Jesaiase 26:3 - Labrador Inuttitut Heritage Bible

³ Omat aulajungnangertoᴋ ullapirsauteᴋartipat aulangitomik, tattigingmattit.

Jesaiase 26:3 Iomraidhean Croise

I Kronika 5:20

Ikajortaulaukpullo tapkoa akkerartorungnarlugit, Hagariterillo ilagijangillo ilûnnaita tunnijauvut agganginut. Gûdemut nipliarmatta sorsungnerme; tapsomalo tussarpait, tattigingmatsuk.

II Kronika 13:18

Taimak Israelib ᴋittorngangit mannigotititaulaukput taipsomane; Judable ᴋittorngangit maksoalerput, Nalegak atâtagijamik Gudingat tattigigamitsuk.

II Kronika 16:8

Aethiopiamiut, Libienemiullo unnuktovaksolaungilat, ᴋammuteᴋarlutik ablangajoᴋarlutiglo horsit ᴋângine unnuktunik? Sullelo Nalekab tunnilaukpait aggangnut sungertutigilaurangne.

Imgerut 119:165

Angijomik ullapirsauteᴋarput malligaksauᴋojarnik ivlersijut, koitarniangilallo.

Imgerut 125:1

Nalekamik tatteᴋartut aulaniangilat, îtsainaromârpullo issoᴋangitomut, Zionib ᴋakᴋangatut.

Imgerut 9:10

Taimaimât tattigivâtit atternik illitarksijut; igvit ᴋemalunginangne illingnik Nâlegak ᴋennertut.

Jesaiase 12:2

Ahâk Gûde piulijigijara! Tattiksaᴋarpunga sivoranangalo, Gûde Nâlegaᴋ pitsartutigigapko imgerutigivlugolo; tâmna piulijigivara.

Jesaiase 26:12

Uvaptingnulle ullapirsaumik pititsijomârpotit, Nâlegaᴋ, sullijavullõnêt tamaita tunigangne uvaptingnut.

Jesaiase 27:5

Sapputjauviginasualingalõnêt, ullapirsauteᴋaᴋatigivlungalo, illa ullapirsauteᴋaᴋatigivlunga!

Jesaiase 31:1

Kappianarmek attâlertut Egiptenemut ikajortaujomamut, horsit tattigivlugit, ᴋammutillo sungertûtigivlugit, unudlarmatta, sorsuktuksallo horselijartut, pitsartudlarmatta; ivlernartitorle Israêlikkune ârlorvigingilât Nâlegarlo apperᴋutiginago.

Jesaiase 32:17

Idluarnerublo sullijanga tagva ullapirsaut, idluarnerublo saᴋᴋertitanga tagva merngoerserviksaᴋ terlingnartoᴋ, soraingitoᴋ.

Jesaiase 32:18

Inuᴋotikkalo iglune ullapirsautelingne inneᴋaromârput, iglune terlingnartune merngoerservingnelo nangianalungitune.

Jesaiase 42:19

Kina kivgaptut tautungitôvâ? Kinalo tussilartôvâ tillijaptut airᴋojaptut? Kina Nâlekab illannârijangatut tautungitôvâ? kinalo kivgangatut tautungitôvâ?

Jesaiase 42:6

Uvanga Nâlegaujunga ᴋairᴋovagit, idluartomik illiorlunga, aggatit tiguvakka, sapputivagit, angerutigijaujotut illingatipagit inungnut, ᴋaumaksaijuksatut nallojunut.

Jesaiase 48:2

Iglugasaksuit ivsornaitut inunginik taivut, Israêlib Gûdinganik tatteᴋarput; ᴋilangmiugasaksuit Nâlegangat tagva attinga.

Jesaiase 49:8

Nâlegaᴋ oᴋarpoᴋ imâk: Tussarpagit nalliutome saimarsaivingme ikajorlutillo uvlorme piulijauvingme; serngnigijomavlutillo angerutigijaujotut illingatipagit inuit akkornganne, nunamik idluarsairᴋovlutit, kingormgutijaksaniglo asserortaumajunik aitortuilerᴋovlutit.

Jesaiase 50:1

Imak oᴋarpoᴋ Nâlegaᴋ: Aglait avititsijutiksat, anânapsingnik aularᴋojijut uvamnit naûk? Ubvalo kina akkiliksaᴋarvigigapko, akkiliutigivapsê tâpsomunga? Ahâk, idluitullinise pivlugit niorvgutigijauvose, anânaselo aularutjauvoᴋ tappatonise pivlugit.

Jesaiase 50:10

Kia akkunapsingne Nâlegaᴋ sivoragivaûk, kivgangata nippinga nâleklugo? Tâᴋsoakut arvertartub ᴋaumaksartaungitublo Nâlekab attinga nerriugiliuk, Gûdinelo tattigiliuk!

Jesaiase 66:12

Nâlegaᴋ imâk oᴋarmat: Ahâk, ullapirsaut sangutipara illingnut kôksoatut, nallojullo perᴋutevaksoangit kôktut kutjertotut. Tagva milluksijomârpose kivgumiartaujomârluselo tillaijartaujomârluselo, sêrᴋungine iksivavluse.

Jeremia 39:18

Anigoititsomârapkit, toᴋotaujomângilatillo saviksoarmut, inôsille aᴋsârnigaujotut pigilârpat; tatigilauramga, oᴋarpoᴋ Nâlagaᴋ.

Daniel 3:17

Taimaigiaᴋarpat, Gudivut kivgartortavut sapilungilaᴋ piuliluta kiaksautiâlungmit ikomaliksoarmit; piulijomavâtigullo aggangnit, ataniᴋ.

Daniel 3:28

Nebukadnezarilo niplipoᴋ oᴋarlunilo: Nakorijauli Sâdrakib, Mîsakiblo, Abednigoblo Gûdingat, ingiliminik tiliklitoᴋ piulilugillo kivgani tatigijini tapajullo ataniub piᴋojanganik, timimingniglo tunitjijomangitut Gûdimik assia kivgartoromavlugo opigijomavlugolo.

Daniel 6:23

Tagva ataniᴋ angijomik ᴋuviasudlarpoᴋ, Danielilo ᴋaitauᴋovâ itersâlungmit. Taimaimat Danieli ᴋaᴋipât itisâlungmit, ᴋanoitomiglo sumiglônêt malungnartoᴋangilaᴋ tâpsomani, Gudini tatigingmago.

Migga 5:5

Tâmnalo ulapirᴋsautigilârpavut; Assiriamioᴋ tikipat nunaptingnut, iglutsiavullo tullerarpagit, makitilârpavut mianersijut 7it angutillo erᴋanartut 8it tâpsomunga.

Johannese 14:27

Ulapirsaumik ᴋemaivigivapse, ulapirsautimnik tunitjivigivapse. Tunitjivigingilapse silaksoarmiut tunijiningititut. Omatise ᴋoaksârniaratik erᴋsiniaratiglo!

Johannese 16:33

Tamattominga oᴋautilaukpapse, ulapirsauteᴋarᴋovluse uvamne. Silaksoarme kappiasungneᴋarpose; manigoritsele, silaksoak sâlagivara.

Rômiunut 5:1

Tagva okpernermut idluarsititaugapta, Gûdemut ulapirsauteᴋarpogut Nâlegaptigut Jêsuse Kristusikut.

Filippimiunut 4:7

Ullapirsautiblo Gûdemit pijub, issumasiniarutiksanit tamainit anginerpângojub ômatiselo erᴋarsautiselo pairiligit Kristuse Jêsuseme.