Jeremia 9:23 - Labrador Inuttitut Heritage Bible

²³ Imâk Nâlagaᴋ oᴋarpoᴋ: Ilisimajoᴋ nertôtiniarane ilisimanerminik, pitsartujoᴋ nertôtiniarane pitsartunerminik, akluitoᴋ nertôtiniarane akluinerminik;

Jeremia 9:23 Iomraidhean Croise

Hiobe 32:13

Immaᴋâ oᴋarᴋonasse: Ilisimanek nallaulaukpavut; Gûdib ajaktorpâ; ᴋialoungitok assiata.

Hiobe 41:15

“Kabvisingit piojorijut sappulutatitut sôngojutitut iput, pallangairsimavut nippitinerᴋumut sôrlo.

Imgerut 33:5

Idluarnek idluarsainerlo namagivak; nuna nâmavok Nâlekab pitsiarninganik.

Imgerut 34:3

Illagilunga Nâlegak nakorissiuk, illagêklutalo attinga angijorortilavut!

Imgerut 44:9

Mânnale ajâktorpaptigut, kangusuktitauᴋolutalo, kattimgajoᴋotivullo aularᴋattigingilattit.

Imgerut 62:10

Aksorornermut aksârnigaujut sungertutiginiarassigik, tattekaraselo ivartaujunik. Akluinermik tunnitsiviogupse, ômattise ungaᴋoniarassigik tamattominga.

Salomob Okâl 11:4

Perᴋutit ikajungilet ningarnerub uvlungane; idluarnerle piuliklerpok toᴋomit.

Salomob Okâl 21:30

Ilisimanerlonêt, silatônerlonêt, kajusimanerlonêt sullitsengilat Nâlegak akkerartorlugo.

Salomob Okâl 3:5

Nâlegak tettigiuk ômamut ilûnânut, silatunîllo tettiginago pit.

Okaluktok 2:19

Kinale ᴋaujimava, imna ilisimaniarmangât, ᴋaujimangojarniarmangâllônêt? Aulatsijôjuksaugolloarivok suliarijamne tamaine ilisimavlunga piniarnerilauktamne sekᴋerngûb atâne. Tamanna sulinginiogivok.

Okaluktok 9:11

Sangulaukpunga, takkolungalo ᴋanok sekᴋerngûb atâne illiorneᴋarpangmat: akpangernermut sukkalinek ikajorlungimat, sorsungnermut pitsartuneᴋarnek ikajorlungilak, inûgutiksarsiornermut pikᴋaringnek ikajorlungilak, akluinermut sillatunek ikajorlungilak, oerigijaunermut ilisimaneᴋarnek ikajorlungilak; nelliutorle pilloringnerlo pitjutauvûk tamaimut.

Jesaiase 10:8

Imâk oᴋarmat: Angajoᴋângortitakka attaniongilât illũnatik?

Jesaiase 20:5

Tagva ᴋoaᴋsârlutik kangusûtigijomârpakit Etiopia tattigijatik Egiptenelo nertorutigijatik.

Jesaiase 47:10

Pingijaitoᴋsônit tattigivat issumaᴋarlutit: Takunârtoᴋangilaᴋ uvamnik. Illisimanivit sillatunivillo uivêringmattit, õmatikkut oᴋarpotit: Uvangauvunga, uvaptut-itoᴋangilaᴋ.

Jesaiase 5:21

Kappianarmêk illisimanasugijut sillatonasugijullo.

Jeremia 31:34

Naliatalo inûᴋatine ᴋatangutinelônêt ajoᴋertoriaᴋaromângilâ oᴋarlunalo: Nâlagaᴋ ilitariniaruk! Ilûnatik ilitarijomârmanga mikinerpâmit anginerpâk tikidlugo, oᴋarpoᴋ Nâlagaᴋ; idluituliningit issumagijungnairomârapkit, ajorningillo erᴋaumajungnairomârapkit.

Jeremia 48:14

Sudluse oᴋarᴋisê: Angutauvogut pitsartudlartut, ᴋoaᴋsângalungitullo unatarnermê?

Jeremia 48:7

Suliarijatit pivianartoᴋutigijatillo sungertutigilaurangne, igvittauᴋ tigijauᴋataujomârpotit; Kêmoselo (gudingoaᴋ) aularutijaujomârpoᴋ, ajoᴋertuijungit angajoᴋângillo ilagilugit.

Jeremia 49:4

Sôᴋ naᴋsatit piojorijutigivigît, naᴋsatit takoranidlartut, paniojotit kingorpiosartotît? tateᴋartotit perᴋutevaksoanik, oᴋarlutit: Kia tikiniarpângâ?

Hesekiel 29:9

Nunalo Egipten inuêrlunelo sunairutijomârpoᴋ; ᴋaujijuksauvullo uvangaugama Nâlegaᴋ; tâmna oᴋarmat; Kôksoaᴋ perᴋutigivara, uvanga senalauᴋpara.

Hesekiel 7:19

Silbereᴋotitik egilârpait apᴋosineâlungnut, goldeᴋotitiglo aktarnerlukkotitut ilingajomârput; silbereᴋotimik goldeᴋotimiglo piulijungnalulângilait Nâlekab nigaumajârningata uvlungane; nâmaksititsilulângilat tarninginik, aᴋeartortitsilulângillalo aᴋearunginik; idluitulinermut naukiutiviksaulaungmatta.

Daniel 3:15

Takuitsi, atuinaugupsi ᴋangaugaloarpat tusartuarupsi tiptulautit nipjautillo harfillo ᴋilularaillo noᴋaᴋsiralillo ᴋaningmigautillo nipliajûllo sunatuinait nipinginik pâmaktiromavlusi opigilugolo inungoaliarimajara, nâmakpoᴋ; opigosulungikupsili, tagva tagvainaᴋ igitaujuksauvosi kiaksautiâlub ikomaliksûb ᴋiᴋânut; kinauvâlo Gudeojoᴋ piulijungnartisi aggamnit?

Daniel 4:37

Mânalo uvanga Nebukadnezar ᴋilaub ataninga nitorpara angijôtilugolo opigilugolo; tâpsoma piniarningit ilûnamatsiatik miksiᴋârtôngmatta, apᴋotingillo idluartoᴋsôngmatta; piojorinimilo arvitartut tâpsoma miklilititsungnarpait.

Migga 6:8

Unertutjivigivâtit, inuk, suna ajungitomangât; sunamiglo Nâlegaᴋ pijomavâ ilingnît? Imaitomik kissiane ilâ: idluarsaitsiarᴋovlutit, nâpkigosudlarᴋovlutillo, nikanarsârlutillo arvertarᴋovlutit Gudît ilagilugo.

Sefania 1:18

Silbereᴋotingita goldeᴋotingitalônêt piulijungnaromângilait Nâlekab ningarnersoangata uvlungane; nunâle ilûnât ikitaujomârpok ilungertorningata ikoâlaninganut; ᴋeongominadlartomik nungutsomârmagit nunab inungit tamaita.

Markuse 10:24

Illiniartingitale oᴋausingit tamakkoa kakkilârutigivait. Jêsusible ama kiovait oᴋautivlugillo: Nagliktakka ᴋitorngakka, Gûdib nâlegauvinganut iteriaᴋ ajornarpoᴋ perᴋutimingnik tatteᴋartunut.

Rômiunut 1:22

Silatunasugigamik, silaitoᴋsôlerput;

I Korintemiunut 1:31

Taimailerᴋovlugo, sorlo aglaksimangmat: Nertoromajub Nâlegak nertorutigiliuk.

Deuteronomy 8:17

Oᴋarᴋonaglo ômatingne: Nukima aggangmalo talerpiub pitsartuningata piksavaksoaᴋartipânga makkoninga.

Filippimiunut 3:10

Illitarijomavlugo tâmna, makiningatalo pitsartuninga, siorniorningalo illangiubvigijomavlugo, toᴋunga adsiginiarlugo uvanga,

Filippimiunut 3:8

Ila angijomik piungilutarivakka tamaita, pijomavlugo idluarᴋejangat, illitarsineᴋ Kristuse Jêsusemik Nâlekamik; tâmna pivlugo tamaita piungilutarilauᴋtakka, aktarlukugivakkalo, Kristuse pijomavlugo.

I Timôteusemut 6:10

Pijomatudlarnek amângongmat ajortunut tamainut. Tamanna ilangita ikligilauramitsuk, okpernek tamaigivât, kappianartoksoarniglo ingmingnut pititsivut.

I Samuel 17:42

Filistere manna takkosarame, Davidelo takkonârlugo pigame, nachogiva, nukapiangôngmat, aupalangajôvlune pinnarnarlunelo.