Jeremia 8:9 - Labrador Inuttitut Heritage Bible

⁹ Ilisimajut kangusudlartuksauvut, ᴋoaᴋsârtuksauvut, parngnanairsortaujuksauvullo; ahâk, Nâlakab oᴋausingit naggogivait; ᴋanoelingajomiglo ilisimaneᴋarᴋâ tâpkonanê?

Jeremia 8:9 Iomraidhean Croise

II Atannit 17:15

Perkojangillo angerningalo, atâtagijanginut angerlauktanga, tennersariningillo tunnilauktangit tapᴋonunga, nachogivait, agvertarlutiglo Gûdingoat suksaungitut malliklugit, pinniarlutiglo suksaungitomik, nallojut malliklugit avatimingne nunakalauktut, Nâlekab perkojijutigijangit tapᴋoninga, taipkotitunak pinniartuksaungimatta.

Hiobe 5:12

Tâpsoma pingitsertortut isumangit sullingitipait, aggangit kajusimanermik nellautsititsijungnarᴋonagit.

Hiobe 5:13

Tâpsoma sillatôjut anguvait pingitsertorninginne, ochotitsilunelo mumiksimajut attannertuininginnik;

Imgerut 19:7

Nâlekab malligaksauᴋojangit ᴋanoêtoᴋatsangilat, tarnelo nakkoksitipât. Nâlekab kigligiudsiningit nallâgôrput, sillatutipaillo sillaitut.

Jesaiase 19:11

Angajoᴋajat Zoaneme sillaitôvut. Fâraub ikkajortingita illisimadlartut attanertuiningat sillainarpoᴋ. Suvluse Fârao oᴋautijomavisiûk: Illisimajut ᴋitorngarivânga, attanersuit sivorlît kinguvârivânga?

Jesaiase 29:14

Tamanna pivlugo mãnamit nunaᴋatigêt tâpkoa tattamnartomik piniarvigijomârpakka, illa tattamnartomik; sillatujoᴋotingita sillatuningat assiojomârpoᴋ, illisimajoᴋotingitalo illisimaningat saᴋᴋerungnairomârpoᴋ.

Jesaiase 43:27

Sivorlerijavit sivorlerpângat idluitullilerêrpoᴋ, ajoᴋertortivillo tunnupânga.

Jesaiase 8:20

Perᴋojanik nallunaijaijutiksaniglo (malligitse!) Taimak oᴋaromângilât ᴋaumajoᴋangitut illumingne?

Jeremia 15:6

Iperarsimavarma, Nâlagaᴋ oᴋarpoᴋ, kingupiartorsimavotit; taimaimat aggakka issaksimavakka ilingnut asserorlutit; nâpkiningnermik merngortudlarpunga.

Jeremia 19:7

Uvangalo Judab Jerusalemiblo atanertuijingit kovijomârpakka nuname tamattomane, oggotitautitsomârpakkalo saviksoarmut ômigijimik sângine, inôsingitalo pinasuartingita agganginut; timingillo tunijomârpakka nerᴋiksauᴋovlugit tingmianut ᴋilaub atânêtunut, nergjutinullo nunamêtunut.

Jeremia 2:8

Ajoᴋertuijut aperilaungilat: Nâlagaᴋ nanêᴋâ? perᴋojaniglo ilisimajut ilitarilaungilânga; pairᴋsijut tunulauᴋpânga, nalautaijullo nalautailauᴋput Baalekut, malikpullo idluarᴋutaungitunik.

Jeremia 49:7

Edome pivlugo. Imâk oᴋarpoᴋ Nâlagaᴋ Zebaot: Têmaneme ilisimaneᴋarungnaiᴋâ? silatujut silatunêrutivât? ilisimaningat nipaᴋsimavâ?

Jeremia 6:15

Kangusulaukât piungitulisimatilugît? Aukak, kangusulaungimarikput ketamiglônêt, auppalerungnangilallônêt; taimaimat pâlaᴋataujuksauvut pâlaktut ilagivlugit; nalipsarupkillo oggotitaujomârput, Nâlagaᴋ oᴋarpoᴋ.

Jeremia 6:19

Igvillo nuna, nâlagit; ahâk, ogguarnartomik tikititsijomavunga inugasaᴋsoarnut ukkununga, issumangita kinguniksanginik, nâlalungimatta oᴋausimnik, naggomattalo perᴋojamnik.

Hesekiel 7:26

Kanoetoᴋ malilârpoᴋ ᴋanoetomik, tusaumajaᴋ malilârpoᴋ tusaumajarmik. Takotitjumik ᴋeneromârput nelautaijomit; ajoᴋertuserle nûgomârpoᴋ ajoᴋertuijunit, atanertuinerlo inutoᴋaujunit.

Amos 2:4

Imâk oᴋarpok Nâlegak: Idluitulinerit pingasut sitamallônêt pivlugit Jûda pidlartautailititsomângilara; Nâlekab perᴋojangit iperarmagit, tâpsomalo maligaksauᴋojangit malilungimagit, saglonermigle, atâtangita piniarnerilauktanginik malignermingnut tamartitaungmatta;

Saggaria 13:4

Pijomârporlo uvlorme tâpsomane, nalautaijut ilûnatik takotitjutitik kangusûtigijomarmagit, nalautaijarangamik, ulingmiglo merᴋolingmik atisilulângilat uivêrikleromavlutik;

Deuteronomy 4:6

Taimaimat ivlerisigik piniarlugillo; tamanna ilisimanerigapsiuk silatunerilugolo inôᴋatigêksuit takkoane, tusalârtut maligaksauᴋojaujunik makkoninga tamainik, oᴋarniarlutiglo; Inôᴋatigêksuit tâpkoa ilisimadlarlutiglo silatudlartoksôvut.

II Timôteusemut 3:15

Sorusionernillo ᴋaujimagangne aglait hailigit, tâpkoa ajoᴋertortaujutigijungnarpatit, piulijauᴋovlutit okpernermut Kristûse Jêsusemut.