Jesaiase 4:2 - Labrador Inuttitut Heritage Bible

² Tamanna nalliutikpat, Nâlekab nuilertitanga ivlernautauvlunelo nertornautaujomârpoᴋ, nunablo (Kânaanib) perortunga annernautauvlunelo inerᴋonautaujomârpoᴋ Israêlitinut amiakôjunut.

Jesaiase 4:2 Iomraidhean Croise

Imgerut 67:6

Nuna perortuminik saᴋᴋêvok. Gûdib Gûdipta saimartilittigut.

Imgerut 72:16

ᴋaᴋᴋôjaksallo akkulaitôjomârput nuname, ᴋaᴋᴋet ᴋemerdluangine; perorkterningillo aulajomârput Libanonetut; nuilerlutiglo tungujoksileromârput iglugasaksoarnit, iviksukatitut nunamit sorlo.

Exodus 28:2

Aronemullo angajungnut annorâliortuksauvotit ivsornaitunik, opigijaurᴋovlugo ânanausijaurᴋovlugolo.

Jesaiase 11:4

Idluartomigle aklujut erᴋartoromârpait, ajulertullo nuname idluarsaromârpait. Kanermelo oᴋausinginut nunamiut sugiaromârpait ᴋanermelo anerninganut idluitullijoᴋ toᴋolugo.

Jesaiase 26:1

Taipsomane imgertoᴋaromârpoᴋ imgerusermik imaitomik Jûdab nunangane: Iglugasaksoaᴋarpogut aulajungnangitunik, avalungit sappûlutangillo piulijauviksauvut.

Jesaiase 27:6

Uvlune pijomârtune Jâko amâᴋaleromârpoᴋ Israêlelo perortuksaᴋalerlune siggileromârpoᴋ, nunaᴋsûb ᴋânga perortunik ullipkillugo.

Jesaiase 30:23

Tagva sillalungmik pititsijomârpoᴋ karngasûtinut karngasortarnut perorsêvingmut nerᴋiksaᴋartitsivlunelo perorsêviub perortunginik nekoᴋsinartunik ânanâniglo; taipsomane nergjuteᴋotitit nerrinasugomârput iviksukatalingme angidlartome.

Jesaiase 45:8

Kilait, kussileritse pângat, nuvujanillo idluarnermik ᴋorlortoᴋarle! Nuna aitarle, piulijaujutiksamik annititsivlune, idluarsartaujutiksamiglo nuilertitsivlune. Uvanga Nâlegaujunga tamanna pingortipara.

Jesaiase 53:2

Nuilerpoᴋ perorsiaksatut (Nâlekab) sângane, nutaijoᴋtotullo ivjomit pallermit. Takominartomik tautuᴋangimat, kamagingilavut; takorannertoᴋangimat, ᴋuviagingilavut.

Jesaiase 60:15

Kemaktaumagavit nachogijaularpillo, taimaktauᴋ pissuktoᴋarungnairmat illingne, tagva pinarnartitsomârpagit nâksaungitomut ᴋuvianartillutillo kinguvârêt kingordlinginut.

Jesaiase 60:21

Inuᴋotitit illũnatik idluartôjomârput, nunaᴋsoarlo kingormgutijomârpât issoᴋangitomut, perorsiangongmatta nangmineᴋ illijakka, aggangmalo sanangmagit nertornautiksamnut.

Jesaiase 61:11

Sôrlo nunab perorsiaksat perortingmagit, sôrlolo perorsêviub karngasortaumajut nuilertingmagit, taimaktauᴋ Nâlegaᴋ Gûde nuilertitsijomârpoᴋ idluarnermik nertornautiksamiglo nallojut illûnamatsiatik takkoanne.

Jeremia 23:5

Ahâk, uvlut naliutijomârput, oᴋarpoᴋ Nâlagaᴋ, tagva Dâvidemut makititsijomârama nutaijoᴋtomik idluartomik, tâmnalo nâlagauvlune ataniojomârpoᴋ silatudlartomik piniarlune, erᴋartuitsiaromârporlo idluarsaitsiarlunalo nuname.

Jeremia 33:15

Uvlune tâpkonane, naliutomelo tâpsomane, nuitatitsijomârpunga nutaijoᴋtomik idluartomik Dâvidemut; tâmnalo erᴋartuitsiaromârpoᴋ idluarsaitsiarlunalo nuname.

Jeremia 44:14

Judab amiakunginit nunamut Egiptenemut aisimajunit taikane nunaᴋaromavlutik, aulartoᴋarᴋonago, amiakoᴋarᴋonagolo Judab nunanganut utertuksauvlutik, kajungilâraloarpatta tâvunga uteromavlutik nunagijomangmilugo; utertoᴋarniatsangimat ᴋemâjut kissimik.

Jeremia 44:28

Saviksoarmullo pijaungitut uteromârput nunamit Egiptenemit Judab nunanganut ikitôvlutik; Judablo inungit ilûnatik aisimajut nunamut Egiptenemut taikane nunaᴋaromavlutik ᴋaujijomârput kia oᴋausinga tagvanêngmangât, uvangalônêt tâpkoalônêt.

Hesekiel 34:29

Nuilertitsijomârpungalo tâpkonunga perortomik nertortaujutiksamik, kângnartoᴋsoarmullo nuname nungutaujungnairomârput, nangmariaᴋarungnairomârpullo nelojut mitauteᴋarninginik kingorngane.

Hesekiel 36:8

Ilipsele, Israêlib ᴋaᴋᴋangit, nuititsijuksauvose akkerᴋupsingnik, tunitjijuksauvoselo paungapsingnik inuᴋotimnut Israêlikunut, neliutijaraklilermatta.

Hesekiel 7:16

Anigoijulle anigoilârput, ᴋaᴋᴋanêlârpulle sorlo naᴋsab tingmiangititut, ilûnatik ogguarlutik idluitulinermingne.

Joel 2:32

Imaitsomârporlo, neliaᴋ Nâlekab attinganut ᴋiagarsuktoᴋ piulijaujomârpoᴋ: ᴋaᴋᴋame Zioneme Jerusalememelo piulijauviksaᴋaromârpoᴋ, sorlo Nâlegaᴋ oᴋarsimangmat, amiakôjunelo Nâlekab ᴋaiᴋojangine.

Joel 3:18

Uvlorme tâpsomane ᴋaᴋᴋaᴋsuit kusseromârput vainemik mamaktomik, ᴋaᴋᴋallo ᴋôᴋalârput imungmik, Jûdablo kôngit ilûnatik kôlârput imermik; puilajorlo anilârpoᴋ Nâlekab iglunganit, Sittimib naᴋsanga koverarlugo.

Obadia 1:17

ᴋaᴋᴋamele Zioneme ᴋemâsimajoᴋaromârpoᴋ, ivsornaijomârporlo tâmna; Jâkoblo ᴋitorngangita perᴋutigilârpait perᴋutigilauᴋtatik.

Saggaria 3:8

Nâlagit, Josua ajoᴋertuijersoangojotit, igvit ilatillo sângne iksivajut; angutaungmatta tâpkoa kigligiutjijut: tagva ahâk, kivgara akkerôjoᴋ tikiutitsomârpara.

Saggaria 6:12

Oᴋarvigiuglo imâk: Imâk oᴋarpok Nâlegak Zebaot: Ahâk, angut Nuitajomik atelik; nuitalârporlo iniminit igloliorlunelo Nâlekab katimaviksoanganik;

Saggaria 9:17

Ajunginingat angijôdlarmat, takoranidlarningit inerᴋonadlarput! Sanaugaksat nukappait nakojksijutigilârpait, vainiksallo iptingata niviarsiat nakoksitilârpait.

Mâlaki 3:17

Perᴋutigijomârpakkalo, oᴋarpoᴋ Nâlegaᴋ Zebaot, uvloᴋ adseungitoᴋ perᴋutiksaliorviga neliutikpat; nikagijomârpakkalo, sôrlo angutib ernine kivgartortine nikagingmago.

Mattêuse 24:22

Uvlullo taipkoa ikitlijauniangipatta, inuk atauserlônêt piulijaunajangilak; anerimajulle pivlugit uvlut taipkoa ikitlijaujomârput.

Lukase 21:36

Taimâk pivlugo pigâtsainaritse tuksiarluselo, ᴋemâjuksauᴋovluse tamakkoninga pijomârtunik ilûnainik, Inûblo Erningata sângane nangerungnarᴋovluse.

Johannese 1:14

Oᴋauserlo uviniolerpok, inôᴋatigilutalo, (ânanauningalo takolauᴋpavut, ernetuab Atâtamit pijub ânanauningatut) saimanelijartok, mikseᴋârnelijartorlo.

II Korintemiunut 4:6

Gûdele, ᴋaumajomik nuerᴋojijoᴋ tâᴋtomit, ômatiptingne ᴋaumarsaivoᴋ, uvaptigut nellonarungnaititauᴋovlugo illitarsineᴋ Gûdib pinnarnarninganik Jêsusib Kristûsib sângane.

II Pêtrusib 1:16

Uvagut oᴋarvigilaurapse Nâlegapta Jêsusib Kristûsib tikitsomârninganik pitsartuniliksoarmik, silatulungnerit oᴋâlagadlarnerit tukkeᴋangitut malilaungilavut; uvagulle nangmineᴋ ânanauninga takolauᴋpavut.