Jesaiase 26:2 - Labrador Inuttitut Heritage Bible

² Upkuaᴋsuit angmarsigik, nunaᴋatigêt idluarsijut, nallâgôrnermik ivlersijut itterungnarᴋovlugit.

Jesaiase 26:2 Iomraidhean Croise

Imgerut 106:5

Takkojungnarᴋovlunga annerimajavît illingatsiarninginik, innuᴋotivillo ᴋuviasungninganik, ᴋuviasuteᴋarᴋovlunga, nertortitsungnarlungalo kingormgutijattit illagallugit.

Imgerut 118:19

Idluarnerub upᴋoaksoangit upkoêsigik uvamnut, tagvunga itterᴋovlunga, Nâlegarlo ᴋujagilugo perᴋovlunga.

Imgerut 118:20

Tagva Nâlekab upᴋoaksoango; idluartut tagvunga itteromârput.

Imgerut 24:7

Upkoaksuit nerrotosigik, upkoello sillaksoarme pôktosisigik, attannek nâlengnartok itterᴋovlugo!

Exodus 19:6

Atanioviojuksaulârpose ajoᴋertuijut uvamnut, inôᴋatigêllo ivsornaitut. Tamadja oᴋautsit oᴋauserijaksarijatit Israêlikunut.

Jesaiase 45:25

Nâlekamut Israêlib kinguvângit illũnatik idluarsititaujomârput, tâmnalo nertôtigijomârpât.

Jesaiase 54:14

Idluarsainipkut tungavilertaujomârpotit. Issumajârungnairit sâlagijaugiamik, sivorajariaᴋaromânginavit, ᴋoaᴋsârnartomiglõnêt, tamattomunga tikkitaujomâtsanginavit.

Jesaiase 54:17

Sakkut illũnatik, sorsugvigijomavlutit senajaujut, sullijomângilat, oᴋallo ilũnaita erᴋartoromavlutit pilertut igvit erᴋartoromârpattit. Tamadja Nâlekab kivgangita kingormgutijaksangat idluarᴋutiksangallo uvamnit pijoᴋ, oᴋarpoᴋ Nâlegaᴋ.

Jesaiase 58:8

(Taimailioruvit), ᴋaumartiksat allakkaromârpoᴋ ᴋaub aupalungningatut, ikkillo mammisaraitsomârpoᴋ, idluarnit sivunikkut ingergajomârpoᴋ, Nâlekablo nertornartoᴋsôninga kingunikkut malligomârpoᴋ.

Jesaiase 60:11

Upkoaᴋsoaᴋotitillo angmatsainaromârput, uvlôtillugolõnêt unnuangotillugolõnêt pallangairtaujomâtsangilat, nallojut perᴋutingit âtaurᴋovlugit illingnut, attanersoangillo tamaungartitaurᴋovlugit,

Jesaiase 60:18

Idluiluktomik tussaumajoᴋaromângilaᴋ nunangne, pijaksaungitomiglõnêt asserornartomiglõnêt nunavit erᴋâne. Avaluᴋsoaᴋotitit atseraromârpattit piulijaunartunik upkoaᴋsoaᴋotitillo nertornartunik.

Jesaiase 60:21

Inuᴋotitit illũnatik idluartôjomârput, nunaᴋsoarlo kingormgutijomârpât issoᴋangitomut, perorsiangongmatta nangmineᴋ illijakka, aggangmalo sanangmagit nertornautiksamnut.

Jesaiase 61:3

Kiksartunut Zione pivlugo illijerᴋovlunga niaᴋôtemik, argjat pêrᴋârlugit, orᴋsumik ᴋuviasûtiksamik, kiksarneᴋ pêrᴋârlugo, annorânik nertordlerutiksanik, anerneᴋ sannikterijoᴋ pêrᴋârlugo. Taijaujomârpullo napârtunik idluarnerub pinginik, Nâlekab perorsianginik nertortaujutigijanginik.

Jesaiase 62:1

Zione pitjutigivlugo nippangeromangilanga, Jerusaleme pitjutigivlugo ᴋikkaromangilanga, idluarsijutiksanga nuilerᴋârtinago ᴋaumanartoᴋsôjotut, piulijauviksangalo naneroatut ikkijotut.

Jesaiase 62:10

Annititse, annititse upkoaᴋsoatigut, inuit apᴋutiksanginik âᴋiksoileritse; maniksaileritse, maniksaileritse apᴋosinersoarmik, ujarait pêrniarsigik, inugasaᴋsoarnut saimasileritse kattilerutiksamik.

Jesaiase 62:2

Nallojullo idluarsinernik takojomârput attanersuillo illũnatik ânanaunermik; attermiglo nutâmik taijaujomârpotit, Nâlekab ᴋaningata taijomârtanganik.

Saggaria 8:20

Imâk oᴋarpok Nâlegak Zebaot: Sulle tikidlalârput inôᴋatigêt inugasaksuillo unuktut inungit;

Apostelit Piniarningit 2:47

Nerrivullo, Gûdelo nartorpât ᴋuviasuklutik isumalingasuituniglo ômateᴋarlutik, inungnullo ilûnainut ivlerijauvut. Nâlegarle piloriktitaulertunik uvlut tamaita ilautitsivok okpertunut.

I Pêtrusib 2:9

Ilipsele inuᴋatigêngovose anerimajut, ajoᴋertuijut ataniviksôlutik inuit ivsornaitut, tâpsoma inuᴋotingit; ilipsingnik ᴋairᴋojijub piniarningit ajungitut oᴋautigilugit pijuksauvose, tâᴋtomit ᴋairᴋongmase ᴋaumanerminut tatamnartomut.

II Pêtrusib 3:13

Oᴋausingale pitjutigivlugo nerriukpogut ᴋilangmik nutâmik, nunamiglo nutâmik, idluarnerub iniksanganik.

Jûdasib 1:3

Erdlingnartose, aglagvigigapse piulijauᴋatigêngniptingnik, pijariaᴋarasugivara aglangnut makkonunga kaiblarluse, okperneᴋ ivjornaitunut pititaumajoᴋ serngnigivlugo perᴋovluse.

Takotitaunermik 21:24

Nelojullo piulijauniartut arvertarniarput tâmna ᴋaumautigilugo; nunablo ataningita ânanaunitik tagvunga pitiniarpait.

Takotitaunermik 5:9

Imgerumiglo nutâmik imgerput oᴋâlavlutiglo: Igvit nelopᴋotingivitôvotit aglait tigulugit, naᴋitjutingillo angmarlugit; igvit toᴋotaugavit, aungnullo pisiarilauraptigut, Gûdemut perᴋutiksautiluta, sunatuinarnit kinguvârênit, oᴋauselingnillo, inugasaksoarnillo, nelojunillo;