Jesaiase 2:2 - Labrador Inuttitut Heritage Bible

² Uvluksat kingorlingine pijoᴋaromârpoᴋ imâk: Kaᴋᴋaᴋ, Nâlekab iglungata tungavia, ᴋaᴋᴋat ᴋângannẽtsomârpoᴋ poᴋtonersauvlune ᴋaᴋᴋârulangnit tamainit, nallojullo illunamasiatik akpangervigijomârpât.

Jesaiase 2:2 Iomraidhean Croise

Genesis 49:1

Jakuble ernine ᴋairᴋovait oᴋarlune: Katimatitse, nalojungnairtitsomagapse tikkitautigijomârtapsingnik nalliutome pijomârtome.

Hiobe 19:25

ᴋaujimavara piulijiga inôngmat, tâmnalo kingorliovlune nangeromârpok saningne;

Imgerut 102:23

Tâpsoma pitsartunera mannigotitipâ apᴋome, uvlukka nailivait.

Imgerut 2:8

ᴋennuviginga, tagva nallojut kingormgutijaksautitsomavakka illingnut, sillaksublo issungit perᴋutautitsomavakka illingnut;

Imgerut 22:27

Erᴋaijomârput, sâleromârlutiglo Nâlekamut sillaksub issunginêtut, sângnelo tuksiaromârput nallojut kinguvârêngit illunatik.

Imgerut 22:28

Nâlegak nâlegauveᴋarmat, attanniotilunelo nallojut akkorngane.

Imgerut 48:2

Zionib ᴋaᴋᴋanga nuitatsiarpok, nunab illunât ᴋuviasutigijanga, sivinganingane tachanêput attaniviksub iglugasaksoangit.

Imgerut 68:17

Gûdib aksalloaleᴋotingit, tausendit tausendertorlugit unnuktigijôvut; Nâlegak tâpkoa akkornganêpok Sinaimêtut ivsornaitome sorlo.

Imgerut 72:8

Attanniotijomârpok imarbingmit imarbiksub aipâ tikkidlugo, kôksoarmillo nunaksub issungit tikkidlugit.

Imgerut 86:9

Nallojut illunatik pingortilauktattit tikkitsomârput, tuksiaromârlutiglo sângne Nâlegak, attîllo opigilugo;

Imgerut 87:1

Aulajuitomik tunganilititaumavok ᴋaᴋᴋane ivsornaitunne.

Imgerut 87:2

Nâlekab Zionib itterviksoangit ivleriluarpait Jakokut iglunginit tamainit.

Jesaiase 11:10

Taipsomane imaitsomârpoᴋ: Isaib amânga, napajotut kattilerutiksaujotut illingavlune nunaᴋatigêksoarnut, apperᴋutaujomârpoᴋ nallojunut, iksivautarijangalo nertornaromârpoᴋ.

Jesaiase 25:6

Kilangmiugasaksuillo Nâlegangat âᴋiksoijomârpoᴋ ᴋaᴋᴋame tamattomane nerrimârviksoamik orᴋsulingmik nunaᴋatigêksoarnut tamainut, nerrimârviksoamik vainelingmik issungitomik, orᴋsulingmiglo pattermik vainelingmiglo issungitomik sannêjarsimajomik.

Jesaiase 27:13

Taipsomane tiptulaut angijoᴋ attortaujomârpoᴋ, tagva assiomajut Assurib nunanganẽtut tikkitsomârput ajaktortaumajullo Egiptenib nunanganẽtut, Nâlegarlo tuksiarvigijartoromârpât ᴋaᴋᴋame ivsornaitome Jerusaleme.

Jesaiase 30:29

Tagva imgeromârpose, sôrlo uvloᴋsiorviub unnuangane, õmamullo ᴋuviasugomârpose sôrlo nipjausijartut ailerpatta Nâlekab ᴋaᴋᴋanganut, Israêlib piulijauviksanganut.

Jesaiase 49:6

Oᴋarporlo: Nãmangilaᴋ, kivgarigapkit kinguvarêt Jâkokkut makkitillugit torᴋortaumajullo Israêlikkunit uttertingmivlugit, ᴋaumaksaijungortipagittauᴋ nallojunut, piuliklerutigivlutit sillaᴋsûb kiglinganut.

Jesaiase 56:5

Tâpkoa iglumne avaluᴋotimalo illuanne tunidsivigijomârpakka erᴋaumajauviksamik attermiglo ernernit paningnillo ajunginerôjomik; attermik issoᴋangitomut illingajuksamik tunidsivigijomârpakka nungutaksaungitomik.

Jesaiase 56:7

Tâpkoa ᴋaᴋᴋamnut ivsornaitomut âtsomârpakka ᴋuviasuktillugillo iglumne tuksiarvingme, tunergutingillo õtaksat tunergutingillo toᴋotaksat tunerguserviᴋotimne ᴋuviagijaujomârput, igluga taijaujomârmat tuksiarvingmik inungnut illũnainut.

Jesaiase 60:3

Nallojullo ᴋaumanerijarnut arvertaromârput attanivillo ᴋollikkut nuilertub akkisungninganut.

Jesaiase 65:11

Illipsele, Nâlekamik ᴋemaijose, ᴋaᴋᴋamniglo ivsornaitomik puigortose, nerrimârviksoarmik âᴋiksoijose Gâtemut, imiksamik amigangitomik kovisijose Mênimut,

Jesaiase 66:20

Kattangutiselo tamaita nallojunit tamainit tamaungartitsomârpait, tunergutiksarivlugit Nâlekamut, horsikut ᴋemuksikullo akkerautîkkullo horseojârtokullo kamêlikullo Jerusalemut, ᴋaᴋᴋamnut ivsornaitomut, oᴋarpoᴋ Nâlegaᴋ, sôrlo Israêlikkut tunergutiksanik illuleᴋutine ivsornaitune ᴋaitsivangmatta Nâlekab iglunganut.

Jesaiase 66:23

Taᴋᴋeᴋ nutaulerangat, sabbateᴋalerangallo uviniggit illũnamatsiatik tikkitsomârput tuksiaromavlutik sâmne, oᴋarpoᴋ Nâlegaᴋ.

Jeremia 16:19

Nâlagaᴋ, sôngonerijara, serngnigijauviksaralo, ᴋemâvigijaralo kapiasungnima uvlungane, ilingnut inôᴋatigêksuit silaᴋsûb issunginit tikituksaulârput, oᴋarlutik: Atâtagilauᴋtavut kingormgutijatuaᴋalauᴋput saglonernik, ila, suksaungitunik, pingniglo idluarᴋutiksaulaungitunik.

Jeremia 23:20

Nâlakab ningaumajârninga uterniatsangilaᴋ piniarsimaᴋârtinago nâmaksititsisimaᴋârtinagolo ômatime kajusimanerijanginik; uvluksane kingorliojune tamanna tukisilârpase nâmaktomik.

Jeremia 26:18

Migga Môrasemioᴋ nalautailauᴋpoᴋ Hiskiab Judab ataningata naliuningane, Judablo inungit ilûnaita oᴋarvigilauᴋpait, oᴋarlune: Imâk oᴋarpoᴋ Nâlagaᴋ Zebaot: Zion perorsêviktut poagijartaujomârpoᴋ, Jerusalemelo ᴋiggutuinaujomârpoᴋ, iglublo oma ᴋaᴋᴋanga napârtoliksûb poᴋtoningititut.

Jeremia 3:17

Naliutomele tâpsomane Jerusalem atseraromârpât Nâlakab iksivautaᴋsoanganik; inôᴋatigêksuillo ilûnatik katijomârput tagvunga, Nâlakab attinga pivlugo, Jerusalemut; arvertarungnairomârpullo ômatingita idluitut nâmagijangat maliklugo.

Jeremia 30:24

Nâlakab ningaumajârninga uterniatsangilak piniarᴋârane nâmaksititsiᴋâranalo ômatime kajusijutigijanganik; uvluksane kingorliojune tukkisilârpase tamanna.

Jeremia 31:12

Tikituksauvullo tuksiarlutiglo Zionib poᴋtoningane; ᴋerdlâᴋaijomârpullo Nâlakab pitsiarninganut, ᴋaᴋᴋôjaksanut, vainemullo, orᴋsumullo, saugâranullo tuktuvâranullo; tarningillo itsomârput sorlo perorsêviktut imeᴋatsiartotut; sanikterijungnaimarigomârpullo.

Jeremia 48:47

Uvlunele kingorliojune Moabib aularutijauningat utertitsomârpara, oᴋarpoᴋ Nâlagaᴋ. Moabib erᴋartortauninga kigleᴋarpoᴋ tamâne.

Jeremia 49:39

Kissianele uvlune kingorlerne Elamib aularutijauningat utertitsomârpara, oᴋarpoᴋ Nâlagaᴋ.

Jeremia 51:44

Belelo Babilonemêtoᴋ nalipsaromârpara, oᴋomiartangalo anititsomârpara ᴋaninganit; inôᴋatigêksuillo takpaungaᴋatigêtsungnairomârput tâpsomunga, ila, Babilonib ᴋarmanga oggojomârpoᴋ.

Hesekiel 38:16

Tikitsomârpotillo inuᴋotimnut Israêlikunut, nuvujatut nuna mattuvlugo; uvluksane kingorliojune tikiutijomârpagit nunamnut, inôᴋatigêksuit ᴋaujimaᴋovlugit ivsornaititaugama ilingne, Goge, tâpkoa ijingita sângine.

Hesekiel 40:2

Takotitjutikut Gudemit pijokut tikiutivânga Israêlib nunanganut, ilivlungalo ᴋaᴋᴋamut poᴋtojomaringmut, tâpsomalo ᴋaᴋᴋaub seᴋerngane iglugasaksoangojârtut senajaulertut takovakka.

Daniel 10:14

Tikipungali mâna ajoᴋitoromavlutit naliutijomârtunik inuᴋotingnut uvluni kingorliojuni: takotitjut uvlut unuktut ᴋângipatta kissiani nalaulârpoᴋ.

Daniel 2:28

Kilangmili Gudeᴋarpoᴋ nalonaijaijomik nalonadlartunik, tâpsomalo ataniᴋ Nebukadnizari nalonaijaivigivâ pijomârtuksanik uvluni kingorlini. Sinnartômanît, niaᴋovîllo takotitjutigijanga iglini inangatilutit, imaipoᴋ:

Daniel 2:35

Tagva kikiaᴋ, maggarlo, ᴋaᴋorlilo, silbirilo, goldilo atautsikut sikalijaudlarput, ililutiglo iviksukatitut siᴋalijaumajutitut katjugvingmut aujarmi; annoriblo tiktautipait, ᴋikarviksairutivullo; ujaraᴋlo, inungoab annaunitinga ᴋaᴋᴋaᴋsoangorpoᴋ nuna nâmavlugo.

Daniel 2:45

Sorlolo takolauravit ujaraᴋ saviujartortaulaungmat ᴋaᴋᴋamit aggangnu-ungitoᴋ, siᴋalilaungmagillo kikiak, ᴋaᴋorlilo, maggarlo, silbirilo, goldilo, Gudib angijoᴋsôjub ataniᴋ nalonaijaivigivâ sunamik mattoma kingorngani pijomârtuksanik: sinnartômanilo nalautsimarikpoᴋ tukkigijangalo nalonangimarikpoᴋ.

Hosea 3:5

Kingorngane Israêlib ᴋitorngangit sâgiaromârput, Nâlegarlo Guditik Davidelo atanitik ᴋenerlugik; uvluksanelo kingorlerne sivôravlutik tikitsomârput Nâlekamut pitsiarninganullo.

Saggaria 14:10

Nuna ilûnane ablatsângortitaujomârpok naternaᴋtut, Gîbamit Rimmonemut Jerusalemib siᴋernganêtomut; poktosijomârporlo, iniᴋalârlunelo iniksamine, Benjamib itertarvianit itertarviub sivorliub ininganut, itertarvingmullo terreᴋordlermut, Hananêliblo nuvugusinginit ataniub vaineliksanik iptêjaivinganut.

Saggaria 14:9

Nâlegarlo ataniojomârpok nunamut tamaitaᴋsoarmut; uvlorme tâpsomane Nâlegak atausiojomârpok, atingalo atausiojomârpok.

Saggaria 8:22

Ilâ, inôᴋatigêt unuktut inôᴋatigêksuillo sôngojut tikitsomârput Nâlegak Zebaot ᴋeneromavlugo Jerusaleme, Nâlekablo saimaninga ᴋenuarilugo.

Saggaria 8:3

Imâk oᴋarpok Nâlegak: Utersimavunga Zionemut, Jerusalemelo inigijomavara: Jerusalemelo taijaujomârpok, iglugasaksoarnik mikseᴋârnelingnik; Nâlekablo Zebaotib ᴋaᴋanganik, ᴋaᴋarmik ivsoarnaitomik.

Mâlaki 3:12

Inôᴋatigêksuillo ilûnatik pilloringneraromârpâse: nunaselo inerᴋonadlaromârmat, oᴋarpoᴋ Nâlegaᴋ Zebaot.

Numbers 24:14

Mânalo, ahâk, inôᴋatimnut ailerpunga; ᴋailerit, oᴋautitsomavagit inugiartoᴋsuit pinialârninginik inuᴋotingnut neliutome pijomârtome.

Apostelit Piniarningit 2:17

Uvlut kingordlingine imaitsomârpok, Gûde oᴋarpok: Anernera kovijomavara inungnut ilûnainut; erniselo paniselo nalautsitiksanik oᴋaromârput, inôsuktoselo angutit takotitjutinik tautugomârput, ituselo sinnaktômajomârput.

II Timôteusemut 3:1

Tamannale nalojungnairuk, uvluksane kingorlerne nangianartoksoarnik neliutoᴋaromârmat.

Ebrêerinut 1:2

Kingorlermik Ernikut oᴋalauᴋpoᴋ uvaptingnut uvlune tamakkonane. Tâmna kingormgujijuksangortilauᴋpâ tamaitaᴋsoarnik, tâpsomûnatauᴋ silaᴋsoaᴋ pingortilauᴋpâ.

II Pêtrusib 3:3

Tamannalo ᴋaujilerᴋârsiuk, uvlut kingorlingine mitauteᴋartoᴋaromârmat, ikligunermingnut inôniartunik,

Takotitaunermik 11:15

Engelillo 7 ingat tiptulausijarpok. Nippersuit tagva tussartauvut ᴋilangme oᴋartut: Silaksûb ataniovingit perᴋutautitaumavut Nâlegaptingnut Kristûsinganullo, tâmnalo nâlegaviksôniarpok issoᴋangitomit issoᴋangitomut.

Takotitaunermik 20:4

Iksivautaniglo takogivunga; tâpkununga ingilerput, erᴋartuinermiglo perᴋojauvut. Niaᴋoêrtaulauktullo Jêsusemik kigligiutsinek Gûdiblo oᴋausinga pitjutigilugik, nergjumiglo adsingoanganiglônêt tuksiarveᴋalaungitut, nelunaikutanganiglônêt tigusilaungitut ᴋaungmikut aggangmikullo, tâpkoa tarningit takogivakka: tâpkoa ômarput ataniotivlutiglo Kristûse illagilugo jârit tausendit nâvlugit.