Jeremia 9:2 - Labrador Inuttitut Heritage Bible

² Kanoᴋtôᴋ tujormiviksaᴋatuinarlanga sunaᴋajuitome, sorlo ingergajut piᴋattarmatta; ᴋemâjungnarᴋovlunga inôᴋatimnik aularlungalo tâpkonangat! ilûnatik assiniarteongmatta, tunganaitoᴋsôᴋatigêt.

Jeremia 9:2 Iomraidhean Croise

Jesaiase 59:3

Tallise aungmut sallumaidlarmatta, aggaselo idluitullinermut, ᴋangasinâselo saeglonermik oᴋâlangmatta, oᴋaselo idluitunik oᴋauseᴋarmatta.

Jeremia 12:1

Idluartovotit, Nâlagaᴋ, oᴋaᴋataujomaguvit, oᴋaᴋatigijomadlaraloarpagit ilinganioᴋattartoᴋ pivlugo. Sôᴋ idluitulijut perᴋuteᴋarpaliasôngovât? Sôᴋ nalangaitomik piniarneᴋartut inilangatsiarsôngovât?

Jeremia 12:6

Katangutivit, atâtavillo ᴋitorngangita aglât nalangaitomik piniarvigingmatit, udlalutillo oᴋarnerlutjivigingmatit; tagva tatigitailikit oᴋautsinik ilanârnartunik oᴋauseᴋaraloarunik ilingnut.

Jeremia 13:22

Omatingnalo oᴋaruvit: Suna pivlugo tamakkoa tikisimavât uvamnût? idluitulinivit unurningit pivlugit annorâtit ᴋongmuartitauvut, kingmitillo aksorornermut usingatitauvlutik.

Jeremia 23:10

Nuna tattadlarmat assiniartunut, oᴋauseludlarneᴋ pitjutigivlugo nuna ogguarpoᴋ; inuᴋajuitub nerrinasugvingit ipterilikput; inuit ilusingit idluiput, pitsartuningillo piungilat.

Jeremia 4:22

Inuᴋotikka silaidlarmatta, ilitaringilânga; ᴋitorngauvut sujuksimajut, silatuneᴋangilallo mikijomiglônêt; silatudlarput idluitulinermik, idluartulinermigle ilisimaneᴋangilat.

Jeremia 5:1

Jerusalemib apᴋosiningitigut utertariartoritse ulernairsileritselo, nautsertorluselo, ᴋeneritselo apᴋosiningine nerrotojune naipitsinajarmangâpse angutimik, idluartulijoᴋarmangât, mikseᴋârneᴋsiortoᴋarmangât; (taimaitoᴋarpat) issumagijungnaivigijomavara.

Jeremia 5:11

Israêlib ᴋitorngangit Judablo ᴋitorngangit nalangaidlartomik piniarvigilaungmanga, Nâlagaᴋ oᴋarpoᴋ.

Jeremia 5:2

Oᴋaraloaruniglo: Sorlo Nâlagaᴋ inôngmat; sulle nalâgôngitomik angerput.

Hosea 4:2

Oᴋarnerlutjineᴋ, sagloneᴋ, inuarneᴋ, tiglingneᴋ, assiniarnerlo pitôvut, asseᴋangilat; sugaluluarput, auglo malikpoᴋ aungmik.

Hosea 5:7

Tâpkoa Nâlegaᴋ nelangaisârvigivât; ᴋitorngigamik takorngartarnik; mâna taᴋᴋetuinaub nungutsomârpait perᴋutitik ilagilugit.

Hosea 6:7

Tâpkoale Adametut angiᴋatigêngneᴋ uniorpât; tagvane nelangaisârvigivânga.

Hosea 7:4

Ilûnatik assiniarteovut; niaᴋojiorviktut niaᴋojiortemut ônarsititaujotut iput; aulajarijungnaipoᴋ ikomamik akutsijarêrnerminit senaugarmik pubjusiᴋârtinagonut.

Migga 6:12

Akluitungit tataput aksorotjinermik, inungit saglovlutik oᴋarput, oᴋangillo ᴋanermingne nalangaiput.

Sefania 3:4

Nelautaijoᴋotingit ᴋuksalaiput tunganailutiglo; ajoᴋertuijoᴋotingita ivsornaitovik sujukpât, perᴋojallo mumikpait.

Mâlaki 2:11

Jûda nelâgôngitulivoᴋ, maᴋojungnartorlo piniarutauvoᴋ Israêleme Jerusalemelo; Jûdab Nâlekab ivsornaitoviᴋotinga erdligijanga ivsornartingmago, gudingoablo takorngartab pania nuliarivâ.

Mâlaki 2:14

Oᴋarpose: Sôᴋ? Nâlegaᴋ najûtijôngmat ilingnullo inosungnivîllo nuliarijanganut, nelâgôngitulivigijarnut, aiparigaloarangne, angervigilauraloarangnelo nuliarijomavlugo.

Jâkobusib 4:4

Nuliarêngnermik asseroijose, angutillo arnallo, ᴋaujimangilasê, silaksoarmiunik ilannâᴋarnek Gûdemik ômisungniongmât? Silaksoarmiunik ilannâᴋaromajok, Gûdemik ômisukteolerpok.

Idluarsaijut 2:10

Ilûnatiglo, nalliutome taipsomane inôlauktut, kattersortaujarêrlaungmatta atâtagijamingnut, tagva tapkoa kingorngane kinguvarêᴋalerpok asianik, Nâlekamik illitarksilungitunnik, pinniarnerniglonêt pinniarnerilauktanginik Israelitinut.