Jesaiase 1:7 - Labrador Inuttitut Heritage Bible

⁷ Nunase sunaᴋarungnairpoᴋ, iglugasaksoase ikkomamut ikkitaumavut, takkorngartat perorsêvise nungupait ijipse sângine, pitaᴋarungnairlunelo sumiglõnêt (nunase) takkorngartarnut mumiksimajotut-ipoᴋ.

Jesaiase 1:7 Iomraidhean Croise

II Kronika 28:5

Tagva Nalekab Gudingata tunniva Siriamut attanningata agganginut; tapᴋoalo ullimarpât, anguvaillo innuᴋotinginit unnuktut, parngnanairsortauvlutiglo aularutivait Damaskusemut. Israelitillo attanningata agganginut tunnijaulaurivok, tapsomalo salagijauneᴋartipa angijomik.

Imgerut 107:34

Nunalo perutsianartok naksangortipâ sioraujalingmut, tâpkoa nunaᴋartut tagvane kassêningit pivlugit.

Imgerut 107:39

Nukkingerotilauᴋârmagit, okkungatilauᴋârmagillo ᴋanoêtub tattininganut, issumajârnermullo.

Imgerut 109:11

Pijomatudlartub pinnasuarligit perᴋutingit tamaita; takkorngartallo arktautigiligit perᴋutingit.

Jesaiase 1:8

Zioniblo pannia amiakôvoᴋ igloarsuktut perorsêvingmẽtotut vaineliksatalingme, udjertorteojub innigijangatut perorsêvingme, iglugasaksoatitut illujaumajutitut.

Jesaiase 3:8

Jerusaleme pâlasimavoᴋ, Jûdalo ochosimavoᴋ, oᴋangita piniarningitalo Nâlegaᴋ akkerartormatsuk, ijîgik nâlengnartoᴋsoâk kamaginagik.

Jesaiase 34:9

Kôngit kutsuâlungoromârput, ivjungalo orᴋsorutingoromârpoᴋ, illa nunangat ablatsaujomârpoᴋ kutsuâlungmut ikkitaumajomut.

Jesaiase 49:19

Nunat inuerutijoᴋ asserortaumajorlo serᴋomitaujorlo nalliutome tamattomane mikkiluaromârpoᴋ inungnut, asseroijullo illingnik ungasikput.

Jesaiase 5:17

Saugârᴋallo iviksukasioromârput nerᴋiksarsiorviᴋarlutik (tagvane), angusalluarsuillo nerᴋiksarsioromârput akluitut innigijaviningine.

Jesaiase 5:9

Siutimnut ᴋilangmiugasaksuit Nâlegangat oᴋarpoᴋ: Ahammarik, iglut unuᴋtoᴋsuit ᴋemaktaujomârput, angijut ânanaujullo inuᴋarungnairomârput.

Jesaiase 6:11

Uvangale oᴋarpunga: Nâlegaᴋ, ᴋanoᴋ sivitutigijomik? Oᴋarvigivânga: Iglugasaksuit asserortauviksangat tikkidlugo, tagvanẽtoᴋarungnairpat, iglullo inuᴋarungnairtitaukpatta, nunalo asserortaulerpat inuerutjauvlune.

Jesaiase 60:15

Kemaktaumagavit nachogijaularpillo, taimaktauᴋ pissuktoᴋarungnairmat illingne, tagva pinarnartitsomârpagit nâksaungitomut ᴋuvianartillutillo kinguvârêt kingordlinginut.

Jesaiase 62:8

Nâlegaᴋ angermarikpoᴋ tallerpine taiᴋassiutivlugo, talline ajugaᴋangitoᴋ: Kingorngane ômigijitit nerrerᴋojungnairomârpakka ᴋaᴋᴋôjaksarnik, takorngartallo imerᴋojungnairomârpakka vainemik nutâmik siorniorutigijarnik.

Jesaiase 64:10

Iglugasaksoaᴋotitit ivsornaitut asserorsimavut, Zione inuᴋarungnairtitaumavoᴋ, Jerusaleme igloᴋarungnairtitaumavoᴋ.

Jesaiase 9:18

Idluitullineᴋ ikkomatut ikkoalangmat ukpiganik perornerdluktuniglo kakkilautilingnik nungutsivlune ikkitsivlunelo ukpiganik napârtoliksoarmẽtunik, iserluksoarmik ᴋongmuartitsivlune.

Jesaiase 9:5

Kammît illũnatik attusût sorsuktuksanut annorâllo sallumaititaumajut aungmut ikkitauvut ikkomamullo nungutauvut.

Jeremia 2:15

Loeviarait ᴋallingoarput tâpsomunga, ᴋuggudlarpullo; nunangallo asserorpât; iglugasaksoangit nungutauvut ikomamut, inuᴋarungnailutik.

Jeremia 4:7

Loeve anisimangmat sittiminit, asserorsaijoᴋ inôᴋatigêᴋsoarnik; ingerarpoᴋ, anisimavoᴋ inniminit; nunat sunairutitsomavlugo, iglugasaksoaᴋotitit nungutsomavlugit inuêrutijomavlugit.

Jeremia 44:6

Tamanna pivlugo ningaumajârnera ᴋaningaumajârneralo kovijauvuk, ikoâlalauᴋpuglo Judab iglugasaksoangine Jerusalemiblo apᴋosineâlungine; tâpkoalo asserortaumavut inuilangorlutiglo sorlo uvlome pingmatta.

Jeremia 6:8

Aᴋilerit, Jerusalem, ômatiga allarᴋonago ilingnit; asserortauᴋonak nunaulerᴋonak inuêrutjausimajomik.

Jeremia 7:34

Judablo iglugasaksoangine Jerusalemiblo apᴋosineâlungine sorairtitsomavakka ᴋuviasuktut serrijullo nippingit, nulianiktublo uiniktublo nippîgingnik; nuna sunairutisimajungoromârmat.

Jeremiab Ogguarutigijangit 5:2

Kingormgutijavut (nunavut) tunijauvok takorngartanut, iglovullo nunaᴋatigilungitaptingnut.

Hesekiel 25:4

Tamanna pivlugo, ahâk, tunijomârpapse kingormgutijaksauᴋovluse taunanêmiut ᴋitornganginut, tâpkoalo tangmârteromârput ilipsingne, nunasivigiluselo; perortoᴋotise nerrijomârpait, imuselo imerlugo.

Hesekiel 30:12

Kôksoangillo imairutitsomârpakka, nunalo aulaijomavlugo inuit idluitut agganginut: nunalo tâpsomanêtullo asserortauᴋojomârpakka takorngartat agganginut; uvanga Nâlegaujunga taimak oᴋarpunga.

Hosea 7:9

Takorngartat nukingêrutivât, tâmnalo missigilungilaᴋ tamattominga; ilâ, ilûnâne ᴋertôvoᴋ, ᴋaujimangilarle tamattominga.

Hosea 8:7

Anoremik karngasoivut, katersilârpulle ulajujaᴋsoarmik; iviksukaᴋangilaᴋ senaugaksanik; sulugainingit senaugaksatârnialungilat; pitârajaraloaruniglo, takorngartat ênajarpait.

Leviticus 26:33

Ilipselo siamartitsomârpapse inôᴋatigêksuit akornganut, kingunipsingnalo saviksoak amujomârpara; nunaselo asserornilukungoromârpok, iglugasaksoaselo sunataᴋarungnairomârput.

Leviticus 26:34

Nunalo tagva merngoerserviksane nakoksijutigilârpait Asserorniluᴋungornine nâvlugo, ilipselo ômigijipse nunanginêtiluse; ilâ, taipsomane nuna merngoerseromârpok, merngoerserviksanalo nakoksijutigilugo.

Migga 5:11

Nunavîllo iglugasaksoangit kipijomavakka, taluksoatillo ilûnaita oggotitsomârpakka.

Migga 6:13

Taimaimat uvangatauᴋ anernadlartomik annauvagit; sunairutivagit idluitulinitit pivlugit.

Deuteronomy 28:33

Nunavît paungangit, senajatillo tamaita inôᴋatigêksuit ilitaringitavît nungulârpait; oᴋumaiksartitautsainalârpotillo, semiktautsainarlutillo;

Deuteronomy 28:43

Takorngartak akunernêtok ᴋolingnut ᴋagverpalialârpok; igvillo aᴋᴋarpaliajomârpotit.

Deuteronomy 29:23

Ivjunga ilûnane orᴋsorutiovok, tarriorlo, ikinerlo; karngaviolungilak, nuitajoᴋangilak, iviksuᴋarlônêt perorlungilak tagvane, sorlo Sodomatut Gomorratullo, Admatullo, Zeboimetullo, Nâlekab asserortangititut ningaumajârnermine ᴋaningaumajârnerminelo;