Jesaiase 2:11 - Labrador Inuttitut Heritage Bible

¹¹ Inuit piojorijutitut tautusôngojut kattalungatitaujomârput, inuillo pimmariutertut suksaujungnairtitaujomârput, Nâlegarlo kissime angijôjomârpoᴋ nalliutome taipsomane.

Jesaiase 2:11 Iomraidhean Croise

II Samuel 22:28

Innuit ajulertut ikajorangne, ijingnullo piojorijut miklilertipattit.

Imgerut 18:27

Innugasaksuit ajulertut ikajorangne, ijillo pimariutertut manigotitipâttit.

Imgerut 18:28

Igvit ᴋaumautiga ᴋaumaksarangne, Nâlekama Gûdima tângnera ᴋaumaniôtipâ.

Imgerut 20:8

Ipkoa ochosimavut pâlaklutiglo; uvagulle makkipogut nangerlutalo nappalutalo.

Imgerut 46:10

Nippangeritse illitarksiluselo uvanga Gudeôgama. Uvanga angijorortitaujomavunga nallojut akkorngane, angijorortitaujomavunga nuname.

Imgerut 46:11

Nâlekab Zêbaotib illagivâtigut, Jakob Gûdinga sapputjigivavut.

Imgerut 94:2

Nikkovilerit idluarsaijôjotit sillaksoarmiunik; piojorijut akkiniarkit pijuksauningit malliklugit.

Salomob Okâl 16:5

Omat piojorijok Nâlekab makkojugiva, pitlartautailiniangilarlo, taimaitut ilûnatik ilagêlerpattalonêt.

Salomob Okâl 30:13

Inungnik, ijeᴋartunnik pingijaitunnik, allortunniglo piojorinermut;

Jesaiase 10:12

Nâlekable piniaraksane tamaita Zionib ᴋaᴋᴋangane Jerusalemelo nãmaksilerunigit, tagva (Nâlegaᴋ oᴋarpoᴋ) Assiriamiut attaningata piojoridlartub õmatingata illiorningit sugiaromavakka pingijainingalo ijîkikkut saᴋᴋijârtoᴋ.

Jesaiase 12:1

Taipsomane oᴋaromârpotit imâk: Nâlegaᴋ, ᴋujagivagit, ningaumavigigamga ningaumnajârnillo sorairmat manigoramgalo.

Jesaiase 12:4

Taipsomanelo oᴋaromârpose: Nâlegaᴋ ᴋujagidlarsiuk, attinga oᴋâlajutigisiuk, piniarningit oᴋautigisigik nunaᴋatigêksuit akkornganne, attinga opinartoᴋsôjok nertorsiuk.

Jesaiase 13:11

Sillaᴋsoarmiullo sugiaromavakka idluitulliningit pivlugit, idluitullo sugiaromavakka piungitulliningit pivlugit, pingijaitullo piojoriningat nungutitsomavara pimmariutertullo pingijainingat serᴋomitsomavara.

Jesaiase 14:15

Kissianele kappianartovingmut pititauvotit, itersâlungmut ittinerpâmut.

Jesaiase 2:17

(Tagva) inuit piojoriningat suksaujungnairtitaujomârpoᴋ, inuillo pimmariuterningat serᴋomitaujomârpoᴋ, Nâlegarlo kissime angijôjomârpoᴋ nalliutome taipsomane.

Jesaiase 23:9

Kilangmiugasaksuit Nâlegangat taimak issumaᴋarpoᴋ, nertûtigijangit allianartut illũnaita nungutsomavlugit, nertortaujullo tamaita nuname nachogijautitsomavlugit.

Jesaiase 24:21

Taipsomane Nâlekab pidlariartoromârpait ᴋotsiktub kattimgajoᴋsoangit ᴋotsiktomẽtut nunaᴋsûblo attanersoangit nunamẽtut.

Jesaiase 25:9

Taipsomane oᴋartoᴋaromârpoᴋ: Ahâk, tâmna Gûdigivavut, tâmna nerriugivavut, tâpsomalo piulivâtigut; tamnauvoᴋ Nâlegaᴋ nerriugijavut; kuviasukluta iggiaᴋomijarta piuliklerninga pivlugo!

Jesaiase 26:1

Taipsomane imgertoᴋaromârpoᴋ imgerusermik imaitomik Jûdab nunangane: Iglugasaksoaᴋarpogut aulajungnangitunik, avalungit sappûlutangillo piulijauviksauvut.

Jesaiase 28:5

Taipsomane ᴋilangmiugasaksuit Nâlegangat niaᴋôtitut pinarnartoᴋsôjotut ᴋaurutitullo ânanaudlartotut illingajomârpoᴋ inuᴋotime amiakunginut.

Jesaiase 29:18

Taipsomane tussângitut aglait oᴋausingit tussaromârpait, tautungitullo ijingit târmit tâᴋtomillo tautugomârput.

Jesaiase 30:18

Taimaimat Nâlegaᴋ utaᴋᴋijomârpoᴋ saimarvigijomavluse, ᴋannitsomângilaᴋ nâpkigijomavluse, Nâlegaᴋ Gûdeongmat erᴋartuijoᴋ. Pillorikput illũnatik tâpsominga nerriuktut.

Jesaiase 30:23

Tagva sillalungmik pititsijomârpoᴋ karngasûtinut karngasortarnut perorsêvingmut nerᴋiksaᴋartitsivlunelo perorsêviub perortunginik nekoᴋsinartunik ânanâniglo; taipsomane nergjuteᴋotitit nerrinasugomârput iviksukatalingme angidlartome.

Jesaiase 37:23

Kina mittautigiviûk oᴋarnerlûtigivlugolo? kinamut nippeᴋadlarᴋêt? Arlorpotit, ivlernartitoᴋ Israêlikkune akkerartorlugo.

Jesaiase 4:1

Nalliutome taipsomane arnat sîbat angut atauseᴋ tigujomârpât oᴋarlutiglo: Nerᴋiksaᴋotivut nerrijomavavut annorâromavogullo nangminerijaptingnik, kissianele atternik taijautilauᴋtigut mittautigijaujungnairtilutalo.

Jesaiase 40:23

Nertortaujunik piojungnairtitsijoᴋ, attanerit nunamẽtut suksaujungnairtillugit.

Jesaiase 52:6

Tamanna pivlugo inuᴋotima attera illitarijaksarivât; tamanna pivlugo taipsomane (illitarᴋsijomârput), uvangaugama oᴋartunga: tamânẽpunga.

Jeremia 12:9

Kingormgutijara tingmiatut taᴋsapatâᴋtotut ilingavâ uvamnût? Tingmiat arᴋtaijut kativât ilumavlugô? Aileritse, katersoileritse nergjutinik naternamêtunik, tamaungautilugillo ningutsiᴋovlugit tâpsominga.

Jeremia 9:24

Nertôtijomajuble imaitoᴋ nertûtigiliuk, tukkisigame ilitarᴋsigamelo uvamnik, Nâlagaugamalo piniarneᴋartunga pitsiarnermik, idluarsainermiglo, ajunginermiglo nuname; tamakkoa ᴋuviagigapkit, Nâlagaᴋ oᴋarpoᴋ.

Hesekiel 38:14

Tamanna pivlugo, inûb erninga, nelautailerit, Gogelo oᴋautilugo: Imâk oᴋarpoᴋ Nâlegaᴋ Nâlegaujoᴋ: Neliutome ipsomane inuᴋotikka Israêlikut terliklutik nunaᴋalerpatta, ᴋaujimaniangilatît tamattomingâ?

Hesekiel 38:19

Ilungertornimne ningaumajârnimalo neliuningane oᴋarsimagama, ahamarik, uvlorme tâpsomane sajukpiludlartoᴋaromârmat Israêlib nunangane;

Hesekiel 39:11

Pijokalârporlo uvlorme tâpsomane Goge tunitjivigijomârapko iluverviksamik Israêleme, tagva naᴋsarmik apᴋutausômik imarbiub kitânêtomik, tamattomale tamaunârtut noᴋᴋartilârpait; tagvanelo Gogelo inugiartoᴋsoangillo iluveromârpait, taijomârpâllo Hamon-gogib naᴋsanganik.

Hesekiel 39:22

Taimaglo Israêlib ᴋitorngangit ᴋaujilârput uvanga Nâlegaᴋ Gudeogama tâpkonunga uvlormit taipsomangat kingorngagullo.

Daniel 4:34

Uvlulli tâpkoa nângmatta uvanga Nebukadnezarib ijîkka arlortipâkka ᴋilangmut, silatuniralo utipoᴋ uvamnut, ᴋotsingnipângojorlo nitorpara, issoᴋangitomullo inôtsainartoᴋ nakorivara opigilugolo; tâpsoma nâliugauninga nâligauniongmat soraiviᴋangitoᴋ, nâligauvingalo kinguvârênit kinguvârênut itsainarmat.

Hosea 2:16

Uvlormelo tâpsomane, oᴋarpoᴋ Nâlegaᴋ, atseralârparma: Ishimik, tamadja: uimnik; atserarungnailungalo: Baalimik, tamadja angajoᴋâmnik.

Hosea 2:18

Uvlormelo tâpsomane tâpkoa pivlugit angiᴋatigêngnelioromârpunga naternaub nergjutinginut, ᴋilaublo ikiangata tingmianginut, nunablo pâmgortunginut; pitikselo saviksoarlo unatarnerlo pêjaromavakka nunamit, inangatitsomavakkalo terliklutik.

Hosea 2:21

Uvlormelo tâpsomane kiojomârpunga, oᴋarpoᴋ Nâlegaᴋ, ᴋilait kiojomârpakka, tâpkoalo nuna kiojomârpât;

Joel 3:18

Uvlorme tâpsomane ᴋaᴋᴋaᴋsuit kusseromârput vainemik mamaktomik, ᴋaᴋᴋallo ᴋôᴋalârput imungmik, Jûdablo kôngit ilûnatik kôlârput imermik; puilajorlo anilârpoᴋ Nâlekab iglunganit, Sittimib naᴋsanga koverarlugo.

Amos 9:11

Uvlorme tâpsomane Dâvidib tupersoanga oggosimajok napartitsomârpara, angmarningillo matulugit; asserorningillo napartitsomârivakka, inertorlugillo itsartut;

Obadia 1:8

Uvlorme tâpsomane ilisimajut pêjarniangilakkâ Edomemit, silatunerlo Esauib ᴋaᴋᴋanganît?

Migga 2:3

Tamanna pivlugo imâk Nâlegaᴋ oᴋarpoᴋ: Ahâk, ᴋitorngarêngnut ukkununga idluitomik issumaksarsiorpunga, mattomangallo ᴋongesise nûgungnarniangilase, piojoriluselo arvertarniangilase; naliuneᴋ tamanna ajormat.

Migga 4:6

Uvlorme tâpsomane, oᴋarpoᴋ Nâlegaᴋ, tusiaktut katersoromârpakka, ajaktortaujullo pikaluktakkalo katititsomârpakka;

Migga 5:10

Pijomarporlo uvlorme tâpsomane, oᴋarpoᴋ Nâlegaᴋ, horsit pêjaromârapkit akunapsingnit, ᴋamutillo unatautit aksaloalit asseroromârapkit;

Sefania 3:11

Uvlorme tâpsomane kangusûtiginiangilatit piniarnitit tamaita, idluitulinerijatit uvamnut: taipsomane ilupsingnit pêjaromârapkit piojorinerit pingijaitoksônerillo, kingornganelo pingijaijungnairomârpotit ᴋaᴋaᴋotimne ivsornaitome.

Sefania 3:16

Uvlorme tâpsomane Jerusalem oᴋautijaulârpok: Sivôraniarnak; Zione, aggatit ᴋasuniaratik.

Saggaria 9:16

Nâlekablo Gudingata piulijomârpait uvlorme tâpsomane inuᴋotigijamitut saugaᴋutaujutitut; niaᴋôtib ujarangititut îtsomârmatta, ᴋebleriklutik nunangane.

Mâlaki 4:1

Ahâk, uvloᴋ neliutijomârpoᴋ, kiaksautitut ikoalâvoᴋ; piojorijullo ilûnatik idluitulijullo ilûnatik igvît kipakungititut îtsomârput; uvlûblo neliutijomârtûb ikitsomârpait, oᴋarpoᴋ Nâlegaᴋ Zebaot, amiakoᴋartitsomângilaillo amârmiglônêt akkeromiglônêt.

Lukase 18:14

Oᴋaupapse: tâmna aipaminit ajornerminit issumagijaujungnainersauvlune atersârpok iglominut. Ingminik angijorortitok miklilertitaujomârpok, ingminiglo miklilertitok angijorortitaujomârpok.

II Korintemiunut 10:17

Nertôtijomajorle Nâlekame nertorle.

II Korintemiunut 10:5

Issumalungnerit asseroraptigik, ilûnaitalo piojorinerit akkerartortut Gûdemik illitarsinermut, erᴋarsautiâluillo tamaita parngnanairpavut Kristûsemik nâlektilugit;

II Tessalônikamiunut 1:10

Tikipat ânanaunine saᴋᴋerlugo ivjornaitoᴋotine illagivlugit, tatamnadlalarmelo okpertoᴋotine ilûnaita illagivlugit. Kigligiutsinivut ilipsingnut uvloᴋ taimna pitjutigilugo okperilaurapsigik.

I Pêtrusib 5:5

Taimaktauᴋ ilipse inôsuktôjose inutoᴋaujut nâleksigik. Ilûnase nâlektigêgitse, piojorijuinermik ataruilititse. Pimariutertut Gûdib akkerartormagit, piojorijuitulle nâpkigivait.