Jeremia 9:16 - Labrador Inuttitut Heritage Bible

¹⁶ Siamartitsomavakka inôᴋatigêksuit akornganut, tâpkoalônêt atâtangitalônêt ilitarilaungitanginut; udlartautitsomavakkalo saviksoarmut, nungutsiᴋârtinanga tâpkoninga.

Jeremia 9:16 Iomraidhean Croise

Nehemia 1:8

Erᴋarugletôk oᴋausek imna, perᴋolauktat kivgarnut Mosemut, oᴋalauklutillo: Nâmangitulliniarupse, tagva siamartitsomavapse inûᴋattigêksuit akkornganut.

Imgerut 106:27

Kinguvângit egilugit nallojut akkornganut, nunannut siamartillugit.

Okaluktok 12:5

Pôktojuttauk sivôragijaukpatta, ᴋoaksârnartoᴋatuinarpat apkosinerme; napârtok Mandeleliksak nuvugulâlerpat, piglertarlo Usseᴋartitaulerpat, ᴋuvianartullo tamaita sorairpatta; inuk mânna aijuksaulerpat iglominut nâksaungitomut, ogguartullo pissulerpatta apkosinerme iglut akkorngane.

Jeremia 13:24

Taimaimat siamartitsomavakka iviksukatitut kiblornilukutitut anoremut tiktaumajutitut sunaᴋajuitome.

Jeremia 24:10

Saviksoarlo, kângnartoᴋsoarlo, nusilingnartorlo tilijomavakka tâpkoa akornganut, nungutauᴋovlugit nunamit tunilauᴋtamnit tâpkonunga atâtagilauᴋtanginullo.

Jeremia 25:27

Oᴋautijaksarivatillo: Imâk oᴋarpoᴋ Nâlagaᴋ Zebaot, Israêlib Gudinga: Imeritse, tallavluselo, meriaritselo, pâlakluselo, makiniarungnailuse, saviksoaᴋ akunapsingnut tilijomajara pitjutigivlugo.

Jeremia 29:17

Imâk oᴋarpoᴋ Nâlagaᴋ Zebaot: Ahâk, tilikliutjijomavunga tâpkonunga saviksoarmik, kângnartoksoarmiglo, nusilingnartomiglo, ilingatitsomavakkalo paungatannaktitut piungitutitut nerrijaujungnangitutitut, taimak piungitigigamik.

Jeremia 44:27

Ahak, kamagijomavakka idluitomut, ajungitomu-ungitorlo; Judablo inungit ilûnaita nuname Egipteneme nunaᴋartut nungutaujuksauvut saviksoarmut kângnartoᴋsoarmullo nungumariᴋârtinagit.

Jeremia 7:29

Nujatit sallikit, egilugillo ilingnit, ogguarillo ᴋaᴋᴋane merᴋuᴋangitune; Nâlakab ningarnermine kinguvârêt ukkua ajaktormagit pingujarlugillo.

Jeremia 8:19

Ahâk, inuᴋotima paningata ᴋaigarsungningata nippinganik nunamit ungasiktomêtomit: Nâlagaᴋ Zionemêlungilâᴋ? Ataninga tâpsomanêngilâᴋ? Suna pivlugo ningaumajârtilauᴋângâ adsingoaliorlutik suksaungitunik takorngartaniglo?

Hesekiel 11:17

Tamanna pivlugo oᴋarit: Imâk oᴋarpoᴋ Nâlegaᴋ Nâlegaujoᴋ: Inôᴋatigêksoarnit katersoromavapse, nunanillo siamartitauvigijapsingnit katersoromârpapse, tunitjivigijomavapselo Israêlib nunanganik.

Hesekiel 12:15

Kaujijuksaulârpullo uvanga Nâlegaugama, ajaktorupkit inôᴋatigêksuit akornganut, siamartikupkillo nunanut.

Hesekiel 14:17

Saviksoarlônêt tikiutinajarupko nunamut tâpsomunga, oᴋarlungalo: Saviksoaᴋ, nuna ingerarvigiuk; kipisiᴋovlunga inungnik nergjutiniglo tagvangat;

Hesekiel 20:23

Sullele aggakka isângatilaurivakka tâpkonunga sunaᴋajuitome siamartitsomagapkit inôᴋatigêksuit akornganut nunanullo serᴋitijomavlugit;

Hesekiel 27:2

Igvillo, inûb erninga, ogguarit Tiruse pivlugo;

Hesekiel 5:12

Aviksimajavit pingajuangit toᴋojuksaulârput nûsilingnartomut, perlernermullo nungulârput ilingne; pingajuangillo amatoᴋolârput avatingne; amalo pingajuangit siamartilârpakka anorenut tamainut, kingorninginelo saviksoaᴋ amujomavara.

Hesekiel 5:2

Tâpkoa pingajuangit ikomamut ikitaksarivatit iglugasaksuit ᴋerᴋane, ilumajauningita uvlungit nâmaksikpatta: ama pingajuangit tigulârpatit serᴋalilugillo saviksoarmut; pingajuangillo tiktautilârpatit anoremut, uvangalo tâpkoa udlalugit saviksoaᴋ amujomavara.

Leviticus 26:33

Ilipselo siamartitsomârpapse inôᴋatigêksuit akornganut, kingunipsingnalo saviksoak amujomârpara; nunaselo asserornilukungoromârpok, iglugasaksoaselo sunataᴋarungnairomârput.

Amos 5:16

Tamanna pivlugo imâk oᴋarpok Nâlegak, Gûde Zebaot, Nâlegaujok: apᴋosinerne tamaine ogguadlartoᴋaromârpok, apᴋosineâlungnelo tamaine oᴋartoᴋaromârpok: Kappê! Kappê! Perorsêvilerijorlo ᴋaiᴋojomârpât kiksarᴋatauᴋovlugo, ogguarnermiglo ilisimajut ogguarᴋovlugit.

Migga 2:4

Uvlorme tâpsomane adsiujomik atulârput pivluse, oggualârpullo ogguarutimut kiksarnelingmut, oᴋarlutik: Asserortaumarikpogut; inuᴋotima pigijaksangat ablatsangortipâ; pêjaivigivânga; perorsêvivullo tâpsoma avgorpait pikablâjunut.

Saggaria 7:14

Siamartitsomârpakkale ulajujoksoarmut inôᴋatigêksuit ilitarilaungitangita ilûnatik akornganut. Taimaglo tâpkoa kingorngane nuna ᴋemagauvok, tamaunârtoᴋangilaᴋ utertoᴋangilarlônêt: nuna kajungernartok inuᴋajuitungortingmatsuk.

Deuteronomy 28:25

Nâlekab pikaluktautitsomârpâtit ômigijivit sângine; apᴋut atausek atorlugo anilârpotit tâpkonunga, apᴋulle sevenit atorlugit ᴋemâlârpotit tâpkonangat; egitauᴋatalârpotillo utertarᴋatartomik silaᴋsûb nâlegauvingine tamaine.

Deuteronomy 28:36

Nâlekab tikiutilârpâtit, igvit atanîllo ataningortilârtat ilingnut, inôᴋatigêksoarnut ilitarilaungitarnut, igvillônêt atâtagilauᴋtavîllônêt; tagvanelo kivgartulârpotit Gûdib assinginik, ᴋejungnik ujarᴋaniglo.

Deuteronomy 28:64

Nâlekablo siamartitsomârpâtit inôᴋatigêksuit akorngane nunab issuanit aipânit nunab issuanut aipanganut; tagvanelo Gûdib assingit, igvit atâtagijavîllônêt ilitarilaungitase, kivgartulârpase, ᴋejuit ujargallo.

Deuteronomy 32:26

Oᴋalauᴋpunga ungasiktomut siamangatitsomagapkit, erᴋaumajaujungnaititsomagapkit inuit akorngane;

Deuteronomy 4:27

Nâlekablo siamartitsomârpâse inôᴋatigêksuit akorngane, amiakojomârposelo inuit ikitut inôᴋatigêksoarne Nâlekab aularutjauviotitangane ilipsingnut.

Jâkobusib 1:1

Jâkobuse, Gûdib Nâlekablo Jêsusib Kristûsib kivganga, kinguvârêt 12 it sunatuinarne siamangajut sivorlermik ᴋuviasûteᴋarᴋovakka.