Jesaiase 26:1 - Labrador Inuttitut Heritage Bible

¹ Taipsomane imgertoᴋaromârpoᴋ imgerusermik imaitomik Jûdab nunangane: Iglugasaksoaᴋarpogut aulajungnangitunik, avalungit sappûlutangillo piulijauviksauvut.

Jesaiase 26:1 Iomraidhean Croise

Esra 3:11

Imgerpullo Nalegak nertorlugo ᴋujagilugolo, pitsiarmat, napkoarningalo sorainiangmat Israelemut. Innugasaksuillo illunatik nipliadlarput Nalegak nertorlugo Nalekab iglungata tungavia illijaumangmat.

Imgerut 31:21

Nâlegak nertortaule pitsiarnine tattamnartok saᴋᴋertilaungmago uvamnut iglugasaksoarne sôngojunne.

Imgerut 48:12

Zione illumagissiuk, ᴋaivalerlugolo, nuvogusingit kittissigik;

Imgerut 48:4

Ahâgle attanît kattimalaukput illagêklutiglo (nuna) ulligarpât.

Jesaiase 12:1

Taipsomane oᴋaromârpotit imâk: Nâlegaᴋ, ᴋujagivagit, ningaumavigigamga ningaumnajârnillo sorairmat manigoramgalo.

Jesaiase 14:31

Itertarvik, avâladlarit! iglugasaksuit, nipliadlaritse! Filisterit nunangat illũnane kakkilârpoᴋ, avangat iserluᴋarmat, ingmikkôrtoᴋalungilarlo kattimgajoᴋsoaᴋotingine.

Jesaiase 2:11

Inuit piojorijutitut tautusôngojut kattalungatitaujomârput, inuillo pimmariutertut suksaujungnairtitaujomârput, Nâlegarlo kissime angijôjomârpoᴋ nalliutome taipsomane.

Jesaiase 2:20

Tamannale pilerpat, inuit Gûdingoaᴋotitik silbereojut goldeojullo, sannajatik tuksiarviorᴋovlugit, egitsomârpait terrianiangajunut inalukanullo,

Jesaiase 25:9

Taipsomane oᴋartoᴋaromârpoᴋ: Ahâk, tâmna Gûdigivavut, tâmna nerriugivavut, tâpsomalo piulivâtigut; tamnauvoᴋ Nâlegaᴋ nerriugijavut; kuviasukluta iggiaᴋomijarta piuliklerninga pivlugo!

Jesaiase 31:5

Kilangmiugasaksuillo Nâlegangata Jerusaleme sapputijomârpa, sôrlo tingmitjat piniarmatta esaromingnut, sapputjivlune piuliklerlunelo nikkasuklunelo ikajorlunelo.

Jesaiase 31:9

Kairtorijangalo (attaninga) erᴋsinermut aulajomârpoᴋ, angajoᴋângitalo ᴋemâjutigijomarpât saimat, oᴋarpoᴋ Nâlegaᴋ, ikkomaᴋartoᴋ Zioneme, igaveᴋartoᴋ Jerusaleme.

Jesaiase 33:5

Nâlegaᴋ ᴋotsikpoᴋ, ᴋotsiktome inneᴋartoᴋ. Zione pitatserpâ erᴋartuitsiarnermik idluarnermiglo.

Jesaiase 33:6

Uvluksatillo terlingnaromârput, piulijaujutiksat, illisimanartullo, illitarsijutiksallo amigaromângimatta; nâlengneᴋ Nâlekamik pituarijomârpâ.

Jesaiase 4:2

Tamanna nalliutikpat, Nâlekab nuilertitanga ivlernautauvlunelo nertornautaujomârpoᴋ, nunablo (Kânaanib) perortunga annernautauvlunelo inerᴋonautaujomârpoᴋ Israêlitinut amiakôjunut.

Jesaiase 5:1

Imgerut mãna attorlago illannâra pivlugo, illannâma imgerutinga perorsêvinga vaineliksatalik pivlugo! Illannâra perorsêviᴋarpoᴋ vaineliksatalingmik ᴋaᴋᴋame ivjoriktome.

Jesaiase 56:5

Tâpkoa iglumne avaluᴋotimalo illuanne tunidsivigijomârpakka erᴋaumajauviksamik attermiglo ernernit paningnillo ajunginerôjomik; attermik issoᴋangitomut illingajuksamik tunidsivigijomârpakka nungutaksaungitomik.

Jesaiase 60:18

Idluiluktomik tussaumajoᴋaromângilaᴋ nunangne, pijaksaungitomiglõnêt asserornartomiglõnêt nunavit erᴋâne. Avaluᴋsoaᴋotitit atseraromârpattit piulijaunartunik upkoaᴋsoaᴋotitillo nertornartunik.

Jesaiase 62:10

Annititse, annititse upkoaᴋsoatigut, inuit apᴋutiksanginik âᴋiksoileritse; maniksaileritse, maniksaileritse apᴋosinersoarmik, ujarait pêrniarsigik, inugasaᴋsoarnut saimasileritse kattilerutiksamik.

Jesaiase 62:11

Ahâk, Nâlegaᴋ tussaksautipoᴋ sillaᴋsûb issuanut: Zionib pannia oᴋautijartorsiuk: Ahâk, piulijiksat ᴋaivoᴋ! Ahâk, akkiliutiksaminik najorteᴋarpoᴋ, akkijutingalo sânganẽpoᴋ.

Jeremia 33:11

Kuviasuktut nippinginik, aliasuktullo nippinginik, nulianiktûb nippinganik, uiniktûblo nippinganik, ipkoalo nippinginik oᴋartut: Nâlagaᴋ Zebaot ᴋujagisiuk, Nâlagaᴋ ajungitôngmat, nâpkiningningalo soraijuitôngmat; ipkoalo tunergutinik ᴋujalitiksanik Nâlakab iglunganut âtsijut nippinginik. Nunab aularutijaujungit utertitsomârapkit sorlo pigiarnerme, oᴋarpoᴋ Nâlagaᴋ.

Hesekiel 40:5

Ahâglo, ᴋarmaᴋsoaᴋarpoᴋ iglub silatâne avatâne ilûnâne; angullo suvlolingmik ôktutemik tigumiartoᴋ aggangminut talertut pingasojortotut takitigijomik, taleᴋ agait silingninganik tappeᴋarpoᴋ; ᴋarmangatalo ibjuninga ôktorpâ, suvlulik atausiardlugo; poᴋtoningalo, suvlolik atausiardlugo.

Saggaria 2:5

Uvanga, oᴋarpok Nâlegak, ᴋarmaksoangojomârama ikomalik tâpsoma avatâne, ânanausijutaujomâramalo tâpsoma iluane.

Saggaria 2:9

Tagva, ahâk, aggakka aulatitsomârpakka tâpkoa ᴋolâtigut, aᴋsârnigaujomârpullo kivgartolauktunut tâpkoninga; ᴋaujijuksauvoselo Nâlekab Zebaotib tilingmanga.

Numbers 21:17

Tagva Israêlikut imgerut tamanna imgerutigivât: Kagvarit imeᴋtarvik; imgerutigisiuk;

Mattêuse 16:18

Oᴋaupagillotauk: Pêtruseovotit, ᴋairtomullo mattomunga illagêktoᴋotikka tungatitsomavakka, taᴋtoksûblo pitsartuningata sâlaginiangilait.