Jesaiase 26:4 - Labrador Inuttitut Heritage Bible

⁴ Nâlegaᴋ tattigisiuk soraijuidluse, Gûde Nâlegaᴋ ᴋairtôngmat aulangitoᴋ issoᴋangitomut.

Jesaiase 26:4 Iomraidhean Croise

II Kronika 20:20

Uvlarârsukullo parngnailerput, aularlutiglo Tekoab sunaᴋajuitunganut. Aulartillugillo Josafate nangerpok oᴋarlunelo: Naleksinga Judamiôjose Jerusalemiôjoselo: Nalegak Gudise okperisiuk, tagva ussornarniarpose; nallautaijoᴋotingillo okperisigik, tagva sullidlarniarpose.

II Kronika 32:8

Talliub uviniôjub tamna aipariva, uvagulle Nalekab Gudipta illagivâtigut, ikajorluta, aulalugolo sorsungnivut. Innugasaksuillo Hiskiab Judakut attanningata oᴋausingit tattigivait.

Hiobe 9:19

Sôngonermik oᴋauseᴋaruma, tagva sôngoluarpok; idluarnermiglo, kina idluarsaijôjomava uvamnut?

Imgerut 125:1

Nalekamik tatteᴋartut aulaniangilat, îtsainaromârpullo issoᴋangitomut, Zionib ᴋakᴋangatut.

Imgerut 18:2

Nâlegak ᴋairtorijara, serngnigijiksaᴋautigijaralo, piulijigalo; Gûdiga torᴋorviksaᴋautigijara tattigijara, sappulutaksarijara, piulijauviksamalo sakkunga, sapputsijigalo.

Imgerut 46:1

Gude sungertutigivavut, pitsartutigilugolo; tukkisijaudlarpok ikajorteôngmat ᴋannoêtune.

Imgerut 55:22

Tussunitit pitikit Nâlekamut, tâpsoma pattangaitiniarpâtit, idluartorlo inilangajuinermêtsainarᴋoniangilâ soraijuitomik.

Imgerut 62:11

Gûde oᴋauseᴋalaukpok tussaᴋattartamnik: Gûdib pitsartunek pigingmago.

Imgerut 62:8

Inôjose tattigitsainarsiuk sorairase; ômattise nâvissigik sânganut; Gûde tattigivavut, Sêla.

Imgerut 62:9

Innuille ᴋittorngangit sunaungimarikput; Inuit pijariaᴋortojut saglopakputtauk; kiktitautingne oᴋinersauvut sunaungitomit unnuktôgalloarlutik.

Imgerut 66:7

Attanniôtivok pitsartunerminut issoᴋangitomut, ijikita innuᴋattigêksuit takkonârpait. ᴋemaijut tâpsominga angijorortitsungnarniangilat, Sêla.

Imgerut 93:1

Nalegak attaniôvok, ânanaunelijarlunelo pinarnadlartomik, Nâlegak ânanaunelijarpok, tapseruseruteᴋarporlo pitsartunermik; tamanna pivlugo nunaksoak pallangilak aularanelo.

Jesaiase 12:2

Ahâk Gûde piulijigijara! Tattiksaᴋarpunga sivoranangalo, Gûde Nâlegaᴋ pitsartutigigapko imgerutigivlugolo; tâmna piulijigivara.

Jesaiase 17:10

Gûde piulijiksarijat puigorangne, ᴋairtorlo sapudjauviksarijat erᴋaumanginangne, perorsêvingnik allianartunik sanavotit, illijivigivlugit takkorngartat karngasûtinginik.

Jesaiase 30:29

Tagva imgeromârpose, sôrlo uvloᴋsiorviub unnuangane, õmamullo ᴋuviasugomârpose sôrlo nipjausijartut ailerpatta Nâlekab ᴋaᴋᴋanganut, Israêlib piulijauviksanganut.

Jesaiase 32:2

Angutit attunit illingajomârput sôrlo oᴋᴋoalineᴋ aᴋᴋunaᴋsoame, sôrlo sillaluilitaᴋ, sôrlo kôgvik imermik nuname ermgitome, sôrlo ᴋairtoᴋsûb tachalininga nuname pannertome.

Jesaiase 44:8

Sivoraniarase erᴋsiniaraselo! Sivorngane tamattominga ᴋaujitilungilapsê tussartilluselo? Illipse kigligiudsijôvose. Assimnik Gûdeᴋarᴋâ? Kairtoᴋangilaᴋ, assimnik ᴋaujilungitunga.

Jesaiase 45:17

Israêlele piulijaujomârpoᴋ Nâlekamut, piulijauviksaᴋartitauvlune issoᴋarniangitomik. Kangusuktitauniatsangilase mittautauniatsanaselo nâksaungitomut aglât.

Jesaiase 45:24

Oᴋartuksauvullo pivlunga: Nâlekame kissiane idluarsainermik pitsartunermiglo pitaᴋarpoᴋ. Tâpsomungalo tikkitsomârput, illũnatiglo tâpsominga ômisuktut kangusuktitaksauvut.

Jesaiase 50:10

Kia akkunapsingne Nâlegaᴋ sivoragivaûk, kivgangata nippinga nâleklugo? Tâᴋsoakut arvertartub ᴋaumaksartaungitublo Nâlekab attinga nerriugiliuk, Gûdinelo tattigiliuk!

Jesaiase 51:5

Idluarsaiviksara ᴋannidlarpoᴋ, piuliklerviksaralo saᴋᴋijâlerpoᴋ, tallîngmalo nunaᴋatigêksuit erᴋartoromârpait. Kikkertarmiut nerriugivânga talleralo utaᴋᴋivât.

Jesaiase 63:1

Kina una Edomemit aggertoᴋ, aupaluktanik annorâlik, Bosramit pijoᴋ? una pinarnartoᴋsoarnik annorâlik, arvertartoᴋ ajugaᴋangitôjotut? Uvangauvunga idluarnermik oᴋâlajunga piuliklerungnartotôvlungalo.

Daniel 3:17

Taimaigiaᴋarpat, Gudivut kivgartortavut sapilungilaᴋ piuliluta kiaksautiâlungmit ikomaliksoarmit; piulijomavâtigullo aggangnit, ataniᴋ.

Daniel 3:28

Nebukadnezarilo niplipoᴋ oᴋarlunilo: Nakorijauli Sâdrakib, Mîsakiblo, Abednigoblo Gûdingat, ingiliminik tiliklitoᴋ piulilugillo kivgani tatigijini tapajullo ataniub piᴋojanganik, timimingniglo tunitjijomangitut Gûdimik assia kivgartoromavlugo opigijomavlugolo.

Mattêuse 28:18

Jêsusible tikipait oᴋautivlugit oᴋarlunalo: Tunitjiviovunga pitsartunernik tamainik ᴋilangmelo nunamelo.

Mattêuse 6:13

Oktortaulungnermut pitinata. Piulitigulle ajortomit. Nâlegaunek, pitsartunerlo, ânanaunerlo pigigangne issoᴋangitomut. Amen.

Deuteronomy 32:15

Israêlele ᴋoinivok, tukarniklunelo; ᴋoinivotit, siliksivotit, uvineᴋadlarpotit; Gûdelo pingortitine ᴋemakpâ, ᴋairtorlo piulijauviksane naggogivâ.

Deuteronomy 32:4

Kairtôvok, suliangit ᴋaᴋiarnangimarikput; apᴋotingit ilûnatik idluartôvut; Gûdeovok nelâgôrtok idluineᴋatsangitorlo, idluartôvok nertornarlunelo.

Deuteronomy 33:27

Gûde issoᴋangitok inigivat, tallillo itsainartut atingnêput; ômisukte pingujarpâ sivunernit, oᴋarporlo: Asseroigit.

Filippimiunut 4:13

Tamainik pijungnarpunga Kristuseme pitsartutitsijimne.

I Samuel 2:2

Ivsornaitoᴋangilak Nalekab assianik; illingnit asseᴋangilak; sapputsauviksaᴋalungilarlo Gudipta assianik.