Biblia Todo Logo
Bìoball air-loidhne

- Sanasan -




Jesaiase 21:3 - Labrador Inuttitut Heritage Bible

3 Tamanna pivlugo okpatîkka ãnilakteradlarpuk, siornionermullo tikkitauvunga ernisuktotut, ãnialuarnermut tussarungnairpunga, ᴋoaᴋsâluarnermut takkonârungnairpunga.

Faic an caibideil Dèan lethbhreac




Jesaiase 21:3
17 Iomraidhean Croise  

Sajungnermut tikkitaulaukput tagvane, kappiasungnermullo ernisuktotut sorlo,


Koaᴋsâromârput, siorniornartomullo ãnianartomullo tikkitaujomârput, ernisuktotut kappiasugomârput, okkijiutigêgomârput, kênangillo ikkomatut aupallagomârput.


Omatiga nipliavoᴋ Moabe pivlugo; tagvangat ᴋemâjut Zoare tikkipât tuktuvaktut jareliktut pingasunik. Keavlutik Lukitib ᴋaᴋᴋanginut majorarput, apᴋosinermelo Horonaimut ogguarlutik ᴋuᴋudlarput.


Tamanna pivlugo õmatiga Harfetut nipliavoᴋ Moabe pivlugo, illugalo Kirrâresse pivlugo.


Tamanna pivlugo napârtoᴋ vaineliksaᴋ Sibmamẽtoᴋ ogguarutigijomavara, sôrlo Jaeserib ogguarutigingmago. Kugvimnut mitsuktitsomavaptik, Hesbone Elealelo; ᴋuᴋudlartut (sorsuktuksat) ittârmattik, kattersoiveᴋartillugo paunganik ᴋaᴋᴋôjaksaniglo.


Sôrlo singaijoᴋ, ernisukkune, kappiasulermat ãniadlarnermigullo nipliadlarmat, taimailingavogut kênavit sângane, Nâlegaᴋ.


Ergavikka, ergavikka! Omatiga âniadlarpoᴋ; ômatiga auladlarpoᴋ ilumne; inilangajungnangilanga, tusarsimagavit, tarnîk, tiptulautib nippinganik, unatarnerub kamasârininganik.


Keriot pijauvoᴋ, iglugasaksoangit sôngojut suingartauvut, Moabiblo pitsartujungita ômatingit ilingalârput naliutome tâpsomane arnab ernisuktûb ômatingatut.


Ahâk, paungaromârpoᴋ nektoraliktut tingilune, essarûgik issivilugik Bosra tikidlugo; uvlormelo tâpsomane Edomib pitsartujungita ômatingit ilingajomârput arnab ernisuktûb ômatingatut.


Babilonib ataningata tusaumavât unipkautauningat, aggangillo nukingêrutivut; kapiasungnerub erᴋisimiarpâ, ânianerublo sorlo arnatut ernisuktotut.


Unipkautauningat tusaraptigo aggavut nukkingêrutivut; kapiasudlarpogut âniavogullo sorlo arnatut ernisuktotut.


Tusarapko iluga aulavoᴋ, ᴋangasinâka sajukpûk nipe pivlugo; auneᴋ iterpoᴋ saunimnut, sajudlarpungalo inimne; merngoêrserviksarsilangatôᴋ uvlorme kapianartovingme, katingajoᴋsôvlutik opagiartortut majorarpatta inuit sorᴋsugomavlugit.


Arnak ernisukkune, kiksarneᴋarpok, stûndinga tikisimangmat; nutarârsugle erniarijarêruniuk, kappiasungnerilauktane isumagijungnairpâ, ᴋuviasungnek pivlugo, inuk silaksoarmut erniangongmat.


Uvlâkut oᴋaromârpotit: ᴋanoᴋtôk unnulerle! unnukullo oᴋaromârpotit: ᴋanoᴋtôk uvlângolerle! ômativit sivôraninga kapiasûtigijat pivlugo, ijikpîllo tautuᴋôrtangit takolârasugijangit pivlugit.


Oᴋaromârpatta: Terlingnatuinarpoᴋ, sivôranartoᴋangilaᴋ; asserornartub tagva tagvainaᴋ tikidlaromârpait, sôrlo ânianartûb arnaᴋ ernisuktoᴋ tikidlarmago; ᴋemâjungnaromângilallo.


Lean sinn:

Sanasan


Sanasan