Jesaiase 10:2 - Labrador Inuttitut Heritage Bible

² Aklujut ajaktorlugit erᴋartuivingmit, ajoᴋsartullo inuᴋotima akkorngannẽtut idluarᴋutiksangit kamaginagit, uigarnerit perᴋutigijomavlugit illiarsuillo aᴋsâromavlugit.

Jesaiase 10:2 Iomraidhean Croise

Hiobe 31:16

Ajoksartut kajungernerijanginnik kippilugvigilaukpakkâ, uigarnerillo ijingit perlerᴋolaukpakkâ?

Imgerut 94:6

Uigarnerit, tujormijallo naktertipait, illiarsuillo toᴋᴋopait.

Exodus 23:6

Idluarnek sangutitaksarilungilat patangajomit erᴋartortaulertilugo.

Salomob Okâl 22:22

Aklujok aksartailiuk, akluninga pitjutigillugo; pattangajorlo idluitullivigitailiuk iglugasaksuit itterviksoanganne.

Salomob Okâl 30:14

Inungnik saviksoaᴋartunik kigutit iningine, saviᴋartunniglo erklerpait inningine, nungutsijuniglo pattangajunnik nuname, aklujuniglo inuit akkorngane.

Jesaiase 1:17

Ajungitullileritse idluarsaineᴋ pinasuarlugo, pimmariutertut inerterlugit, illiarsuit serngnigivlugit uigarnerillo illinganingine ikajorlugit.

Jesaiase 1:23

Attaneᴋotitit tapatovut tigliktoᴋsuillo illagivait, tâpkoa illũnatik akkiliusianik pijomadlarput, pilliusianiglo pinasuarput, illiarsuit serngnigilungilait, uigarnerillo illinganingit kamagingilait.

Jesaiase 29:21

Inungnik passiklertut idluiluktomik oᴋausetuinaᴋ pivlugo, inerterijunik ᴋaggimiovingme tammartitsijut, idluartomik asseroijut pitjuteᴋaratik.

Jesaiase 3:14

Nâlegaᴋ aivoᴋ erᴋartuivingmut inuᴋotime angajoᴋângit attanerijangillo illagivlugit: Perorsêvik vaineliksatalik asserorpasse, aklujullo aᴋsârtaujutigijangit iglupsingnẽput.

Jesaiase 3:15

Sôᴋ inuᴋotikka nungutipissigîk aklujullo asserorlugit? taimak oᴋarpoᴋ Nâlegaᴋ ᴋilangmiugasaksuit Nâlegangat.

Jesaiase 32:6

Sillaitoᴋ sillainartomik oᴋauseᴋarpoᴋ, õmatingalo pijaksaungitomik pinasuarpoᴋ, nãmangitullijomavlune oᴋalugomavlunelo tammarnartomik Gûde pivlugo, tarnit kâktut nerᴋiksairutijomavlugit, imeruktullo imiksairutijomavlugit.

Jesaiase 5:23

Idluitullijunik passijaksaujungnairtitsijut pilliusiat pitjutigivlugit idluartullijullo aᴋsârlugit idluarningannik.

Jesaiase 5:7

Imaiporle: Kilangmiugasaksuit Nâlegangata perorsêvia vaineliksatalik tagva Israêlikkut, Jûdablo angutingit tagva illijivigijanga (perortuksanik) ᴋuviagijanga. Idluartullinermik nerriugame, aksorûtjineᴋ takkovâ; idluarnermik nerriugame, ogguarneᴋ tussarpâ.

Jesaiase 59:15

Nallâgôrneᴋ assiomavoᴋ, idluituniglo attoromairtoᴋ serngnigijeᴋangilaᴋ. Tamanna Nâlekab tautukpâ idluaringilâlo, erᴋartuitsiartoᴋarungnairmat.

Jeremia 7:6

Oᴋumaiksartitsilungikupse takorngartanik, iliarsungniglo, uigarnerniglo, kovisilungikupselo aungmik passijaksaungitomik tamâne, malilungikupselo Gudib assinginik idluiluᴋutiksapsingnut;

Jeremiab Ogguarutigijangit 3:35

Inûb idluarsartaujutiksanga mumiklugo poktonerpângojûb kênangata sângane,

Hesekiel 22:7

Ilipsingne atâtat anânallo naggogijauvut; takorngartat oᴋumaiksartitauvut; ilipsingne iliarsuit uigarnerillo nâmangituliviovut.

Amos 2:6

Imâk oᴋarpok Nâlegak; Idluitulinerit pingasut sitamallônêt pivlugit Israêl pidlartautailititsomângilara; idluartut aulaingmagit silberemut, ajoksartullo kamiksiniutigilugit;

Amos 2:7

Anernârsulivullo nunab saningit aklujut niaᴋunginêtok pijomavlugo, sinaungaitullo apᴋutingat sangutipât; angut atâtangalo tutingnikpuk uigasungmik tâpsomingatsainak, attera ivsornaitok naggonartitsomavlugo;

Amos 5:19

Sorlo loevemit ᴋemâjoᴋartilugo, aklablo pârpâ, ubvalo sorlo iglomut itertoᴋartilugo ᴋarmak ajakparpâ, ᴋuglugiaralublo ᴋêvâ.

Migga 3:1

Oᴋarpungalo, Nâlalauritsetôᴋ, angajoᴋaujose Jâkokune, ilipselo Israêlib ᴋitorngangita aulatsijingit; idluarsainermik ᴋaujimajuksaungilasê?

Mâlaki 3:5

Kiglisiniarlungalo najoromârpapse, erinesuavlungalo angakuit, assiniartullo, saglovlutiglo angertut kigligiutjivigijomârpakka; oᴋumaiksartitsijullo kivganik ikajusingine, uigarnerniglo, illiarsungniglo, arᴋtainiktullo takorngartanik idluarijanginik, sivôralugatiglo uvamnik, oᴋarpoᴋ Nâlegaᴋ Zebaot.

Mattêuse 23:13

Kappianamêk ilipse, aglangnik ilisimajut Farisêerillo, takkormôrtose! Nâlegauvik ᴋilangmêtok parngnanairapsiuk, inuit iterᴋonagit! Ilipse itertuksaunase, iteromajulle iterᴋongilase.