Jesaiase 2:12 - Labrador Inuttitut Heritage Bible

¹² Kilangmiugasaksuit Nâlegangata uvlunga pijomârmat illũnainut piojorijunut pingijaitunullo angijunullo illũnainut, piojorijungnairtitaurᴋovlugit,

Jesaiase 2:12 Iomraidhean Croise

II Samuel 22:28

Innuit ajulertut ikajorangne, ijingnullo piojorijut miklilertipattit.

Hiobe 24:1

Sog nelliunerit ajugaᴋangitomut torᴋortauvât? Sôglo (inuit) illitarijingit tâpsoma uvlunginik takkolungilat?

Imgerut 131:1

Nalegak ômattiga pingijailungilak, ijîkalo piojorilungilâk, arvertarlungilangalo pijarialiksôjunne inortamne.

Imgerut 18:28

Igvit ᴋaumautiga ᴋaumaksarangne, Nâlekama Gûdima tângnera ᴋaumaniôtipâ.

Imgerut 37:13

Nâlekable ijorivâ; takkogame uvlunga tikkiniarmat.

Imgerut 94:2

Nikkovilerit idluarsaijôjotit sillaksoarmiunik; piojorijut akkiniarkit pijuksauningit malliklugit.

Salomob Okâl 16:5

Omat piojorijok Nâlekab makkojugiva, pitlartautailiniangilarlo, taimaitut ilûnatik ilagêlerpattalonêt.

Jesaiase 10:12

Nâlekable piniaraksane tamaita Zionib ᴋaᴋᴋangane Jerusalemelo nãmaksilerunigit, tagva (Nâlegaᴋ oᴋarpoᴋ) Assiriamiut attaningata piojoridlartub õmatingata illiorningit sugiaromavakka pingijainingalo ijîkikkut saᴋᴋijârtoᴋ.

Jesaiase 10:33

Ahâgle! Nâlekab, ᴋilangmiugasaksuit Nâlegangata napârtut nuvungit akkeruijarpait ᴋoaᴋsârnadlarlune; napârtullo poᴋtojoᴋsuit kippijauvut, poᴋtojullo pokitungortitauvut.

Jesaiase 13:11

Sillaᴋsoarmiullo sugiaromavakka idluitulliningit pivlugit, idluitullo sugiaromavakka piungitulliningit pivlugit, pingijaitullo piojoriningat nungutitsomavara pimmariutertullo pingijainingat serᴋomitsomavara.

Jesaiase 13:6

Avâladlaritse, Nâlekab uvluksanga ᴋaglilermat; asseroijutiksatut ajugaᴋangitomit pijotut aggerpoᴋ.

Jesaiase 13:9

Ahâk, Nâlekab uvlunga aggerpoᴋ takopsoajuidlune ningaumajârnerlo ningauserlo illungertortoᴋ, nuna asserorlugo idluitullijullo tagvangat pêrlugit.

Jesaiase 14:15

Kissianele kappianartovingmut pititauvotit, itersâlungmut ittinerpâmut.

Jesaiase 23:9

Kilangmiugasaksuit Nâlegangat taimak issumaᴋarpoᴋ, nertûtigijangit allianartut illũnaita nungutsomavlugit, nertortaujullo tamaita nuname nachogijautitsomavlugit.

Jesaiase 24:21

Taipsomane Nâlekab pidlariartoromârpait ᴋotsiktub kattimgajoᴋsoangit ᴋotsiktomẽtut nunaᴋsûblo attanersoangit nunamẽtut.

Jesaiase 24:4

Nuna kappiasuklune asserolerpoᴋ, sillaᴋsoaᴋ toᴋolerlune asserolerpoᴋ, attanionersat nunaᴋatigêt akkornganne toᴋolerput.

Jesaiase 40:23

Nertortaujunik piojungnairtitsijoᴋ, attanerit nunamẽtut suksaujungnairtillugit.

Jesaiase 42:15

Kaᴋᴋat ᴋaᴋᴋârulaillo asseroromavakka, iviksukallo ᴋânginẽtut pannilertitsomavakka; kôksuit ᴋikkertangortitsomavakka tassillo imeᴋarungnairtillugit.

Jesaiase 5:15

Tagva inuit suksaujungnairtitaujomârput angutaujullo nallopᴋotijariaᴋartitaujomârput, piojorijutitullo tautusôngojut kattalungatitaujomârput.

Jesaiase 61:2

Nâlekab jâringanik saimauservingmik oᴋâlarᴋovlunga Gûdiptalo uvlunganik akkiniarvingmik, manigoerᴋovlungalo kiksartunik illũnainik,

Jeremia 12:9

Kingormgutijara tingmiatut taᴋsapatâᴋtotut ilingavâ uvamnût? Tingmiat arᴋtaijut kativât ilumavlugô? Aileritse, katersoileritse nergjutinik naternamêtunik, tamaungautilugillo ningutsiᴋovlugit tâpsominga.

Jeremia 13:9

Imâk Nâlagaᴋ oᴋarpoᴋ: Taimaluatsiaᴋ Judab piojorininga Jerusalemiullo piojorijoᴋsôningat sujugomavara.

Jeremia 30:7

Kappê! Uvloᴋ taimna angijôvoᴋ, adseᴋangilaᴋ; Jakob siorniorvigivâ; piulijaujomârporlo tamattomangat.

Jeremia 46:10

Uvloᴋ tâmna tâmnauvoᴋ Nâlakab, Nâlakab Zebaotib uvlunga, uvloᴋ akkiniarvik, akkerartortiminik akkiniarᴋovlugo; saviksoaᴋ nungutsijomârmat nâmaksivlunalo; Nâlagaᴋ, Nâlagaᴋ Zebaot, tunergusermat nuname avanêtome kôksub Frâtib sinâne.

Jeremia 50:31

Ahâk, akkerartorpagit, igvit piojoridlartotit, oᴋarpoᴋ Nâlagaᴋ, Nâlagaᴋ Zebaot, uvluksat tikisimangmat, nalipsartauviksat uvamnut.

Hesekiel 13:5

Aitanganernut ailungilat, avaluliolungilallônêt Israêlib ᴋitorngangita piksanganik, nangerungnarᴋovlugit sorᴋsungnerme Nâlekab uvlungane.

Daniel 4:37

Mânalo uvanga Nebukadnezar ᴋilaub ataninga nitorpara angijôtilugolo opigilugolo; tâpsoma piniarningit ilûnamatsiatik miksiᴋârtôngmatta, apᴋotingillo idluartoᴋsôngmatta; piojorinimilo arvitartut tâpsoma miklilititsungnarpait.

Amos 5:18

Kapianarmêk ilipse, Nâlekab uvlunganik ᴋilanârtose! Nâlekab uvlunga suksarivisiûk? Tâkpok, ᴋaumaniolungilak.

Migga 2:3

Tamanna pivlugo imâk Nâlegaᴋ oᴋarpoᴋ: Ahâk, ᴋitorngarêngnut ukkununga idluitomik issumaksarsiorpunga, mattomangallo ᴋongesise nûgungnarniangilase, piojoriluselo arvertarniangilase; naliuneᴋ tamanna ajormat.

Migga 5:11

Nunavîllo iglugasaksoangit kipijomavakka, taluksoatillo ilûnaita oggotitsomârpakka.

Sefania 1:16

Uvloᴋ tiptulausijarvik kamasâriviglo, iglugasaksoarne ungalujijoksoatalingne, nuvuguseksoarnelo poktojune.

Sefania 3:11

Uvlorme tâpsomane kangusûtiginiangilatit piniarnitit tamaita, idluitulinerijatit uvamnut: taipsomane ilupsingnit pêjaromârapkit piojorinerit pingijaitoksônerillo, kingornganelo pingijaijungnairomârpotit ᴋaᴋaᴋotimne ivsornaitome.

Mâlaki 4:1

Ahâk, uvloᴋ neliutijomârpoᴋ, kiaksautitut ikoalâvoᴋ; piojorijullo ilûnatik idluitulijullo ilûnatik igvît kipakungititut îtsomârput; uvlûblo neliutijomârtûb ikitsomârpait, oᴋarpoᴋ Nâlegaᴋ Zebaot, amiakoᴋartitsomângilaillo amârmiglônêt akkeromiglônêt.

Mâlaki 4:5

Ahâk, tiliklervigijomârpapse Eliasemik nelautaijomik Nâlekab uvlunga angijoᴋ sivôranartorlo tikerᴋârtinago.

Mattêuse 23:12

Ingminik angijorortitok, miklilertitauniarmat; ingminiglo miklilertitok, angijorortitauniarpok.

Lukase 14:11

Ingminik angijorortitok miklilertitaksauvok; ingminiglo miklilertitok angijorortitaksauvok.

I Korintemiunut 5:5

Tunilugo taimna Sâtanasemut, uvinik asserortaukovlugo, tarne piulijauᴋovlugo Nâlekab Jêsusib uvluksangane.

I Tessalônikamiunut 5:2

Nangmineᴋ ᴋaujimatsiarapse, Nâlekab uvlunga neliutijomârmat, sôrlo tigliktotut unnuaᴋsiortotut.

Jâkobusib 4:6

Anginersamigle saimarsaumik tunijidlarpok. Taimaimat aglait oᴋarput: Piojorijut Gûdib akkerartorpait, piojorijuitullo saimauserpait.