Jesaiase 15:3 - Labrador Inuttitut Heritage Bible

³ Iglut akkornganne pôksajanik ᴋetteruserput, iglut ᴋângine akkorngannelo illũnatik âladlarput ᴋeadlarlutiglo.

Jesaiase 15:3 Iomraidhean Croise

II Samuel 3:31

Davidele Joabemut innugatsoarnullo illunainut tapsoma illagijanginut oᴋarpok: Annorase alliktorsigik, pôngniglo tapseruseritse illipsingnut, Abnerelo oggurilugo pititse. Attanniublo pissuklune iklervik mallikpa.

II Atannit 6:30

Atanniub arnab oma oᴋausingit tussaramigit, annorane allikpait ailune avalunut. Tagva innugiartoksuit ilunnatik takkovât pôlijarmat timimine.

Jesaiase 15:2

Bajitemut Diboniblo ᴋaᴋᴋârulanginut majorarput ᴋeavlutik, Nêbo Medebalo Moabiterit ârosûtigivakik. Illũnatik nujangit sallimavut umeᴋarungnairtitauvlutiglo.

Jesaiase 22:1

Tamadja oᴋauseᴋ inerterijutiksaᴋ naᴋsamut takkotitauviojomut. — Suvisê, tamapse iglut ᴋânginut majoarapse?

Jesaiase 22:4

Taimaimat oᴋarpunga: Takkonârniarasinga; illungertornermut ᴋeajomavunga; pinasuarniarase manigoromavlunga inuᴋotima panningata nungutauninga pivlugo.

Jesaiase 3:24

Tagva tippitsiariksauteᴋarungnairlutik aunersungnitoᴋaromârput, tapseruteᴋarungnairlutik aklunâvineᴋaromârput, nujaᴋarungnairlutik âᴋiksimatsiartunik nujaᴋangitomik kabjeᴋaromârput, ulliksoaᴋarungnairlutik pôksajanik annorâᴋaromârput. Takkorannêtsomârput ânanaujungnairlutik.

Jeremia 19:13

Jerusalemiblo iglungit, Judablo ataningita iglungit, ivsornartitaujut ilingajomârput nunatut Tôfetetut, ila, iglut ilûnatik ᴋângine isserluanititsiviolauᴋtut ᴋilaub uvloriagasaksoanginut, koviviolauᴋtullo tunergutinik imiksanik gudingoanut assimnut.

Jeremia 48:37

Niaᴋut ilûnatik nujairmatta, umillo ilûnatik salijaumangmatta; kileᴋarpoᴋ aggangne tamaine, makkiternalo pôᴋsajaᴋarpoᴋ.

Jeremiab Ogguarutigijangit 2:10

Zionib paningata angajoᴋângit iksivavut nuname nipangerdlutik; egitsivut sanningnik niaᴋomingnut; pôᴋsajaniglo attivut: Jerusalemib uigasungit niaᴋotik okungatipait nunamut.

Hesekiel 7:18

Pôᴋsajanik attisilârput, ᴋeungominerublo ulilârpait; kangusungneᴋ kênanginêlârpoᴋ tamaine, merᴋoêrnerlo niaᴋungine tamaine.

Amos 8:10

Uvloksiorviselo ablatsangortitsomârpakka kiksarnartovingortilugit, imgerutiselo ilûnaita ogguarutinut; makitiselo ilûnaita atititsomârpakka pôksajavinernik, niaᴋullo tamaita nujairlugit; ilingatitsomârparalo sorlo ernetuak oggorijaungmattut, nâningalo uvloktut allianaidlartotut.

Mattêuse 11:21

Kappianamêk, Korazin! Kappianamêk Betsaida! Tirusemelo Sidonemelo taimaitunik tatamnartunik pijokalaukpat, sorlo ilipsingne; itsak pôksaijatuinarnik annorâᴋardlutik argjamêdlutiglo ᴋaᴋialerajalaukput.

Deuteronomy 22:8

Nutamik iglolioruvit iglûb ᴋânga avalulioraksarivat, igluit pasijaksauᴋonago aungmik kataktokarpat tagvangat.

Jâkobusib 5:1

Tagva ilipse akluitose, ᴋeavluselo avâladlaritse kappianartut naliutsomârmatta ilipsingnut.

I Samuel 5:12

Inuillo toᴋᴋolaungitut annaujauvut timingita takkojaksaunginingine, taimak iglugasaksoarmiut âlaningit kongmuarmatta ᴋillangmut.