Jesaiase 22:2 - Labrador Inuttitut Heritage Bible

² Pervaluktoliksôjose, uimajârtunik iglugasaksoarmioᴋartose, serrijunik iglugasaksoarmioᴋartose! Toᴋotaumajut illipsingne saviksoamut toᴋotaungilat, unatadlarnikkullo toᴋolungilat.

Jesaiase 22:2 Iomraidhean Croise

Jesaiase 10:4

Imâtuinaᴋ illiorungnaromârput: parngnanairsortaujut akkornganne okkungavlutik, toᴋotaujut akkorngannut kattaklutik. Tamakkoale tamaita Nâlekab ningausingata sorairutigingilait, aggangillo issamivut sulle.

Jesaiase 23:7

Taimailingajuksauvisê, ᴋuviasukpaktose (iglugasaksuit)? Tunganilijaumavut itsaᴋsoarme, ittigangita aulartipait ungasiktomut, takkorngartautillugit.

Jesaiase 32:13

Inuᴋotima perorsêvinganne ukpiganik perornerdluktuniglo kakkilautilingnik perortoᴋaromârpoᴋ, taimaktauᴋ iglut allianartut ᴋângine, iglugasaksoarne allianartolingne.

Jesaiase 32:14

Iglut ânanaujut ᴋemadlartaujomârput, iglugasaksuit inuliksuit inuᴋarungnairomârput, ᴋaᴋᴋârulaᴋ nuvugusersuillo ᴋairosuktut illingajomârput uvlut naggatiksangannut, siuterᴋortojut nujuartut ᴋuviasûtigijomârpait, nergjutillo kattimajut nerrinasugvigijomârpait,

Jesaiase 37:33

Tamanna pivlugo Nâlegaᴋ oᴋarpoᴋ imâk Assiriamiut attaningat pivlugo: Iglugasaksoarnut tamakkonunga tikkituksaungilaᴋ, ᴋargjorlo attauserlõnêt pittiksautijaksaringilâ illuannut, sappûlutaksamiglo tikkitoᴋartuksaungilaᴋ tagvunga, talluliortoᴋartuksaungilarlo avatâtigut.

Jesaiase 37:36

Tagva Nâlekab Engelinga aᴋᴋarpoᴋ, Assiriamiut tangmârvianne toᴋojartorlugit angutit 185,000 it. Uvlâkullo makkingmatta, ahâk, toᴋungajoᴋarpoᴋ illũnâne.

Jeremia 14:18

Aniguma perorsêviliarlunga, ahâk, saviksoarmut toᴋotaumajut takovakka! Iterumalo iglugasaksoarnut, ahâk, perlilertut kângmut takovakka! Tagva nalautaijut ajoᴋertuijullotauᴋ nûgiaᴋalârput nunamut ilitaringitamingnut.

Jeremia 38:2

Imâk oᴋarpoᴋ Nâlagaᴋ: Iglugasaksoane ukkunane paijoᴋ toᴋojuksauvoᴋ saviksoarmut, kângnartoᴋsoarmullo, nusilingnartomullo; Kaldêamiunulle ᴋemâjoᴋ inôlârpoᴋ, inôsinalo aᴋsârnigaujotut pigilârpâ, inôlârporlo.

Jeremia 52:6

Taᴋᴋit sittamangita uvlungita 9ingane kâksoaᴋ sugaludlarpoᴋ iglugasaksoarne, nerᴋiksaᴋangilarlo nunab inunginut.

Jeremiab Ogguarutigijangit 1:1

Sinaungamek! Iglugasaksuit inuᴋatsialauktut inuêrutingmatta! Uigarnertut iput! Angijôdlalauktut inôᴋatigêksuit akorngane, ataniublo paningatut ilingalauktut nunaᴋutaujut akorngane, akkilêjariaᴋartungorput!

Jeremiab Ogguarutigijangit 2:20

Takosalaurit, Nâlegak, ulernairsilutillo kina taimailiorvigimangângne! Arnat erniarijatik nerrijaksarivagît, nutarârsuit ᴋiggertagalâktitaujut aggangnût? Ajoᴋertuijok nelautaijorlo toᴋotaujuksauvât Nâlekab katimaviksoanganê?

Hesekiel 22:5

Kanitullo ungasiktullo ilipsingnit mitautigilârpâse, attekut ivsornartisimajose, pikablartuniglo tatadlartose.

Sefania 2:15

Tamadja iglugasaksuit ᴋuvianartoviolauᴋtut terliklutik ineᴋartut, ômatimingne oᴋartut: Uvangauvunga, uvaptullo itoᴋangilak: taimale sunaᴋangitungorpok, aᴋopiviksatuinauvok nergjutinut nujuartunut! Ilûnatik apᴋusârtut tâpkoninga kokoviarutigilarpait, aggatiglo pataktorlugit.