Jesaiase 11:4 - Labrador Inuttitut Heritage Bible

⁴ Idluartomigle aklujut erᴋartoromârpait, ajulertullo nuname idluarsaromârpait. Kanermelo oᴋausinginut nunamiut sugiaromârpait ᴋanermelo anerninganut idluitullijoᴋ toᴋolugo.

Jesaiase 11:4 Iomraidhean Croise

II Samuel 8:15

Taimak Davide attanniolaukpok Israelitinut illunamasianginut, idluarnermiglo idluarsainermiglo saᴋᴋertitsivok innugatoksoarnut illunamasianginut.

Hiobe 15:30

ᴋanoênek nûniangilak tâpsomangat. Ikkomaub akkerungit ᴋunnulertiniarpait; nungulerniarpok ᴋaningata annerninganut.

Hiobe 4:9

Gûdib annerninganut asserortaumangmatta, ningarningatalo annerninganut nerrijaumavut.

Imgerut 110:2

Nâlekab nâlegauvikpît opigijaujutiksanga tillijomârpâ Zionemit: Attanniotilerit ômigijivit akkorngane.

Imgerut 18:8

Iserluk ᴋongmualaukpok kinganganit, ikkomalo nungutsijok ᴋanninganit, auma annilaukpok tâpsomangat.

Imgerut 2:9

Ajaupiamut (opigijautiksaujomut) kikkiangojomut serᴋomitaksarivâttit, machaktitut serᴋallijaksarivâttit.

Imgerut 76:10

Inuit kenajungninginut igvit nertornartigavit, tapseruseruteᴋarpotillo ᴋanningajârnernub amiakunganik.

Jesaiase 1:17

Ajungitullileritse idluarsaineᴋ pinasuarlugo, pimmariutertut inerterlugit, illiarsuit serngnigivlugit uigarnerillo illinganingine ikajorlugit.

Jesaiase 13:11

Sillaᴋsoarmiullo sugiaromavakka idluitulliningit pivlugit, idluitullo sugiaromavakka piungitulliningit pivlugit, pingijaitullo piojoriningat nungutitsomavara pimmariutertullo pingijainingat serᴋomitsomavara.

Jesaiase 14:30

Ajoᴋsartut erniangoᴋârtungit nerᴋiksarsioromârput, aklujullo terliklutik merngoerseromârput; amârle illingnit pijoᴋ kângmut toᴋotsomavara, amiakôjullo ᴋimitaujomârput.

Jesaiase 16:5

Saimanermulle iksivautaᴋsoarmik âᴋiksoijoᴋaromârpoᴋ, ᴋângane nallâgôrtomik iksivajoᴋaromârpoᴋ Dâvidib iglungane, erᴋartuijomik, erᴋartuitsiarnermik attortomik, idluarsainermik saᴋᴋertitsijomik.

Jesaiase 2:4

Erᴋartuijomârporlo nallojut akkornganne nunaᴋatigêksuillo unuktut inerterlugit. Tagva saviksoaᴋotimingnik poagitelioromârput ᴋallugiaᴋotimingniglo iviksukatautelioromârput. Nunaᴋatigêt nellîllõnêt assimingnut saviksoarmik atorungnairomârput, unatadlarnermiglo illiniarungnairomârput.

Jesaiase 26:6

Ittikkanut tullertauvut, illa aklujut ittiganginut, ajulertut ittiganginut.

Jesaiase 29:19

Ajulertullo ᴋuviasûteᴋaromârput Nâlekame, aklujullo inuit akkornganne serridlaromârput ivlernartitome Israêlikkune,

Jesaiase 3:14

Nâlegaᴋ aivoᴋ erᴋartuivingmut inuᴋotime angajoᴋângit attanerijangillo illagivlugit: Perorsêvik vaineliksatalik asserorpasse, aklujullo aᴋsârtaujutigijangit iglupsingnẽput.

Jesaiase 30:28

Anerningalo kôksoatut-ipoᴋ kutjertotut, inûb ᴋungasinganut tikkidlune, nallojut siamartillugit poagitemut asserornartomut, nunaᴋatigêksuillo erᴋimiutaᴋartillugit noᴋilautemik tammanartomik.

Jesaiase 30:31

Assurib Nâlekab nippinga ᴋoaᴋsârutigijomârpâ, issaᴋautingmut annaudlarmago.

Jesaiase 30:33

Ikkoalaviksoaᴋ itsaᴋsoarnit pijarêrsimavoᴋ, attanermuttauᴋ pijarêrsimavoᴋ, ittijôvlune nerrotovlunelo; ikkoalaviksoarlo ikkomaᴋarpoᴋ ikkomaksaᴋarlunelo amigangitunik. Nâlekab anerningata ikkitsomârpait, orᴋsorutitut kôktotut illingavlune.

Jesaiase 32:1

Ahak, attaneᴋ attaniojomârpoᴋ idluarnermik attortoᴋ, angajoᴋajallo aulatsijomârput erᴋartuitsiarlutik.

Jesaiase 32:7

Uivẽtuble piniarningit idluilukput, piungitunik issumalukpoᴋ, ajulertoᴋ asseroromavlugo oᴋautsinut saeglojunut, aklujoᴋ oᴋauseᴋaralloarpat idluartunik.

Jesaiase 33:22

Nâlegaᴋ erᴋartuijigivavut, Nâlegaᴋ ajoᴋertortigivavut, Nâlegaᴋ attanerivavut; tâpsoma piulivâtigut.

Jesaiase 40:7

Iviksukat pannilerput. nuvugulaillo ᴋunorlerput Nâlekab anerningata suppormagit. Illa, inuit iviksukatitut-iput.

Jesaiase 49:2

Kaneralo saviksoatut ipiktotut illingatipâ, aggame tachalininganut ijertorpânga, kẽnariktomik ᴋargjungortipânga, ᴋargjoᴋautiminelo ijertorpânga.

Jesaiase 61:1

Nalekab Gûdib anerningata ᴋollangiarpânga, Nâlekab mingoarmanga, oᴋautsinik tussarnertunik oᴋâlarᴋovlunga ajulertunut; tillivânga, serᴋomisimajunik õmatelingnik mangipsêrᴋovlunga, parngnanairsimavingnẽtunik ᴋaujititserᴋovlunga anniviksangannik ᴋellaᴋsortaujullo ᴋellarutjârtauniksangannik,

Jesaiase 9:7

Nâlegauvik angijorortitsomavlugo ullapirsauteᴋatsainartitsomavlugo Dâvidib iksivautanganẽpoᴋ attaniovinganelo, âᴋiksorlugo erᴋartuitsiarnermut idluarsainermullo mãnanit issoᴋangitomut. Kilangmiugasaksuit Nâlegangata illungertorninga tamattominga piniaromârpoᴋ.

Jeremia 33:15

Uvlune tâpkonane, naliutomelo tâpsomane, nuitatitsijomârpunga nutaijoᴋtomik idluartomik Dâvidemut; tâmnalo erᴋartuitsiaromârpoᴋ idluarsaitsiarlunalo nuname.

Jeremia 5:28

Koinisimavut, ᴋeblerpullo; ila, idluitulinerme pivaliavut; idluarsailungilat pitjutinik, iliarsûb pitjutinganiglônêt, sulitsiarᴋovlugo; ajoᴋsartûblo idluarᴋutiksanganik idluarsailungilat.

Hosea 6:5

Tamanna pivlugo nalautaijutigut ulimârpakka, ᴋanermalo oᴋausinginut toᴋopakka; erᴋartuinikkalo nuivut ᴋaumajotut.

Sefania 2:3

Nâlegak ᴋenersiuk, ilûnnase sinaungaitose nuname, tâpsoma perᴋojanganik nâlektose; idluarniksak ᴋenersiuk, sinaungainek ᴋenersiuk; ijertortauniangimangâpse Nâlekab ningarningata uvlungane.

Mâlaki 4:6

Tâpsomalo atâtat ômatingit sâtitsomârpait ᴋitornganut, ᴋitorngallo ômatingit atâtanut; tikerᴋonanga nunalo annaudlarlugo ôminarsijaunermut.

Mattêuse 11:5

Tautungitut tautulerput, tussiaktullo pisulerput, kaladlartut kalagungnairput, tussângitut tussalerput, toᴋungajut ômarput, aklujullo oᴋautjauvut oᴋautsinik tussarnertunik.

Mattêuse 5:5

Piloridlarput ᴋenuêtut; nuna pigileramitsuk.

Apostelit Piniarningit 9:1

Saulusele sule ᴋinigiarpok silungnermut toᴋotsinermullo Nâlekab iliniartinginik, ajoᴋertuinerojomullo aivok,

II Korintemiunut 10:1

Uvangale Pauluse kaiblarpapse Kristûsib ᴋenuêninganut kamangitsertorninganullo, uvanga takupsingne nikanarsârtunga apsimanimnele ilerasungitunga ilipsingnut.

Galâtsiamiunut 5:23

Perᴋojat taimailiortut akkerartungilait.

II Tessalônikamiunut 2:8

Idluitulijoᴋ tagva saᴋᴋeromârpoᴋ; tâmna Nâlekab nungutsomârpâ ᴋanerme anerninganut, pêrlugolo tikivingme saᴋᴋijârninganut.

Titusemut 3:2

Kimiglônêt mitauteᴋaratik, akkerartortaililutik, inôtsiarlutik, ningarosujuinermik sakᴋertitsilutik inungnut tamainut.

Jâkobusib 3:13

Kina akunapsingne illisimavlunelo silatuvâ? Tâmna ajungitulinerminik nalonaijaile inôtsiarnerminut, ᴋenuêlunelo silatolunelo.

Takotitaunermik 1:16

Talerpingminullo uvloritjat 7 it tigumiarpait, ᴋaninganillo anijoᴋarpok saviksoarmik ipiktoksoarmik, igluktut kênalingmik, kênangalo seᴋinertut ᴋingarnartotut ᴋaumaridlarpok.

Takotitaunermik 19:11

Kilaglo angmartok takovara, ahâglo horse ᴋaᴋortak, tâpsomalo ᴋângane iksivajok nertornarnermik mikseᴋârnermiglo ateᴋartok, idluartomik erᴋartuivlunelo sorsuklunelo.

Takotitaunermik 19:15

Kaninganillo anijoᴋarpok saviksoarmik ipiktoksoarmik, nelojut unatartaujutiksanganik; mianeriniarpaillo ajaupiamut kikiangmut, tullerniarpâlo iptêjaivik Gûdib ajugaᴋangitovitôjub ilungertudlartub ningausingata vaininganik pitalik.

Takotitaunermik 2:16

ᴋaᴋialerit! pingikuville tikisârniarpagit, sorsugiartorlugit ᴋanerma saviksoanganut.