Jesaiase 10:6 - Labrador Inuttitut Heritage Bible

⁶ Tillijomavara nunaᴋatigênut nertornalungitunut, perᴋojomavaralo nunaᴋatigênut ningaumajutigijamnut, arᴋtaijaurᴋovlugit aᴋsârtaurᴋovlugillo tullerajartaurᴋovlugillo tâpsomunga aktalukutitut iglut akkornganne.

Jesaiase 10:6 Iomraidhean Croise

Jesaiase 9:17

Taimaimat Nâlekab tâpkoa inôsuktoᴋotingit angutit ᴋuviagingilait, illiarsuᴋotingillo uigarneᴋotingillo nâpkigingilait, tâpkoa illunamasiatik tappatojôngmatta idluitullijôngmattalo, illũnatiglo ᴋaningit sillainartoᴋsoarmik oᴋauseᴋarmatta. Tamakkoalle tamaita Nâlekab ningausingata sorairutigingilait, aggangillo issamivut sulle.

Saggaria 10:5

Pitsartujoksoatutitullo îtsomârput, ômigijitik tullerarlugit aᴋilupiarme apᴋosineâlungnêtome unatarvingme; sorᴋsugomârpullo, Nâlekab ilagingmagit; ikimajullo horsinut ila ᴋemalârput.

Jeremia 34:22

Ahâk, perᴋojijomavunga, oᴋarpoᴋ Nâlagaᴋ, utertitsomavlugillo iglugasaksoarnut ukkununga, sorᴋsukvigijomârpaillo, tigulugillo, ikoâlatitsomârpait ikomamut; Judablo iglugasaksoangit sunairutitsomârpakka, inuᴋarungnaimariklutik.

Jeremia 25:9

Ahâk, tilikleromavunga ᴋitorngarêllo avanêtut ilûnaita pijartorlugit, oᴋarpoᴋ Nâlagaᴋ, Nebukadnezarelo, Babilonib ataninga, kivgara; tikiutijomavakkalo nunamut mattomunga, inunginullo, inôᴋatigêksoarnullo avatânêtunut tamainut; nungutitsomamarikpakkalo, ᴋoaᴋsângajutiksangordlugillo, mitautiksangordlugillo, serᴋomakungordlugillo soraijutomik.

Jesaiase 19:17

Jûdablo nunanga Egiptenemiunut erᴋsinaromârpoᴋ, illũnatik tamattominga erᴋailertut ᴋoaᴋsâromârput ᴋilangmiugasaksuit Nâlegangata kajusimaninga pivlugo, kajusimajutigijanga taipkonunga.

Mattêuse 15:7

Takkormôrtose, Jesaiase ilipsingnik nalautailauralloarpok, oᴋarlunalo:

Migga 7:10

Tamannalo ômigijima takolârpâ, uliktaulârporlo kangusungnermut, uvamnut oᴋalauᴋtoᴋ: Nâlegaᴋ Gudît naûk? Ijingma takolârpâ, mânalo tullerajârtaulârpoᴋ sorlo aᴋilupik apᴋosinerme.

Jeremia 4:14

Omatit ubvaruk idluinermit, Jerusalem, piulijaujungnarᴋovlutit. ᴋanoᴋ sivitutigijomik issumavêt idluitut angerarviginiarᴋâtît?

Jeremia 3:10

Sullele tamakkoa pigaloartilugit, najanga tunganaitoᴋ Juda utersimangilaᴋ uvamnut ômamut tamânut, takkormôrdlunele, oᴋarpoᴋ Nâlagaᴋ.

Jesaiase 63:6

Taimaimat innugasaᴋsuit tullerpakka ningaumajârnimne, tallanartomik imertipakka ningaumajârnimne, iptingallo nunamut kovivara.

Jesaiase 63:3

Iptêjaivik tullerpara kissima, illaᴋarnanga inugasaᴋsoarnit. Uvanga tullerpakka ningaumajârnimne serᴋalivlugillo ᴋanningaumajârnimne. Taimaimat iptingata serᴋerarpait annorâkka, ulligalo illũnât salumaitipara.

Jesaiase 41:25

Avangat ᴋairᴋojivunga, tikkiporlo seᴋinerub nuivianit attimnik opigosuktoᴋ. Attanerutsit tikkipait machaᴋtut illingatillugit, machaliortitut tukkartortotut machamik.

Jesaiase 33:14

Idluitullijut Zioneme ᴋoaᴋsârput, piungitut sajungnermut tikkitauvut (oᴋarpullo): Nallipta ikkoma nungutsijoᴋ najorlugo ajungilâ? Nallipta ikkomaᴋsoaᴋ ᴋamisuitoᴋ najorlugo ajungilâ?

Jesaiase 29:13

Nâlegarlo oᴋarpoᴋ: Imâk pivlugo: nunaᴋatigêt tâpkoa ᴋanermikkut najormanga, ᴋangasinâmikkullo opigingmanga, õmatingille ungasiktillugit uvamnit, erᴋsigingmangalo inutuinait perᴋojangit illiniartatik malligaksarivlugit,

Jesaiase 22:5

Uvlorme taipsomane aulajâdlartitsijoᴋarmat asserorsaijoᴋarlunelo ᴋoaᴋsârtitsijoᴋarlunelo Nâlekamit, ᴋilangmiugasaksuit Nâlegangannit pijomik naᴋsame takkotitauviojome. Avaloᴋsuit nakkapait, nippeᴋadlarput ᴋaᴋᴋanut.

Jesaiase 9:19

Kilangmiugasaksuit Nâlegangata ningausinga pivlugo nuna ikkitaumavoᴋ, nunaᴋatigêllo ikkomamut nungutaksaujutitut-iput; ᴋattangutiminik nâpkiniktoᴋangilaᴋ.

Jesaiase 5:29

Nipliadlarput loevititut, nipliavut loeviaraᴋtitut, kallingoarlutik aᴋsârnigarijatik tiguvait angerautivlugillo tigujiniktoᴋangilarlo.

II Samuel 22:43

Toggarlugit serᴋallititsomavakka sannektitut nuname, allorluktitut apᴋosinerme serᴋallititsomavakka, siamartitsomalugillo.

Jesaiase 5:5

Mãnalo ᴋaujititsomavapse, ᴋanoᴋ perorsêviga vaineliksatalik piniarvigijomârapko. Sappûlutangit pêjaromavakka asserortaurᴋovlugo, avalungillo serᴋomitsomavakka tullerajartaurᴋovlugo.

Jesaiase 5:25

Taimaimat Nãlegaᴋ katsungaitomik ningalerpoᴋ inuᴋotiminut, agganelo issakpait tâpkonunga, pattakpaillo, ᴋaᴋᴋat sajukpiluktillugit timingillo toᴋungajut aktarlukkutitut egidlugit apᴋosinermut.

Jesaiase 7:17

Nâlekable Assiriab attaningagut igvit nunaᴋatitillo atâtavillo inuᴋotingit tikkitaurᴋojomârpâse uvlunut nalleᴋangitunut Efraimib aviningata Jûdamit kingorngane.

Jesaiase 8:8

Achevlunelo Jûdamut ulligomârpâ ullutsautillugolo inuit ᴋongasingit tikkidlugit, esarᴋûngnelo issividlugik nunaᴋotit illũnât illumeromârpâ, Imânuele.

Jesaiase 24:5

Nunalo ivsornarsivoᴋ inungme attânne, perᴋojat nâlalungimagit, inatsinerit tappagingmagit, angersimanerlo soᴋᴋosijuitoᴋ kamagijungnairlugo.

Jesaiase 32:6

Sillaitoᴋ sillainartomik oᴋauseᴋarpoᴋ, õmatingalo pijaksaungitomik pinasuarpoᴋ, nãmangitullijomavlune oᴋalugomavlunelo tammarnartomik Gûde pivlugo, tarnit kâktut nerᴋiksairutijomavlugit, imeruktullo imiksairutijomavlugit.

Jesaiase 33:1

Kappianarmek igvit asserorsaijotit, nangmineᴋ asserortaulungigalloartotit sulle; igvillo aksorôtjijotit, nangmineᴋ aksorôtijaulungigalloartotit sulle. Asserorsainit pijarêrungne, igvittauᴋ asserortaujomârpotit; aksorôtjineᴋ nãmaksigungne, igvittauᴋ aksorôtijaujomârpotit.

Jesaiase 49:17

Kitorngatit tuavitsomârput, illingnik serᴋomitsijut asseroijullo aularomârput illingnit.

Jesaiase 49:25

Imâgle Nâlegaᴋ oᴋarpoᴋ: Illâle! sangijoᴋsaoᴋ aᴋsârtaujomârpoᴋ parngnanairsortaurᴋojaminik, pimmariutertub aᴋsârnigarijangit annijomârput; akkerartortitit uvanga akkerartoromârpakka, ᴋitorngatillo uvanga piulijomârpakka.

Hesekiel 29:20

Nuna Egipten tunivara tâpsomunga akkiliutiksauᴋovlugo kivgartornerijanginut, kivgartormanga, oᴋarpoᴋ Nâlegaᴋ Nâlegaujoᴋ.

Hesekiel 38:12

Aᴋsârnigomavlutit arᴋtaijomavlutillo; aggaktillo issagomavlugit inuêrutilauᴋtunut mânale inuᴋarmijunut, inungnullo katersortaujunut inôᴋatigêksoarnit, nergjuteᴋalertunut perᴋuteᴋalertunullo, nunab ᴋerᴋane nunaᴋartunut.

Hesekiel 38:13

Sibab, Dedaniblo, Tarsisiblo niuverniartingita, loevearaillo tâpkonanêtut ilûnatik, oᴋautilârpâtit: Tamaungarᴋêt aᴋsârnigomavlutît? Katimgajoᴋsoatit katitivigît arᴋtaijomavlutît? Silbere goldelo aularutijomavlugit, nergjutillo perᴋutillo tigujomavlugit, unuktut aᴋsârnigarijomavlugît?

Habakûb 1:12

Igville, Nâlegaᴋ Gûdiga, ivsornaitoᴋotiga, isoᴋangitoᴋsoarmit tâmnautsainalungilatît? Toᴋoniatsangilagut. Tâmna pidlaraksautilauᴋpat, Nâlegaᴋ; igvit ᴋairtôjotit, tâmna sugiartiksautilauᴋpat.

II Atannit 18:25

Issumavîlle, uvanga Nâlegak pinago tamaungarama iglugasaksuit tamakkoa asserorlugit piᴋovlunga? Nâlekab oᴋautilaukpânga: Majorarit takpaunga nunamut omunga, asserorlugolo.

Jesaiase 8:4

Nukappiarârsuk oᴋarungnalerᴋârtinnago: atâtâk, anânâk — tagva Damaskusib akluitoᴋsôningit Samâriamiullo aᴋsârnigarijangit nangmartaujomârput Assiriamiut attaningata sângagut.