Jeremia 9:10 - Labrador Inuttitut Heritage Bible

¹⁰ Kaᴋᴋat ᴋeajomavakka kajumiutigivlugillo, nergjuteᴋarvillo iviksukatalit naternamêtut oggorijomavlugit, panidlarmatta, apᴋusârtaujungnailutik kimut, nergjutillo nippingit tusaksaujungnaipullônêt; silab tingmiangit nergjutillo ilûnatik ᴋemâsimavut; aularsimavut.

Jeremia 9:10 Iomraidhean Croise

Jesaiase 41:15

Ahâk, ᴋamutîktut serᴋalitsijûktut, ipiktûktut, nutâktut, maggungnik kênalîktut illingatitsomârpagit. Kaᴋᴋat tukkarlugit serᴋomitsomârpattit ᴋaᴋᴋârulaillo serᴋalimajutitut illingatillugit.

Jesaiase 49:19

Nunat inuerutijoᴋ asserortaumajorlo serᴋomitaujorlo nalliutome tamattomane mikkiluaromârpoᴋ inungnut, asseroijullo illingnik ungasikput.

Jeremia 12:10

Mianersijut unuktut asseroisimavut perorsêvimnik vaineliksatalingmik, perorsêviga tullerajârsimavât, perorsêviga ânanaudlartoᴋ sunaᴋarungnaitungortisimavât.

Jeremia 12:11

Pitairutisimavât; pitaijartauvlune, takominaidlarpoᴋ sâmne; nuna ilûnane sunairutjauvoᴋ, erᴋasuktoᴋalungimat tâpsominga.

Jeremia 12:4

Kanoᴋ akunêrtigijomik nuna takominaituksauvâ, perortullo nuname ilûnâne ᴋunollertuksauvât? Nunab inungita idluituliningit pivlugit nergjutit tingmiallo nungutauvut; oᴋarmatta: tâmna takojuksaungilaᴋ ilingajomârniptingnik.

Jeremia 14:6

Siuteᴋortojullo nujoartut nangerput ᴋaᴋᴋârulangne merᴋoᴋangitune, aitalâvut ibjangonermut ᴋuglugiaᴋsoarâluktitut; ijingit sikkungilâvut, iviksukkaᴋangimat.

Jeremia 2:15

Loeviarait ᴋallingoarput tâpsomunga, ᴋuggudlarpullo; nunangallo asserorpât; iglugasaksoangit nungutauvut ikomamut, inuᴋarungnailutik.

Jeremia 2:6

Oᴋangilallônêt: Nanekâ Nâlagaᴋ takpaungartilauᴋtivut nunamit Egiptenemît? Tassiortivut sunaᴋajuitokut, nunakut inuᴋajuitokut itersâluᴋadlartokût? Nunakut ipterilingajokut toᴋublo taggalininganik pitalikkut, nunakut inungmut arvertarviovangitokut nunaksaungitokullô?

Jeremia 23:10

Nuna tattadlarmat assiniartunut, oᴋauseludlarneᴋ pitjutigivlugo nuna ogguarpoᴋ; inuᴋajuitub nerrinasugvingit ipterilikput; inuit ilusingit idluiput, pitsartuningillo piungilat.

Jeremia 50:3

Avangat inôᴋatigêksuit opaktoriartorpait, sunairutjijunik nunanganik, tagvane angerarveᴋartoᴋarᴋonago; ᴋemâsimavut, aularsimavut, inuillo nergjutillo.

Jeremia 7:29

Nujatit sallikit, egilugillo ilingnit, ogguarillo ᴋaᴋᴋane merᴋuᴋangitune; Nâlakab ningarnermine kinguvârêt ukkua ajaktormagit pingujarlugillo.

Jeremia 8:18

ᴋanoktôk manigorlanga uvamnik kiksarnimne! ômatiga nukkingêrutivoᴋ ilumne.

Jeremiab Ogguarutigijangit 1:16

Tamakkoa pivlugit ᴋeavunga, ijîkka korlorpuk imermik, tarnima manigoijiksanga ungasidlarmat uvamnit; ᴋitorngakka manigorutiksairutivut, ômigijikka sâlaᴋarmatta.

Jeremiab Ogguarutigijangit 2:11

Ijîkka ᴋugveᴋarungnaipuk, ergavikka kapiasuktitauvut, tinguga nunamut kovijauvok, inôᴋatima paningata asserortauninga pivlugo; sorusiarsuit amâmaktullo ᴋaujimangermatta iglugasaksuit apᴋosineâlungine.

Jeremiab Ogguarutigijangit 5:18

Zionib ᴋakᴋanga pivlugo, sunairutijok; terrianiangojârtut arvertarvigivât.

Hesekiel 14:15

Omajullônêt erᴋsinartut ingerarᴋonajarupkit nunakut, asseroiᴋovlugit tâpsominga ᴋemaktauᴋovlugo, apᴋusârtauᴋonago kimut ômajoaluit pitjutigivlugit;

Hesekiel 27:2

Igvillo, inûb erninga, ogguarit Tiruse pivlugo;

Hesekiel 29:11

Inuillônêt nergjutillônêt itigangit tagvûna ingerartuksaungilat, jârillo 40 nâvlugit inuᴋartuksaungilaᴋ.

Hesekiel 33:28

Nunalo asserornerlukungortitsomavara tataminiarutiksangortilugolo, piojorijuteᴋarningalo pitsartunerminik sorairtuksauvoᴋ; Israêliblo ᴋaᴋᴋangit inuêrutjaulârput, tagvûna ingerartoᴋarungnaitilugo.

Hesekiel 6:6

Nunagijapsingne tamaine iglugasaksuit asserortaujomârput, poᴋtoniselo ᴋemaktaujomârput; tunerguserviksase asserortauᴋovlugit ᴋemaktauᴋovlugillo, gudingoaliarimajaselo serᴋomitauᴋovlugit pijungnaiᴋovlugillo, seᴋinermullo napartitase nakkatauᴋovlugit, suliarimajaselo nungutauᴋovlugit.

Hosea 4:3

Tamanna pivlugo nuna oggualârpoᴋ, ilûnatiglo tagvane nunaᴋartut âlalârput, naternaub nergjutingit, tingmiallo ᴋilaub ikianganêtut ilagilugit; ilâ, mingeriat imarbingmêtut aglât pêjartaulârput.

Joel 1:13

Kaigitse, poksajanik atisileritse, ogguarluselo, ilipse ajoᴋertuijose; ᴋeadlaritse, ilipse kivgartortose tunerguservingme; ᴋaigitse, poksajanik atisimavluse, inangagitse unnuaᴋ nâvlugo, ilipse kivgartortose Gudimnik; senaugaᴋ tunergutiksaᴋ, tunergutiksarlo imiksaᴋ ᴋaitaujungnairmatta Gudipse iglunganut.

Joel 1:19

Nâlegaᴋ, ilingnut ᴋaigarsukpunga; ikoma nungûtsisimangmat nerrinasugvingnik puilaveᴋangitomêtunik, ikoâlanerublo napârtut perorsêvingmêtut tamaita ikipait.

Amos 5:1

Oᴋausek tamanna tigujara ogguarutigijomavlugo pivluse tusarsiuk, ilipse Israêlib ᴋitorngangit.

Amos 5:16

Tamanna pivlugo imâk oᴋarpok Nâlegak, Gûde Zebaot, Nâlegaujok: apᴋosinerne tamaine ogguadlartoᴋaromârpok, apᴋosineâlungnelo tamaine oᴋartoᴋaromârpok: Kappê! Kappê! Perorsêvilerijorlo ᴋaiᴋojomârpât kiksarᴋatauᴋovlugo, ogguarnermiglo ilisimajut ogguarᴋovlugit.

Migga 2:4

Uvlorme tâpsomane adsiujomik atulârput pivluse, oggualârpullo ogguarutimut kiksarnelingmut, oᴋarlutik: Asserortaumarikpogut; inuᴋotima pigijaksangat ablatsangortipâ; pêjaivigivânga; perorsêvivullo tâpsoma avgorpait pikablâjunut.

Migga 3:12

Taimaimat ilipse pitjutigiluse Zion perorsêviktut makperterartaujomârpoᴋ, Jerusalemelo aᴋtornerlukungoromârpoᴋ, iglûblo ᴋaᴋanga napârtoliub poᴋtoningatut itsomârpoᴋ.