Jesaiase 1:4 - Labrador Inuttitut Heritage Bible

⁴ Kappianarmêk nunaᴋatigêt idluitullijoᴋsuit, innugasaᴋsuit ajortoliksuit, kassẽtoᴋsuit kinguvângit, ᴋitorngat asserorsaijut, tâpkoa Nâlegaᴋ ᴋemangmatsuk ivlernartitorlo Israêlikkune oᴋarnerlûtigingmatsuk tunnulugo.

Jesaiase 1:4 Iomraidhean Croise

Genesis 13:13

Kissianele Sodomamiut uivêtoᴋsôvut idluitulijoᴋsôvlutiglo Nâlekab sângane.

II Atannit 21:22

Kemmakpâlo Nâlegak, atâtagilauktame Gûdingat, agvertarlungilarlo Nâlekab apᴋosiningane.

II Kronika 12:1

Rehabeamible attaniôvinga pallangêrsimangmat songongmallo, Nalekab perᴋojangit ᴋemmakpait, Israelitillo illunamasiangita tamna illagilugo.

II Kronika 27:2

Pinniarporlo Nalekab namagijanganik, taimaluatsiak sorlo atâtanga Usia pinniarlaungmat; kissiane Nalekab Tempelinganut itterlungimat; innugasaksuille idluitullivut sulle.

Nehemia 1:7

Idluitullivigilaukpaptigit, perᴋojallo, innatsinerillo, idluarnerillo, perᴋolauktatit kivgaᴋotingnut Mosemut, malilaungilavut.

Imgerut 58:3

Gûdeᴋangitut mumiksimavut anânab timinganit; saglojullo tammarput anânab timinganit.

Imgerut 71:22

Tagva ᴋujagivagittauk Psalterisijarnermut nertornarnît pivlugo; imgerlunga nertorpagit Harfesijarlunga, igvit hailigeôjotit Israeleme.

Imgerut 78:40

ᴋannok unnuktoêrtorlutik ningaksalaukpât sunaᴋajuitome, illuluktilugolo innuᴋajuitome!

Imgerut 78:41

Gûdelo ôktutsainalaurivât, sannikteritilugolo Hailigeôjok Israeleme.

Imgerut 78:57

Tunnulaukpullo, nertornartaililutiglo atâtamiktut, katsungainatiglo, pittiksetut ᴋassungajotut;

Imgerut 78:8

Atâtagijangititullo îlerᴋonagit, ᴋittorngarêngolauktutitut ᴋemaijut Nâlekamik, tappatojullo; ômatteᴋalaungitut soᴋᴋosijuitunik, anerneᴋalaungitullo nertornartomik ungajomik Gûdemik.

Imgerut 89:18

Nâlegak sappulutarigaptigo, Hailigeôjorlo Israeleme attannerivavut.

Exodus 32:7

Nalekablo Mosese oᴋautivâ: Atê, atersârit; inuᴋotitit tikiutijatit nunamit Egiptenemit, aserorsarmata nangminermingnik:

Jesaiase 1:23

Attaneᴋotitit tapatovut tigliktoᴋsuillo illagivait, tâpkoa illũnatik akkiliusianik pijomadlarput, pilliusianiglo pinasuarput, illiarsuit serngnigilungilait, uigarnerillo illinganingit kamagingilait.

Jesaiase 1:28

Tapatojoᴋsuille idluitullijullo illunamasiatik asserortaujomârput, Nâlekamiglo ᴋemaijut toᴋotaujomârput,

Jesaiase 10:6

Tillijomavara nunaᴋatigênut nertornalungitunut, perᴋojomavaralo nunaᴋatigênut ningaumajutigijamnut, arᴋtaijaurᴋovlugit aᴋsârtaurᴋovlugillo tullerajartaurᴋovlugillo tâpsomunga aktalukutitut iglut akkornganne.

Jesaiase 12:6

Zionemiôjotit, igiaᴋomijarit, illingne angidlarmat ivlernartitoᴋ Israêlikune.

Jesaiase 14:20

Illuveᴋaᴋatigingilattit, nunaᴋotit asserorangne, nunaᴋatitillo toᴋogangne. Idluitullijut kinguvâksangit erᴋaumajaksaungilat issoᴋangitomut.

Jesaiase 29:19

Ajulertullo ᴋuviasûteᴋaromârput Nâlekame, aklujullo inuit akkornganne serridlaromârput ivlernartitome Israêlikkune,

Jesaiase 3:8

Jerusaleme pâlasimavoᴋ, Jûdalo ochosimavoᴋ, oᴋangita piniarningitalo Nâlegaᴋ akkerartormatsuk, ijîgik nâlengnartoᴋsoâk kamaginagik.

Jesaiase 30:1

Kappianarmek ᴋitorngat tappatojoᴋsuit, oᴋarpoᴋ Nâlegaᴋ, kajusilertut uvanga kamaginanga, anerneralo kamaginago serngnigijiksarsiortut, idluitunik ᴋallerêktitsivlutik.

Jesaiase 30:15

Imâgle Nâlegaᴋ Gûde ivlernartitoᴋ Israêlikkune oᴋarmat: Utterluse utaᴋᴋikupse, piulijaunajarpose, uimajârungnairluse tatteᴋarupse, pitsartuneᴋarajarpose. Kissianele pijomangilase.

Jesaiase 30:9

Nunaᴋatigêt tâpkoa tappatojoᴋsôngmatta, ᴋitorngauvlutiglo saeglojoᴋsôjut, ᴋitorngauvlutiglo tussaromangitut Nâlekab perᴋojanginik.

Jesaiase 31:2

Kissianele tâmnatauᴋ sillatuvoᴋ, ᴋanoetuniglo tikkerᴋojijoᴋ, oᴋautsinelo soᴋᴋosingilait, nikovitsomârporlo, idluitullijut iglungit nãmangitullijullo ikajortuksat pidlaromavlugit.

Jesaiase 37:23

Kina mittautigiviûk oᴋarnerlûtigivlugolo? kinamut nippeᴋadlarᴋêt? Arlorpotit, ivlernartitoᴋ Israêlikkune akkerartorlugo.

Jesaiase 41:14

Sivoraniarnak, Jâko ᴋopergôjotit, Israêlikkut kattimgajose! Uvanga ikajorpagit, oᴋarpoᴋ Nâlegaᴋ. Ivlernartitoᴋ Israêlikkune piulijigivat.

Jesaiase 41:16

Siamartitsomârpattit, anoremullo tiktaujomârput aᴋunamullo pêrtauvlutik. Igville Nâlegaᴋ iggiaᴋomijarvigijomârpat, ivlernartitorlo Israêlikkune nertôtigijomârpat.

Jesaiase 41:20

Takuksaurᴋovlugo illitarijaurᴋovlugolo, mallugijaurᴋovlugo tukkisijaurᴋovlugolo, Nâlekab aggangit tamakkoninga piniarmatta, ivlernartitorlo Israêlikkune tamakkoninga pingortitsingmat.

Jesaiase 5:19

Oᴋauseᴋartut imâk: Tuavilune piniasârle, piniaraksaminik takkurᴋovluta, ivlernartitublo Israêlikkune kajusijutigijanga ᴋaglilerle tikkisarailunelo, tukkiserᴋovluta tamattominga.

Jesaiase 5:24

Tamanna pivlugo, sôrlo ikkomab ikkoalajub ivivinît nungungmagit, sôrlolo iviksukat pannertut ikkoalajut ochongmatta, taimaktauᴋ taipkoa amângat auniojomârpoᴋ nuvugulângillo sanniktut tiktaujomârput, ᴋilangmiugasaksuit Nâlegangata perᴋojangit kamagingimagit, ivlernartitublo Israêlikkune oᴋausingit nachogingmagit.

Jesaiase 57:17

Pijomatudlarnermut idluitullingmatta, ningaumajârvigivakka sugiarlugillo (ijerlunga ningarlungalo), tagva kingumut arvertarput apᴋutigijomajamikkut.

Jesaiase 58:2

Uvlut tamaita appersorpânga, apᴋutigijaksaurᴋojakka ᴋaujijomadlarpait, inuktitut idluartullitsainartutitut nâlatsiatsainartutitullo Gûdimik perᴋojanginik illiorlutik erᴋartuijartorᴋovânga idluartomik, tussuvullo Gûdemut najortaujomavlutik.

Jesaiase 65:11

Illipsele, Nâlekamik ᴋemaijose, ᴋaᴋᴋamniglo ivsornaitomik puigortose, nerrimârviksoarmik âᴋiksoijose Gâtemut, imiksamik amigangitomik kovisijose Mênimut,

Jesaiase 65:3

Tamadja inuit ningaumajârtitsitsainartut uvamnik kênama sânganêdlutik, tunergutiksanik ᴋaitsijut perorsêvingne, tippitsiariksaumiglo ikkoalatitsijut ivitât ᴋangine,

Jesaiase 9:17

Taimaimat Nâlekab tâpkoa inôsuktoᴋotingit angutit ᴋuviagingilait, illiarsuᴋotingillo uigarneᴋotingillo nâpkigingilait, tâpkoa illunamasiatik tappatojôngmatta idluitullijôngmattalo, illũnatiglo ᴋaningit sillainartoᴋsoarmik oᴋauseᴋarmatta. Tamakkoalle tamaita Nâlekab ningausingata sorairutigingilait, aggangillo issamivut sulle.

Jeremia 15:6

Iperarsimavarma, Nâlagaᴋ oᴋarpoᴋ, kingupiartorsimavotit; taimaimat aggakka issaksimavakka ilingnut asserorlutit; nâpkiningnermik merngortudlarpunga.

Jeremia 2:13

Inuᴋotikka maggungnik idluitulisimangmatta; ᴋemakpânga uvanga puailaviojunga ômanartomik imalingmik, sanavlutiglo imeᴋarviksanik, imeᴋarviksanik piotsangitunik imeᴋarungnangitunik.

Jeremia 2:17

Tamanna pitilaungipiûk nangminernût, Nâlagaᴋ Gudit ᴋemakangne tasiornigomajoᴋ ilingnik apᴋomê?

Jeremia 2:19

Idluitulinivît sugialârpâtit, kingupiartornivîllo inertilârpâtit. Taimaimat ᴋaujimalerit tukkisilutillo idluitoᴋsôdlarmat kiksarnarlarmelo Nâlagaᴋ Gudît ᴋemakangne, sivôranarneralo ilingnêngimat, Nâlagaᴋ Nâlagak Zebaot oᴋarpoᴋ.

Jeremia 2:31

Kinguvârêngojose ilipse, kamagitse Nâlakab oᴋausinganik. Sunaᴋajuitôlauᴋsimavingâ, nunatullônêt tâᴋtoᴋsoaliktut ilingalauᴋsimavingâ Israêlimût? Suna pivlugo inuᴋotikka oᴋarᴋât: Pitûdjarpogut; tikitsomairpogut ilingnût?

Jeremia 2:33

Iluserijatit pinnarnarsitipatit nagligijaujomavlutit! Taimaimallo arnat idluitulijut aglat ajoᴋertorpatit ilusilungnernik.

Jeremia 2:5

Imâk Nâlagaᴋ oᴋarpoᴋ: Sumik idlaungitomik atâtagilauᴋtase nagvâlauᴋât uvamne ungasidlarmatta, sunaungitullo ungagidlarlugit, piojoridlarlutiglô?

Jeremia 32:32

Israelib ᴋitorngangita Judablo ᴋitorngangita idluituliningit ilûnaita pitjutigivlugit, piniarnerijangit uvanga ningarsâromavlunga, tâpkoa, ataningitalo angajoᴋângitalo, ajoᴋertuijungitalo, nalautaijungitalo, Judablo angutingita Jerusalemiblo inungita.

Jeremia 50:29

Pitiksilît katimaᴋolersigik Babiloneme, ilûnaita pitiksimik ᴋellusijungnartut; ilumavlugo tangmâritse avatâne; aulartoᴋarniarane; suliarijangit maliklugit akkiniarsiuk; piniarnerijangit maliklugit piniarvigisiuk; iktoriktaidlarmat Nâlakamut, Israêlib ivsornaitoᴋsôjunganut.

Jeremia 51:5

Israêle ᴋemaktaulungimat Gudiminut, Judalônêt Nâlakamut Zebaotemut; nunangat tatadlaraloartilugo tapatonermik Israêlib ivsornaitoᴋsôjunganik.

Jeremia 7:19

Ningarsârpângale? Nâlagaᴋ oᴋarpoᴋ, nangmineᴋ kangusûtiksarijamingnik sanangilât?

Jeremia 7:26

Tusaromalaungilângale, mannijilaungilallo siutimingnik, tatitojoᴋsôvulle; sugaluluartulivut atâtagijamingnit.

Hesekiel 14:5

Nappersiᴋovlunga Israêlib ᴋitorngangita ômatinginik, ilûnatik avilaungmatta uvamnit gudingoaliarijatik pivlugit.

Hesekiel 16:33

Anguniarpaktut pilitausôngovut piliutinik: igville piliutitit tunivatit ajortuliᴋatigijarnut tamainut, pajuklugillo, ilûnânit tikiᴋovlugit ilingnut ajortuliᴋatigilutillo.

Hesekiel 16:45

Anânavit panigivâtit, aipaminik ᴋitorngaminiglo ariutsijub; ᴋatangutivillo ᴋatangutigivâtit, tâpkoalo ariutsilaurivut aipamingnik ᴋitorngamingniglo; anânait Hetitereolauᴋpoᴋ, atâtaillo Amoritereolauᴋpoᴋ.

Daniel 9:11

Ilâ, Israêlitit ilûnamaritik piᴋojatit tapagivait, ᴋalusirialutik aglât nippît tusaromanago; tamanna pivlugo ôminarᴋojiniᴋ kovijauvoᴋ uvaptingnut, angimaringnerlo aglaᴋsimajoᴋ Mosesib Gudib kivgangata piᴋojangine, idluitulivigigaptigo.

Sefania 1:6

Ipkoalo ᴋeviartut Nâlegak maligungnailugo; ipkoalo Nâlekamik ᴋenilungitut aperᴋutiginagolo.

Numbers 32:14

Ahâglo, ilipse makipose atâtase inangerlugit, inuit idluitut unuksisimajose, Nâlekab ningarninga ilungertortoᴋ Israêlikunut aglititsomavlugo.

Mattêuse 11:28

ᴋaititse uvamnut tamapse, ajulertose kappiasuktoselo, nakoᴋsititsomavapse.

Mattêuse 23:33

Kuglugiangojârtose, ᴋuglugiarâlôjârtose, ᴋanok ilivluse erᴋartortaumaneᴋ kappianartolik ᴋemâjomavisiûk?

Mattêuse 3:7

Farisêerillo Saduzêerillo unuktut tikitine baptitsivingminut takogamigit, oᴋautivait: Kuglugiangojârtose ilipse, kia ᴋemâᴋovâse ningautsemit pijomârtomît?

Rômiunut 8:7

Uvingub issumanga Gûdemik ômisungniongmat; Gûdib perᴋojangit nâlagomanginamigit, saperpaillo.

I Korintemiunut 10:22

Nâlegarlônêt ningarosuktitsomavitigô? Tâpsomangat pitsartunersauvitâ?

Deuteronomy 29:25

Oᴋartoᴋaromârpok tagva: ᴋemailaungmatta Nâlekab, atâtagijangita Gûdingata, angerᴋatigêngnerijanganik naᴋitertanganik tâpkonunga tikiutilaungmagit nunamit Egiptenemit;

Deuteronomy 31:16

Nâlekablo Mosese oᴋautivâ: Ahâk, atâtagilauᴋtatit siniᴋatigilârpatit; inuillo ukkua nikovijomârput, Gûdillo takorngartat, nunab aivigijangita pingit, assiniarᴋatigijomavlugit, ᴋemagomârpângalo, angerᴋatigêngneralo âᴋiksortara tâpkonunga, serᴋomilugo.

Deuteronomy 32:19

Nâlekablo takolauᴋpâ tamanna, maᴋojugilugolo, erningita paningitalo naggosartautigigamigit.

Deuteronomy 32:5

Tâpkoa asseroivut ilagêngnermik tâpsomunga, ᴋitorngaulungilat tâpsomunga, ingmingnut kangusutiksauvut; kinguvângovut mumiksimajut kiglormôrtullo.

Kolossamiunut 1:24

Mâna ᴋuviasukpunga kappianartome atortamne pivluse; kappianarnerillo Kristûseme sulle pijariaᴋartut uvinimne nâmaksitiniarpakka timinga pivlugo, tagva ilagêt pivlugit;

Takotitaunermik 18:5

Ajortuliningit tôrmatta ᴋilangmut, Gûdiblo issumagivait idluituliningit.

Idluarsaijut 10:10

Tagva Israelib ᴋitorngangit nipliarput Nâlekamut, oᴋarlutiglo: Idluitullilaukpogut illingnut: Gûdivut ᴋemalauraptigo, Baalelo kivgartorlaukpavut.