Jesaiase 13:2 - Labrador Inuttitut Heritage Bible

² Kattilerutiksamik saimaseritse ᴋaᴋᴋame merᴋoᴋangitome, nipliavigidlarsigik nullorarlugillo, iterᴋovlugit angajoᴋajat itertarvingitigut.

Jesaiase 13:2 Iomraidhean Croise

Imgerut 60:4

Taimaigalloarmat saimat tunnilaukpat sivoragijingnut, nappaulerᴋovlugo mikseᴋârnek pivlugo, Sêla.

Jesaiase 10:32

Uvlome sulle Nobemẽniarpoᴋ. Zionib panningata ᴋaᴋᴋanga issakpâ, Jerusalemib ᴋaᴋᴋârulanga.

Jesaiase 11:12

Saimaseromârporlo kattilerutiksaujunik nallojunut, unangmijaujullo Israêlitit kattititsomârpait, siamanggajullo Jûdamiut kattersoromârpait nuaᴋsûb kiglinginit sittamanit.

Jesaiase 11:15

Nâlekablo Egiptenib imarbingata kangerdlua ipteriliktitsomârpâ, aᴋᴋonaᴋartitsivlunelo kôksoarmut issagomârpoᴋ, kôgarsuᴋalertillugo sîbanik, ittigagutellingnut ipperârviojuksanik.

Jesaiase 18:3

Sillaᴋsoarmiôjose illũnase, nunaᴋatigêktoselo illũnase, saimasertoᴋarpat ᴋaᴋᴋane, takkunârsiuk! tiptulausijartoᴋarpat, tussarsiuk!

Jesaiase 19:16

Taipsomane Egiptenemiut arnatut illingajomârput, sajuklutik erᴋsivlutiglo ᴋilangmiugasaksuit Nâlegangata aggangit issamijut pivlugit, issangmagit taipkonunga.

Jesaiase 31:9

Kairtorijangalo (attaninga) erᴋsinermut aulajomârpoᴋ, angajoᴋângitalo ᴋemâjutigijomarpât saimat, oᴋarpoᴋ Nâlegaᴋ, ikkomaᴋartoᴋ Zioneme, igaveᴋartoᴋ Jerusaleme.

Jesaiase 5:26

Saimaseromârpoᴋ kattilerutiksaujomik nallojunut ungasiktomẽtunut, taipkoalo ᴋairᴋojomârpait nunaᴋsûb kiglinganit. Ahâglo, tuavidlarlutik akpangeromârput ômunga.

Jeremia 50:2

Oᴋâlagitse ᴋaujititsileritselo inôᴋatigêksuit akorngane, nalunaikusêgitselo; ᴋaujititsileritse angigutjiniaraselo; oᴋaritse, Babilon tigujauvoᴋ, Bel kangusuktitauvoᴋ, Merôdak serᴋomitauvoᴋ; gudingoangit kangusuktitauvut, gudingoaliarimajangillo serᴋomitauvut.

Jeremia 50:41

Ahâk, inugasaᴋsoarnik tikitoᴋaromârpoᴋ avangat, inôᴋatigêksuillo atanillo unuktut aulajârtitaudlaromârput nunaᴋsûb issunginit ungardlernerpânit.

Jeremia 51:12

Nulunaikusêgitse katimaᴋojijutiksamik Babilonib avaluᴋsoangine, udjertortuse sôngotisigik, kamajut âᴋiksorsigik, suingaijuksat atuinarusigik; Nâlakab issumaksarsiorutigilugolo nâmaksitingmago oᴋautigijane Babilone pivlugo.

Jeremia 51:25

Ahâk, ᴋaᴋᴋaᴋsoangojotit asseroijotit, silaᴋsoarmik ilûnânik asseroijotit, akkerartorpagit, oᴋarpoᴋ Nâlagaᴋ; aggakkalo issagomârpakka ilingnut; imnanillo aksakâtitsomârpagit, ᴋaᴋᴋaᴋsoangortitsômârpagillo ikisimajoᴋ.

Jeremia 51:58

Imâk oᴋarpoᴋ Nâlagaᴋ Zebaot; Babilonib ᴋarmaᴋsoangit ibjujut oggotitaumarigomârput, upkoaᴋsoangillo poᴋtojut ikitaujomârput ikomamut; inugasaᴋsuillo sulingitomut sanajomârput, inôᴋatigêksuillo ikomamut; merngortudlaromârpullo.