Jesaiase 39:3 - Labrador Inuttitut Heritage Bible

³ Tagva nallautaijub Jesaiasib attaneᴋ Hiskia tikkipâ oᴋautivlugolo: Kanoᴋ oᴋarᴋât angutit taipkoa, nakillo tikkipâtît? Hiskia oᴋarpoᴋ: Nunamit ungasiktomit tikkipânga, Bâbelemit.

Jesaiase 39:3 Iomraidhean Croise

II Samuel 12:1

Nalekablo Nathan tilliva Davidemut. Tapsomalo tikkigamiuk, oᴋautiva: Iglugasaksuit illangane anguteᴋalaukpok maggungnik, aipa akluilaukpok, aipa akluvok.

II Kronika 16:7

Nalliutome taipsomane Hananib takkojub Assa Judakut attanningat tikkipa, oᴋautilâlo: Siriamiut attanningat sungertutigilaurangne, Nalegarlo Gudit tattigilaunginangne; tamanna pivlugo Siriamiut attanningata sorsuktuksaᴋotingit aggakpit ᴋemâjivait.

II Kronika 19:2

Jehublo Hananib erningata takkojub pachreartorpa, oᴋautilâlo attannek Josafate: Igvit Gudeᴋangitok ikajoraksariviuk, nagligilugillo Nalekamik omisuktut? Tamannalo pivlugo Nalekab ningausingata ᴋollangiarpâtit.

II Kronika 25:15

Tagva Nalekab ningarningata Amazia illungertutigiva, nallautaijullo illangat tilliva tapsomunga, oᴋautilalo: Sôg innugasaksuit Gudingoangit ᴋennerpigit, innuᴋotimingnik piuliklerungnarlaungitut aggangnit?

Jesaiase 38:1

Nalliutome taipsomane Hiskia ᴋanimasermut tokonartomut tikkitauvoᴋ. Nallautaijublo Jesaiasib Amosib erningata tikkipâ oᴋautilâllo: Imâk Nâlegaᴋ oᴋarpoᴋ: Igloᴋotit oppalungaijaruk, toᴋoniaravit inôjungnairniarlutillo.

Jesaiase 38:5

Hiskiamut oᴋariartorit: Imâk oᴋarpoᴋ Nâlegaᴋ, atâtagilauᴋtavit Dâvidib Gûdinga: Tuksiarnit tussarpara, ᴋugvitillo takovakka. Ahâk, inôserilauᴋtarnut illautitsijomavunga jârinik 15 nik sulle.

Jesaiase 39:4

Oᴋarporlo: Sumik takovât iglungne? Hiskialo oᴋarpoᴋ: Iglumnẽtut tamaita takovait, perᴋutetaliᴋotimnelo pitaᴋangilaᴋ sunamik takojautingitamnik taipkonunga.

Jeremia 4:16

Inôᴋatigêksuit unipkautisigik; oᴋâladlaritse Jerusalemut, kamajut maungalermatta nunamit ungasiktomit nippitik tusartautitsomavlugit Judab iglugasaksoanginut.

Jeremia 5:15

Ahâk, Ilipse Israêlib ᴋitorngangit, ilipsingnut tikiutjijomavunga inôᴋatigêksoarnik ungasidlartomit, inôᴋatigêksoarnik sôngojoᴋsoarnik, inôᴋatigêksoarnik itsarsoarnit inôᴋatigêngolauᴋtunik, inôᴋatigêksoarnik oᴋauseᴋartunik ᴋaujimangitarnik, tukkisijungnangitarniglônêt ᴋanoᴋ oᴋarmangâta.

Jeremia 8:19

Ahâk, inuᴋotima paningata ᴋaigarsungningata nippinganik nunamit ungasiktomêtomit: Nâlagaᴋ Zionemêlungilâᴋ? Ataninga tâpsomanêngilâᴋ? Suna pivlugo ningaumajârtilauᴋângâ adsingoaliorlutik suksaungitunik takorngartaniglo?

Deuteronomy 28:49

Nâlekab inôᴋatigêksuit tikiutilârpait ilingnut ungasidlartomit, nunab issuanit, sorlo nektoralik tingimat; inôᴋatigêksuit nelojarnik oᴋauselit;

Josua 9:6

Aivullo Josuamut tangmarvingmut Gilgalemut, oᴋarlutiglo tapsomunga Israelitinullo illunainut: Kaivogut nunnanit ᴋanningitunnit, tagva manna angerᴋattigêngnermik pileritse uvaptingnut.

Josua 9:9

Tapkoa oᴋarput: Kivgattit nunnanit ᴋanningitoksoarnit tikkiput Nalekab Gudivit attinga pivlugo; tussaumajauninga tussarlauraptigo, tamaitalo pinniarnerilauktangit Egipteneme.