillo tigujaulârput, iglullo kongmarudjaujomârput, arnallo naggonarsartauvlutik; iglugasaksoarmiullo abvangit anijomârput aularutijauvlutik, inuillo amiakungit kipijaunialungilat iglugasaksoarnit.

Mâlaki 3:16

Tagva Nâlekamik sivôrajut oᴋaᴋatigêlerput: Nâlegarlo nâlakpoᴋ tusarlunelo, aglaillo erᴋaumajutiksat aglaktauvut tâpsoma sângane, Nâlekamik sivôrajut pivlugit, attinganiglo erᴋaijut pivlugit.

Lukase 10:20

Anernerille (idluiluktut) nâlengmase, ᴋuviasûtiginasiuk; ᴋuviasugitsele, atise aglaksimangmatta ᴋilangme.

Apostelit Piniarningit 13:48

Nalojulle tamanna tusaramitsuk, ᴋuviasulerput, Nâlekablo oᴋausingit nakorivait; okpilerlutiglo ilûnatik inôtsemut nâksaungitomut pijuksat.

Rômiunut 11:4

Kanorle Gûdib kiovaûk? “Uvamnut amiakoᴋartitsilauᴋpunga angutinik 7,000 inik, Baalib sânganut sêrᴋortulaungitunik.”

Rômiunut 11:5

Taimaktauᴋ naliutome tamattomane amiakoᴋarivoᴋ saimanermut (nâpkiningnermut) anerijaujunik.

Efêsusemiunut 1:4

Sorlo taipsomûna (Kristusikut) anerilaungmatigut, silaᴋsoaᴋ tunganilijauᴋârtinago, ivjornaiᴋovluta pidlaraksauᴋonatalo sângane naglingnerme.

Filippimiunut 4:3

Igvittauᴋ nertornartoᴋ ikajoᴋatiga, ᴋenuvigivagit, (arnâk) tâpkoa ikajorniakik, sorsugiaᴋatigilauᴋtâkka oᴋautsit tussarnertut pivlugit, Klemense assingillo piniaᴋatikka illagilugit, atteᴋartut aglaksimajunik aglangne ômanartune.

Kolossamiunut 3:12

Taimaimat, Gûdub anerimajangititut ivsornaitutitullo, naglingnartutitullo, atinialeritse ômamut nâpkigosungnermik, inôtsiarnermiglo, piojoringinermiglo, ᴋenuênermiglo, kamangitsertornermiglo;

Ebrêerinut 12:14

Ullapirsauteᴋarnermik ilûnainut pinasuaritse, ivsornainermiglo, tamattominga pinasuangitut Nâlegaᴋ takoniangimatsuk.

I Pêtrusib 2:9

Ilipsele inuᴋatigêngovose anerimajut, ajoᴋertuijut ataniviksôlutik inuit ivsornaitut, tâpsoma inuᴋotingit; ilipsingnik ᴋairᴋojijub piniarningit ajungitut oᴋautigilugit pijuksauvose, tâᴋtomit ᴋairᴋongmase ᴋaumanerminut tatamnartomut.

Takotitaunermik 13:8

Tuksiarvigivâllo nunaksoarmiut ilûnatik ateᴋartut aglaksimangitunik silaᴋsub pigiarninganit Saugârsûb toᴋotaujub aglangine ômanartune.

Takotitaunermik 17:8

Nergjut takojat ilauktok itsungnairpok, ama anijomârpok netteᴋangitoksoarmit, aijomârlunelo asserortauvingmut; nunablo inungit, ateᴋartut aglaksimangitunik aglangne ômanartune silaᴋsûb pigiarninganit, tataminiaromârput, nergjut ilauktok itsungnairtorlo takogunitsuk sulle ingmat.

Takotitaunermik 20:15

Neliat aglaksimanane aglangne ômanartune nagvârtaukpat, tâmna egitauvok ᴋôrᴋumut ikomaksoalingmut.

Takotitaunermik 21:27

Ipeᴋtojut neliat taᴋamunga piniatsangilak, maᴋojungnartulijorlo saglojorlônêt; Saugârsûble aglangine ômanartune aglaksimajut kissimik iterniarput.

Takotitaunermik 3:5

Sâlaᴋartok ᴋaᴋortanik annôrârtitauniarpok, atingalo pêrniangilara aglangnit ômanartunit, atingalo oᴋautigijomavara Atâtamnut Engelinginullo.