Jeremia 9:20 - Labrador Inuttitut Heritage Bible

²⁰ Sullele Nâlakab oᴋausinga tusarsiuk, ilipse arnaujose, siutipse Nâlakab ᴋaningata oᴋausinga ilaliorlitsuk, paniselo ajoᴋertorsigik ᴋeanermik, silaliselo ogguarnermik.

Jeremia 9:20 Iomraidhean Croise

Hiobe 22:22

Malligaksauᴋojaujut ᴋaninganit illaliorkit, oᴋâlaningalo ômamiutarilugo pît.

Jesaiase 3:16

Nâlegarlo oᴋarpoᴋ: Zionib panningit piojoridlarmatta pissungmattalo ᴋongasertusârlutik ijingmiklutiglo ablornekidlutiglo ittigamikkullo tajaujat sivanertillugit,

Jesaiase 3:4

Inôsuktullo attaningortitsomârpakka taipkonunga, tâpkoa sillaidlarlutik aulatsijomârput.

Jeremia 14:16

Inugasaᴋsuillo nalautaivigijangit egitaujomârput Jerusalemib apᴋosineâlunginut saviksoaᴋ kângnartoᴋsoarlo pivlugik; iluversijuksaᴋaromângilarlo tâpkoninga, arnanginiglônêt, erninginiglônêt, paninginiglônêt, idluitulinitiglo kovijomavakka tâpkonunga.

Jeremia 23:16

Imâk oᴋarpoᴋ Nâlagaᴋ Zebaot: Nâlaniarase nalautaijut oᴋausinginik, nalautaijut ilipsingnut; sulingitunik ajoᴋertorpâse; ômatimik takotitjutingit oᴋâlatigingmatigik, Nâlakablo ᴋaninganit pijut pinagit.

Jeremia 23:28

Nalautaijoᴋ sinnaktomanelik unipkârle sinnaktomanerijaminik; oᴋausimniglo piᴋartoᴋ, nalâgôrlune oᴋausera oᴋautigiliuk. Iviksukat suksauvât sanaugaksat sanianê? oᴋarpoᴋ Nâlagaᴋ.

Jeremia 6:11

Taimaimat tattadlarpunga Nâlakab ᴋaningaumajârninganik; nunnomangudlarpunga; kovileruk sorutsinut apᴋosinernêtunut, inôsuktunullo katimgajunut; tagva angut nuliangalo tigujaujuksauvuk, inuᴋoartoᴋ uvloᴋartorlo unuktunik.

Jeremia 7:29

Nujatit sallikit, egilugillo ilingnit, ogguarillo ᴋaᴋᴋane merᴋuᴋangitune; Nâlakab ningarnermine kinguvârêt ukkua ajaktormagit pingujarlugillo.

Jeremia 8:2

Siamartiniarpaillo seᴋiniub, taᴋᴋiublo, ᴋilangmiugasaksuillo (uvloritjat), ungagilauᴋtangita, kivgartulauᴋtangitalo, malilauᴋtangitalo, aperᴋutigilauᴋtangitalo, pamaktervigilauᴋtangitalo, sângine; katersortaujomângilat, iluvertaujomângilallônêt; aᴋtarnilukotuinaujomârput nuname.

Jeremia 9:12

Kina silatovâ tamanna tukkisijungnarlugô? kinauvâlo oᴋarviojoᴋ Nâlakab ᴋaninganut, kigligiutsijungnarᴋovlugo tamattomingâ? Suna pivlugo nuna aserortaumavâ panertungordlunalo sunaᴋajuitotut, inungmut apᴋusârtaujungnaiᴋovlugô?

Jeremiab Ogguarutigijangit 2:19

Makigit, nipliadlarit unnuarme, pigârvît neliutilerningine; ômatît koviuk imektut Nâlekab kênangata sângane; aggaktit ᴋongmuartikit tâpsomunga sorusearsuvit, apᴋosineâluit ilûnatik issungine perlertut, inôsingit pivlugit.

Jeremiab Ogguarutigijangit 2:21

Inôsuktut inuᴋoartullo nelavut nuname apᴋosineâlungne, uigasukka nullêtukkalo oggotitaumavut saviksoarmut; toᴋosimavatit ningaumajârnivît uvlungane; toᴋorarpatit naiperᴋutigo sungneᴋarnak.