Jesaiase 1:9 - Labrador Inuttitut Heritage Bible

⁹ Kilangmiugasaksuit Nâlegangata ikkitunik amiakoᴋartingipattigulle, Sodomatut-inajarpogut Gomorratullo illinganajarpogut.

Jesaiase 1:9 Iomraidhean Croise

Genesis 18:26

Nâlegaᴋ oᴋarpoᴋ: Idluartut 50 nagvârupkit iglugasaksoarne Sodomame, tagva iglugasaksuit tamaita issumagijungnairomavakka tâpkoa pivlugit.

Genesis 18:32

Oᴋarporlo: Ningarniarnaktôᴋ, Nâlegaᴋ, tamattomanênaᴋ oᴋarniarama sulle: Tagvane tellimaujortut nagvârtaungikunik? Oᴋarporle: Tallimaujortut pivlugit asseroromangilakka.

Genesis 19:24

Tagva Nâlegaᴋ orᴋsorumik ikomamiglo sillalurᴋojivoᴋ Sodomamut Gomorramullo ᴋilangmit Nâlekamit.

I Atannit 19:18

Uvangalo amiakoᴋarᴋojijomavunga Israelitine 7,000 dinik, serᴋunik ilûnnainik serᴋortorlaungitunik Baalib sângane, ᴋanerniglo ilûnnainik kunnilaungitunik tapsominga.

II Atannit 19:4

Imakkâ Nâlekab Gûdivit tussaromangmangagit Rabsakib oᴋausingit ilunnaita, tillijaumajub angajoᴋaminut Assiriamiut attaninganut, Gûde omatsainartok mittautigilugo, suarlugolo oᴋautsinut, Nâlekab Gûdivit tussarlauktanginut. Tagva igvit amiakojut sulle innugiartoksoarnit tuksiarutigilaukit.

Jesaiase 1:8

Zioniblo pannia amiakôvoᴋ igloarsuktut perorsêvingmẽtotut vaineliksatalingme, udjertorteojub innigijangatut perorsêvingme, iglugasaksoatitut illujaumajutitut.

Jesaiase 11:11

Nâlekablo nalliutome taipsomane amma aggane issagomârpait, inuᴋotime amiaᴋungit pissiarijomavlugit, amiaᴋôjut Assiriamit Egiptenemillo Patrosemillo Etiopiamillo Elamimillo Sinearemillo Hamatemillo ᴋikkertanillo imarbingmẽtunit.

Jesaiase 11:16

Apᴋosinersoaᴋaromârporlo inuᴋotingita amiakunginut, amiakôjunut Assiriamit, sôrlo Israêlitinut pijoᴋalaungmat taipsomane, Egiptenemit aularmatta.

Jesaiase 17:6

Amiakoᴋaromârpoᴋ, sôrlo (amiakoᴋarmat) napârtome orᴋsutalingme, kattaktitsijoᴋartillugo ajaupiamut, paunganik maggungnik pingasuniglõnêt pappingane, sittamanik tallimaniglõnêt napârtub akkerungine, oᴋarpoᴋ Nâlegaᴋ, Israêlib Gûdinga.

Jesaiase 24:13

Nuname nunaᴋatigêllo akkornganne pijoᴋaromârpoᴋ, sôrlo pijoᴋarmat napârtut orᴋsutalît paungaijartauvianne, sôrlolo pijoᴋarmat nunivagvingme vaineliksat paungangita kingorlinginik.

Jesaiase 24:6

Taimaimat ominautiksab nuna nungutipâ, inungillo pidlartauniksamingnik attorput. Taimaimat nunab inungit ikkitauvut, inuillo amiakôjut ikkitôlerput.

Jesaiase 37:4

Nâlegaᴋ Gûdit tussarniangikune Rabsakib oᴋausinginik illũnainik, tillijaumajub angajoᴋâminut, Assiriamiut attaningannut, Gûdemik ômajomik mittauteᴋalerᴋovlugo. Imaᴋâ sugiarniarpâ oᴋautsit pivlugit Nâlekab Gûdivit tussartangit. Tagva igvit amiakôjut, ᴋemaktaujut sulle tuksiarutigilaukit.

Jesaiase 46:3

Jâkokkut illipse, tussalersinga, illipselo Israêlitit amiakungit! erᴋsuktaujose uvamnut anânapse timingata illuanẽnipsingnit, nangmartaujoselo uvamnut nutaraunipsingnit.

Jesaiase 6:13

Inuille unurningita tallimaujortungit tagvanẽtsomârput sulle; taipkoa pititaujariaᴋaromârivut ikkomamut, kissianele — sôrlo terebintemut aigemullo kippaᴋarmat (kippijaukpanik) — taimak taipkoa kippangat kinguvâksauvoᴋ ivsornaitoᴋ.

Jesaiase 65:8

Nâlegaᴋ oᴋarpoᴋ imâk: Sôrlo vainiksatalik nagvârtaungmat paungalukat akkornganne oᴋartoᴋarlunelo: asserorniarnagit, attorungnartunik illaᴋarmatta, — taimailioromârpungatauᴋ kivgakka pivlugit, illũnainiungitoᴋ asseroivlunga.

Jeremia 23:14

Maᴋojungnartomiglo takosimagivunga nalautaijune Jerusaleme; assiniarput, arvertarpullo saglonerme, idluitulijullo aggangit pitsartutipait, sâgiartoᴋarᴋonago idluitulinerminit; uvamnut ilûnatik Sodomatut iput, inungillo Gomorratut iput.

Jeremia 42:2

Oᴋarpullo Jeremiamut nalautaijomut: Kenunivut tôklerletôᴋ kênavit sânganut, Nâlagarlo Gudit tuksiarvigilauruk pivluta, amiakôjullo makkoa tamaita pivlugit; unuktôlauᴋtogut ikitôlerapta amiakôjogut sorlo ijîkpit takungmatigut;

Jeremia 50:20

Uvlune tâpkonane, naliutomelo tâpsomane, oᴋarpoᴋ Nâlagaᴋ, Israêlib idluininga ᴋenertaujomârpoᴋ, pitaᴋarniangilarle; Judablo idluiningit, naipitauniangilalle; amiakôtitakka issumagijungnaivigijomârapkit.

Jeremiab Ogguarutigijangit 3:22

Nâlekab nâpkiningningit pingmatta keta nungutaumarilungilagut, ilapsugosungningit sorairlungimatta.

Jeremiab Ogguarutigijangit 4:6

Inuᴋotima paningata idluituliningata pidlartauninga anginersaungmat Sôdômab idluituliningata pidlartauninganit, tâmna tagvainârtomik asserortaulaungmat, aggangnulle annaujaungilak.

Hesekiel 14:22

Sullele, ahâk, amiakoᴋartuksaulârpoᴋ anigoijunik ᴋemâjomârtunik, ernerniglo, paningniglo; ahâk, tikitsomârput ilipsingnut, takolârposelo ilinganinginik piniarninginiglo: manigortaulârposelo idluitoᴋ Jerusalemut tikiutijara pivlugo, tamaita tâpsomunga tikiutijakka pivlugit.

Hesekiel 6:8

Kissiane ilapsingnik amiakoᴋartitsomârpapse, saviksoarmit anigoijoᴋarᴋovluse inôᴋatigêksuit akorngane, siamarsimalerupse nunanut.

Joel 2:32

Imaitsomârporlo, neliaᴋ Nâlekab attinganut ᴋiagarsuktoᴋ piulijaujomârpoᴋ: ᴋaᴋᴋame Zioneme Jerusalememelo piulijauviksaᴋaromârpoᴋ, sorlo Nâlegaᴋ oᴋarsimangmat, amiakôjunelo Nâlekab ᴋaiᴋojangine.

Amos 4:11

Akunapsingne oggotitsivunga, sorlo taipsomane Gudib Sodom Gomorralo oggotingmagit, ilipselo ilingavose sorlo aumatut ikomamit pêjartaumajotut; sullele utilungilase uvamnut, oᴋarpok Nâlegak.

Habakûb 3:2

Nâlegaᴋ, oᴋautaunît tusarpara, erᴋsivungalo; Nâlegaᴋ suliaksat ômartilaungmiuk jârit ᴋerᴋane; nelonaijaruk jârit ᴋerᴋane; ningarnermelo nâpkiningneᴋ erᴋaumalauruk.

Sefania 2:9

Tamanna pivlugo, sorlo mikseᴋârtomik inôgama, oᴋarpok Nâlegak Zebaot Israêlib Gûdinga, Moabe Sodomatut ituksauvok, Ammoniblo ᴋitorngangit Gomorratut, perornerlukut ôtsiutit, itersallo tarrioktalît, sunaᴋajuitûblo pigilârpait; inuᴋotima amiakungita asserolârpait, inôᴋatigêksoaᴋotimalo amiakungita kingormgutilârpait.

Mattêuse 7:14

Iterviglo nerrokipok, apᴋosinerlo amipok, inôgumut sangmijok, ikitullo nagvârpât.

Rômiunut 9:27

Jesaiasele nipliavoᴋ Israêlib kinguvângit pivlugit: Inuᴋotitit, Israêle, unuktôgalloarpatta siorᴋatitut imab sidjanganêtutitut, amiakôjut tâpkonangat (kissimik) sâgiaromârput.

Rômiunut 9:29

Sorlotauᴋ Jesaiase sivorngagut oᴋalaungmat: Kilangmiugasaksuit Nâlegangata ikitunik amiakoᴋartingipatigut, Sodomatutinajarpogut, Gomorratullo ilinganajarpogut.

Deuteronomy 29:23

Ivjunga ilûnane orᴋsorutiovok, tarriorlo, ikinerlo; karngaviolungilak, nuitajoᴋangilak, iviksuᴋarlônêt perorlungilak tagvane, sorlo Sodomatut Gomorratullo, Admatullo, Zeboimetullo, Nâlekab asserortangititut ningaumajârnermine ᴋaningaumajârnerminelo;

II Pêtrusib 2:6

Iglugasaksuillo Sodoma Gomorralo argjainautilerdlugit pidlalauramigit asserorlugit, erᴋaraksangortidlugit idluitulijunut, kingorngane pijomârtunut;

Takotitaunermik 11:8

Timîgiglo toᴋungajûk silatuinarmêniarpûk iglugasaksuit angijoksuit apᴋosiningane; tâpkoa Anernek maliklugo issumaᴋarasuartunut taijauvut Sodômamik Egiptenemiglo, tagvane Nâlegavut kikiaktortaulaukpok saningajolingmut.