Jesaiase 1:16 - Labrador Inuttitut Heritage Bible

¹⁶ Ubvaritse illipsingnik epᴋêjarluselo; idluitullinise pêjarsigik ijimnit idluitullijungniarluselo.

Jesaiase 1:16 Iomraidhean Croise

II Atannit 17:13

Nâlekablo Israelitit Judakullo tennersarlaukpait nallautaijoᴋotimigut ilunnaitigut, takkojoᴋotimigullo, oᴋautsaukovaillo: Utteritse apᴋotipsingnit idluitunit, mallikluselo perkojamnik, innatsinimniglo; perkojat ilunnatik malliklugit atâtagijapsingnut perkolauktakka, tillikliutilauktakkalo illipsingnut kivgakotipkut nallautaijutigut;

Imgerut 26:6

Aggakka ubvarpakka passijaksaunginerme; Altareᴋotillo, Nâlegâk, ungagivara;

Imgerut 34:14

Idluinek allaruk, ajungitullilutillo; ullapirsaumik ᴋenneruk unangmilugolo.

Imgerut 37:27

Idluinek ipperaruk ajungitullilutillo, innilangatsainarlutillo.

Imgerut 51:2

Ubvatsialaunga idluitullinimnit, êpᴋejarlungalo ajornimnit

Salomob Okâl 21:3

Nâmanermik idluarnermiglo attorlune Nâlekab nâmaginersariva tunnergutinnit.

Salomob Okâl 4:27

Sanguniarnak tallerpingmullonêt saumingmullonêt; itikettit sangutikit idluitomit.

Jesaiase 52:11

Pêritse, pêritse, aularitse tagvangat! Ivsornartomik aktuiniarase! Akkorngannit aularitse, epᴋêjaritse, Nâlekab perᴋutinginik erᴋsuktose!

Jeremia 18:11

Taimaimat, attê, oᴋâlalerit Judamiunut Jerusalemiunullo, oᴋarlutit: Imâk Nâlagaᴋ oᴋarpoᴋ: Ahâk, âᴋiksoivunga idluitomik ilipsingnut, kajusimaneliorlungalo ilipse pivluse; uteritse mâna ilûnase atunit apᴋutipsingnit idluitunit, ilusiselo piniarniselo âᴋiksorlugit.

Jeremia 25:5

Oᴋarlutik: Sâgiaritse mâna ilûnase apᴋotigijapsingnit idluitunit, piniarnipselo idluininginit, nunaᴋaritselo nuname Nâlakab tunijangane ilipsingnut atâtagijapsingnullo itsarsoarmit issoᴋangitomullo;

Jeremia 26:3

Imaᴋa tusaromalârput sâgiarlutiglo ilûnatik apᴋotigijamingnit idluitunit, idluitoᴋ piniarnilungnerijomalauᴋtara tâpkonunga piniarnerijamik idluiningat pivlugo ᴋaᴋᴋialerutigivlugo pijungnarᴋovlunga.

Jeremia 35:15

Kivgakkalo nalautaijut ilûnatik tiligivakka ilipsingnut, makisaraivlunga tililugillo, oᴋarᴋovlugit: Sâgiaritsetoᴋ ilûnase atunit apᴋotigijapsingnit idluitunit piniarniselo âᴋiksorsigiᴋ Gudiblo assingit malingniarasigik kivgartoromavlugit, tagva nunaᴋaromârpose nuname tunijamne ilipsingnut atâtapsingnullo; siutisele manilungilase, nâlalungilapsingalônêt.

Jeremia 4:14

Omatit ubvaruk idluinermit, Jerusalem, piulijaujungnarᴋovlutit. ᴋanoᴋ sivitutigijomik issumavêt idluitut angerarviginiarᴋâtît?

Amos 5:15

Ajortok ômigisiuk, ajungitok ungagilugo, idluarsainerlo atortautisiuk itertarvingme; immaᴋâ Nâlekab, Gudib Zebaotib, Josefib amiakoa saimarsaivigijomârpait.

Jona 3:8

Pôksajavinernigle uliksimaniarlit inuillo nergjutillo, ilungertorlutiglo ᴋaigarsuglit Gudemut; ilâ, ilûnatik sâgiarlit apᴋotigijamingnit idluitunit, aggangmiglo idluitulinerijanginit.

Saggaria 13:1

Uvlorme tâpsomane Dâvidekunut Jerusalemiunullo puilavik matoêrtaujomârpok ajortoêrutiksak ivsornairutiksarlo.

Saggaria 7:7

Tusaraksaringilasê oᴋautsit Nâlekab oᴋauserilauktangit nalautaijutigut sivorlitigut, Jerusalem inuktaᴋalaungmat pilluangongmattalo, iglugasaksuillo tâpsoma avatânêtut seᴋinerdlerlo naternangillo nunagijaulaungmattâ?

Mattêuse 3:8

Attêle, sakᴋêgitse paunganik nalonaijaijunik ᴋaᴋialernipsingnik!

Apostelit Piniarningit 22:16

Mânalo sôᴋ tuavingikêt? nikovilerit baptitaulerlutillo, ajornernillo ubvartaulerit, Nâlekablo atinga tuksiarvigileruk.

Rômiunut 12:9

Naglingneᴋ takkormôrtailile. Ajorneᴋ ômigisiuk, ajunginerle ungagisiuk.

II Korintemiunut 7:1

Taimaimat taimaitomik angersimaneᴋarapta, nagliktakka, epᴋêjarniarta uvingûb tarniblo sujungninginit tamainit, nâmaksititsivalliavlutalo ivsornainermik Gûde sivôragivlugo.

Jâkobusib 4:8

Gûdemut ᴋaglititse, tâpsoma tagva ᴋagliniarpâse. Aggase ubvarsigik, ilipse ajortolit, ômatiselo sujungaitisigik ilipse maggogusertose.

I Pêtrusib 2:1

Tagva idluitulinerit tamaita allarsigik, uvêriklernerit tamaita, takkormôrnerillo, anerutjinerillo, terliaᴋatainerillo tamaita;

I Pêtrusib 3:11

Ajorneᴋ tunuliuk ajungitulivlune; ullapirsautisiorle, katsungaitomiglo pinasuarutigilugo.

Takotitaunermik 7:14

Kiovaralo: Nâlegak, igvit ᴋaujimavat. Ama oᴋautivânga: Ukkua tagva kappianartoksoarmit pijut, annorâtiglo ergortulaukpait, ᴋaᴋorsardlugillo annorâtik Saugârsûb aunganut.