Jesaiase 11:3 - Labrador Inuttitut Heritage Bible

³ Nâlekamiglo sivorajut ᴋuviagijomârpait. Ijîngme takkojangit malliklugit erᴋartuijomângilaᴋ, siutîngmelo tussartangit malliklugit idluarsaijomângilaᴋ.

Jesaiase 11:3 Iomraidhean Croise

II Samuel 14:17

Kivgaillo issumaᴋalaukpok: Nalekama attanniub oᴋausingit manigoiniôjuksauvut uvamnut; nalegara attannek Gudib Engelingatut îmat, tussarungnarmat sunamik idluarmangat idluimangallonêt. Tamanna pivlugo, Nalekab Gudivit illaginiarpâtit.

II Samuel 14:8

Attanniub arnak oᴋautiva: Angerarit, pivlutit perᴋojijomavunga.

I Atannit 3:28

Idluarsainerlo tamânna, atanniub attorlauktanga tusaumajaulerpok Israelitit ilûnnnamasianginut, atannerlo sivoragivât; takkogamik Gûdib ilisimaninga tapsomanêmat, idluarsainermik attorlune.

I Atannit 3:9

Taimâk kivgait omamik Nâletseriartomik tunnitsivigilauruk, inuᴋotingnik idluarsaijungnarᴋovlugo, tukkisilerᴋovlugolo sunamik idluarmangât, idluimangâllonêt. KiNâle sappingilâk inugasaksoakotitit taimâk unuktigijôjut idluarsarungnarlugit?

Hiobe 12:11

Siutib oᴋâlanek nautsertorlungiᴋaûk? ᴋilaublo nerᴋiksat ikpigingilagît.

Hiobe 34:3

Siutib oᴋâlanek nautsertormago, ᴋanniublo, nerᴋiksak ikpigivâ.

Salomob Okâl 2:5

Tagva sivôranek Nâlekamik tukisilârpet, (timerolârpet) ilitarksinerlo Gûdemik nachvârniarpet.

Salomob Okâl 2:9

Tagva tukisilârpotit idluarnermik nâmanermiglo, Apᴋomiglo nachojomik ajungitomiglo ilûnânik.

Jesaiase 33:6

Uvluksatillo terlingnaromârput, piulijaujutiksat, illisimanartullo, illitarsijutiksallo amigaromângimatta; nâlengneᴋ Nâlekamik pituarijomârpâ.

Hesekiel 45:8

Nuna tamanna pigijaksarivâ Israêleme, angajoᴋângortitama inuit oᴋumaiksartitaksaringilait kingorngane; nunale tunijaksarivâ Israêlib ᴋitornganginut kinguvârêngit maliklugit.

Migga 4:3

Erᴋartuijomârporlo inôᴋatigêksuit unuktut akorngane, inôᴋatigêksuillo aᴋtornartut inerterlugit ungasiktomit; saviksoatiglo katjugomârpait ibjomik makperteraijûtingorlugit, ᴋalugiatiglo iviksukatautingorlugit; nunaᴋatigêt nalîllônêt assimingnut saviksoarmik atorungnairomârput, unatadlarnermiglo iliniarungnairomârput.

Lukase 2:52

Jêsuselo silatulerpalliadlarpok, inumariolerpalliavlunelo, saimaneksivalliavlunelo Gûdeme inungnelo.

Johannese 2:25

Inungmiglo nelojungnaititaujariaᴋangilak kimullônêt; ᴋaujimatsiarame inûb ilumigijanginik.

Johannese 7:24

Kalinetuinak maliklugo erᴋartuiniarase, erᴋartuinermigle idluartomik erᴋartuileritse.

Ebrêerinut 5:14

Inersimajulle nerᴋiksaᴋ pitsartujoᴋ nerᴋigijaksarivait, imaitut: sungiutjinermut illisimatitaujunik issumalit, nelojungnairungnarlugik ajunginerlo ajornerlo.

I Samuel 16:7

Nalegarle Samuelemut oᴋarpok; Takkonârniarnak tautuanik angininganiglonêt; uvanga nachogigapko. Innub takkoningatut pilungimat. Innuk tautukpok ijit sanginêtunik, Nalekable omat nautsertorpa.