Jesaiase 10:1 - Labrador Inuttitut Heritage Bible

¹ Kappianarmek illusernik piungitunik illuseᴋarᴋojijut, aglangnik siorniûtiksaujunik aglakpaktut,

Jesaiase 10:1 Iomraidhean Croise

I Atannit 21:13

Tagva angutik uivêtuk sangeriartorpâk, inugasaksuillo sângine Nabote pasivâk oᴋarlutiglo: Nabotib Gûde atannerlo oᴋarnerlotigilaukpak. Tagva tessiorpât iglugasaksuit sillatânut milliorpâllo toᴋolugo.

Imgerut 58:2

Ila pijarelluse idluitullivose nuname, noᴋaraselo aggapsingnut piniarlungnernik attorpose.

Exodus 23:3

Inuglo aklujok nertoraksarilungilat akkerartorninga pivlugo.

Exodus 23:6

Idluarnek sangutitaksarilungilat patangajomit erᴋartortaulertilugo.

Jesaiase 29:21

Inungnik passiklertut idluiluktomik oᴋausetuinaᴋ pivlugo, inerterijunik ᴋaggimiovingme tammartitsijut, idluartomik asseroijut pitjuteᴋaratik.

Jesaiase 3:11

Kappianarmêgle idluitut; illingatsialungilat, aggangita sannajanginik akkiniartaujomâramik.

Jesaiase 3:14

Nâlegaᴋ aivoᴋ erᴋartuivingmut inuᴋotime angajoᴋângit attanerijangillo illagivlugit: Perorsêvik vaineliksatalik asserorpasse, aklujullo aᴋsârtaujutigijangit iglupsingnẽput.

Jesaiase 5:11

Kappianarmêk taipkoa uvlârorpaktut imiksaᴋ tallanartoᴋ pinasuarlugo, unnuamullo iksivajut vainemut ônartitauvlutik.

Jesaiase 5:18

Kappianarmêk amuasût idluitomik aklunâtigut nãmangitullivlutik, ajortomiglo uniutatigut sôrlo.

Jesaiase 5:23

Idluitullijunik passijaksaujungnairtitsijut pilliusiat pitjutigivlugit idluartullijullo aᴋsârlugit idluarningannik.

Jesaiase 5:8

Kappianarmêk pititsivalliajut iglunik igloᴋotimik sanniannut perorsêvingniglo perorsêviᴋotimik sanniannut, inniksaᴋarungnairtillugo; kissipselo nuna innigijomavasse.

Jesaiase 59:13

Nâlegaᴋ tunnugaptigo missiarutigivlugolo, nâlegungnairlugolo Gûdivut, taisinerdlukluta aksorôtjijomanermik tappatojomanermiglo, oᴋautsit uivêriklernartut illumiutarivlugit annitillugillo õmatiptingnit.

Jesaiase 59:4

Idluarnermik attortoᴋangilaᴋ, nallâgôrtomik erᴋartuijoᴋangilaᴋ. Piungitunik tattiksaᴋarput, saeglonernik oᴋâlavut, pijaksaungitunik illumiutaᴋarput, oᴋumainartuniglo saᴋᴋertitsivut.

Jeremia 22:13

Kapianarmêk igluksaminik igloliortoᴋ idluartomungitoᴋ, iglutsiaksaminiglo idluitulinermut; inôᴋatiminik sanaᴋojijoᴋ akkilernagolo, tunidjivigitaililugolo akkiliusiaksarijanganik;

Amos 2:7

Anernârsulivullo nunab saningit aklujut niaᴋunginêtok pijomavlugo, sinaungaitullo apᴋutingat sangutipât; angut atâtangalo tutingnikpuk uigasungmik tâpsomingatsainak, attera ivsornaitok naggonartitsomavlugo;

Migga 6:16

Omrib maligaksauᴋojangit maliktaungmatta, Ahabiblo ᴋitorngangita piniarningit, arvertarposelo tâpkoa ilusioᴋojangit maliklugit; tamanna pivlugo asserornerlukungortitsomârpapse, nunablo inungit mitautiksangordlugit; inuᴋotimalo naggonarningat nangmalârpase.

Habakûb 2:12

Kapianarmêk iglugasaliortoᴋ aungmut, iglugasaksoarniglo tungatitsijoᴋ idluitulinermut.

Habakûb 2:15

Kapianarmêk inuk inôᴋatiminik imertitsijoᴋ, toᴋonartomiglo akkulugo, talatitsijorlo tâpsominga, kangusûtigijanga takojomavlugo.

Habakûb 2:19

Kapianarmêk ᴋejungmut oᴋartoᴋ: Tupalerit! ujarᴋamullo nipliajuitomut: Makigit! Tamanna ajoᴋertuiniarᴋâ? Ahâk, goldemik silberemiglo ᴋagleᴋarpoᴋ, iluminele anerneᴋangimarikpoᴋ.

Habakûb 2:6

Tâpkoa ilûnnatik adsiujomik atorniangilât tâmna pivlugo, oᴋausiovaktomiglo mitauteᴋartomik tâmna pivlugo, oᴋarlutik: Kapianarmêk pigingitaminik piᴋangârniartoᴋ! ᴋanoᴋ sivitutigijomîk? Kalerêktitsijorlo satoraksanik ingminut.

Habakûb 2:9

Kapianarmêk idluitomik piksarsiortoᴋ inûᴋotiminut, ublolioromavlune poᴋtojome, piulijaujomavlune idluitûb agganginit.

Mattêuse 11:21

Kappianamêk, Korazin! Kappianamêk Betsaida! Tirusemelo Sidonemelo taimaitunik tatamnartunik pijokalaukpat, sorlo ilipsingne; itsak pôksaijatuinarnik annorâᴋardlutik argjamêdlutiglo ᴋaᴋialerajalaukput.

Mattêuse 23:23

Kappianamêk ilipse, aglangnik ilisimajut Farisêerillo, takkormôrtose! Perortoarsuit tippigiktut tauvluᴋutiksallo tallimaujunginik tunijigapse; perᴋojanêtullo pijariarᴋortonerpângit tunupase, imaitut: idluarnerlo, nâpkiningnerlo, okpernerlo! Makkoa piniaraksarivase, ipkoalo iperarnagit.

Mattêuse 23:27

Kappianamêk ilipse, aglangnik ilisimajut Farisêerillo, takkormôrtose! Iluvertitut mingoarsimajutitun-inapse; silatingit ânanaujârput, ilungille tattaput toᴋungajut sauninginik mamaitoâlungniglo.

Mattêuse 23:29

Kappianamêk ilipse, aglangnik ilisimajut Farisêerillo takkormôrtose! Nalautaijut iluvingit sanagapsigik, idluartullo iluvingit ânanausigapsigik.

Mattêuse 26:24

Inûb Erninga ainiaralloarpok, sorlo tâpsominga aglaksimajoᴋarmat; inugle tâmna kappianamêk, Inûb Erninganik pititsiniartok! Inungmut tâpsomunga idluarnersaunajarpok, erniangongikune.

Lukase 11:52

Kappianamêk ilipse, aglangnik ilisimajut, ilisimanartub pêrutânik peᴋarapse. Ilipse iterniangilase, iteromajullo agviarpase.

Johannese 19:6

Ajoᴋertuijoksuillo kivgallo takogamitsuk, ᴋaggudlalerput oᴋarlutiglo: Kikiaktoruk, kikiaktoruk seningajolingmut. Pilâtusib oᴋautivait: Ilipse tigusiuk kikiaktorlugolo, pasitiksarsinginama tâpsomane.

Johannese 9:22

Taimâk angajoᴋâgik oᴋarpuk, Jûdit erᴋsigigamikik. Jûdit kajusiᴋatigêjarêrmatta, tâpsominga Kristûseojomik kigligiutsijoᴋarpat, tâmna katimavingmit avitauᴋovlugo.

Jûdasib 1:11

Kappianamêk tâpkoa! Kainib apᴋotigilauᴋtanga atoramitsuk, Balaamiblo tamârnêrilauᴋtanganut perᴋutiniaromamut katakivut, pikablânermingnelo Kôratut nungutauvut.