Jesaiase 13:9 - Labrador Inuttitut Heritage Bible

⁹ Ahâk, Nâlekab uvlunga aggerpoᴋ takopsoajuidlune ningaumajârnerlo ningauserlo illungertortoᴋ, nuna asserorlugo idluitullijullo tagvangat pêrlugit.

Jesaiase 13:9 Iomraidhean Croise

Imgerut 104:35

Ajortullijut nungutaulerlît nuname, Gûdeᴋangitullo sorairlît. Tarnîk Nâlegak nertoruk! Halleluja!

Salomob Okâl 2:22

Gûdeᴋangitulle pêjartaujomârput nunamit, nachojullo nungutaujomârput.

Jesaiase 13:6

Avâladlaritse, Nâlekab uvluksanga ᴋaglilermat; asseroijutiksatut ajugaᴋangitomit pijotut aggerpoᴋ.

Jesaiase 2:12

Kilangmiugasaksuit Nâlegangata uvlunga pijomârmat illũnainut piojorijunut pingijaitunullo angijunullo illũnainut, piojorijungnairtitaurᴋovlugit,

Jesaiase 34:8

Tâmnaungmat uvloᴋ Nâlekab sugiarviksanga, jâre akkiorviksaᴋ Zione pitjutigivlugo.

Jesaiase 63:4

Uvloᴋ akkiniarviksaᴋ kajusimautigigapko, jârelo piuliklerviksara nalliutingmat.

Jesaiase 66:17

Ingmingnik ivsornaititut epᴋêjartullo perorsêvingne, attauseᴋ akkunermingnẽtoᴋ igjarlugo, kuingêngevinermiglo ᴋuglugianiglo nunivakaniglo nerrijut, tâpkoa attautsekut nungutaujomârput, oᴋarpoᴋ Nâlegaᴋ.

Jesaiase 9:19

Kilangmiugasaksuit Nâlegangata ningausinga pivlugo nuna ikkitaumavoᴋ, nunaᴋatigêllo ikkomamut nungutaksaujutitut-iput; ᴋattangutiminik nâpkiniktoᴋangilaᴋ.

Hesekiel 13:5

Aitanganernut ailungilat, avaluliolungilallônêt Israêlib ᴋitorngangita piksanganik, nangerungnarᴋovlugit sorᴋsungnerme Nâlekab uvlungane.

Hesekiel 30:3

Uvloᴋ ᴋanipoᴋ, Nâlekab uvlunga ᴋanipoᴋ, uvloᴋ nuvujalik: nelojut uvluksangat neliutilerpoᴋ.

Joel 1:15

Kapianarmêk uvloᴋ tâmna, Nâlekab uvlunga ᴋanidlarmat, tikilârporlo asserorsaijotut Ajugaᴋangitomit.

Joel 2:1

Tiptulausijaritse Zioneme, kamasârileritse ᴋaᴋᴋamne ivsornaitome; nunab inungit ilûnatik sajudlarlit; Nâlekab uvlunga tikilermat, ᴋaniporlo;

Joel 2:31

Seᴋineᴋ ablatsangoromârpoᴋ tâᴋtomut, taᴋᴋerlo aungmut, Nâlekab uvloᴋsoanga sivôranartoᴋ neliutiᴋârtinago.

Nahum 1:2

Nâlegak Gudeovok ilungertortok, akkiniarporlo; Nâlegak akkiniarpok ningarnermiglo ilumikpok; Nâlekab akkerartortine akkiniarpait, ômigijiminullo ningarnek torᴋorpâ.

Nahum 1:6

Kina nangerungnarᴋâ tâpsoma ningarningata sânganê? Kina sapilungilâk ᴋaningaumajârninga katsungailerpât? Kaningaumajârninga ikoâlavok ikomatut, ᴋairtullo ᴋoplortauvut tâpsomunga.

Nahum 1:8

Asseroinersoarmulle pitsartudlartomut tâpsoma ininga nungulârpâ, ômigijinelo udlalârpait tâᴋtoksoarmut.

Sefania 1:15

Uvlok tâmna tagva uvlôvok ningarnersoatalik, uvloᴋ kiksarnartotalik kapianartotaliglo, uvlok asserᴋivik asseroiviglo, uvlok tâᴋtok tâmariktok, uvlok nuvujalik ᴋaujuitorlo,

Saggaria 14:1

Ahak, Nâlekab uvlunga naliutilerpok aᴋsârnigarijitit avgortaujomârmatta ilingne.

Mâlaki 4:1

Ahâk, uvloᴋ neliutijomârpoᴋ, kiaksautitut ikoalâvoᴋ; piojorijullo ilûnatik idluitulijullo ilûnatik igvît kipakungititut îtsomârput; uvlûblo neliutijomârtûb ikitsomârpait, oᴋarpoᴋ Nâlegaᴋ Zebaot, amiakoᴋartitsomângilaillo amârmiglônêt akkeromiglônêt.

Takotitaunermik 18:8

Tamanna pivlugo kappiagijangita uvluksame atautseme tikidlaromârpât, toᴋublo, kappianartublo, kângnartublo; otaudlarlunelo ikomamut nungutaujomârpok. Pitsartudlarmat Nâlegaᴋ Gûde tâpsominga erᴋartuiniartok.